Archives: Events

Sveitarstjórnarráðstefna Framsóknar

Post date 17/04/2024

Föstudagur 19.apríl –

Í aðdraganda 37. Flokksþings Framsóknar er boðað til sveitarstjórnarráðstefnu, föstudaginn 19. apríl í Bæjarlind 14-16 og hefst hún kl. 17:00.

Frummælendur verða:

Sigurður Ingi Jóhannsson, formaður Framsóknar og fjármála- og efnahagsráðherra.

Fjármál ríkis og sveitarfélaga, framtíðarhorfur og aðkoma hins opinbera að kjarasamningum

Einar Þorsteinsson, borgarstjóri.

Breytingar í borginni! – Tækifæri og áskoranir.

Ingveldur Sæmundsdóttir, aðstoðarmaður fjármálaráðherra og sérfræðingur í skipulags- og byggingarmálum.

Skilvirkari byggingarreglugerð – aukið framboð.

Ásmundur Einar Daðason, ritari Framsókn og mennta- og barnamálaráðherra.

Málefni innflytjenda og fjöltyngdra barna

Að umræðu lokinni er boðið upp á veitingar að hætti hússins.

Vonandi sjá sem flestir sér færi til þess að mæta og taka þátt í umræðum og hita upp fyrir flokksþing.

Fyrir hönd stjórnar sveitarstjórnarráðs Framsóknar,

Einar Freyr Elínarson, formaður

Laugardagsfundur um málefni Múlaþings

Post date 11/04/2024

Laugardagur 13. apríl –

Kæru félagar í Múlaþingi

Í vetur og vor ætlum við að vera með málefnafundi og veitingar í Austrasalnum að Tjarnarbraut 19, Egilsstöðum og er næsti fundur á laugardaginn 13. apríl kl. 11.

Við munum taka á móti gestum og gangandi og ræða málefni líðandi stundar og verða sveitarstjórnarmálin til umræðu á þessum fundi. Gestir fundarins eru Björn Ingimarsson sveitarstjóri og sveitarstjórnarfulltrúar Framsóknar þau Jónína Brynjólfsdóttir, Vilhjálmur Jónsson og Björg Eyþórsdóttir.

Við bjóðum ykkur öll hjartanlega velkomin

Ath. vegna takmarka á húsnæði okkar er aðgengi því miður ekki fullnægjandi.

Kær kveðja,

Framsóknarfélag Múlaþings

37. Flokksþing Framsóknar

Post date 10/04/2024

20.-21. apríl 2024 –

37. Flokksþing Framsóknar verður haldið 20.-21. apríl á Hótel Hilton í Reykjavík. Framsókn heldur reglulegt flokksþing eigi sjaldnar en annað hvert ár og skal það að jafnaði haldið fyrri hluta árs. Flokksþing Framsóknarmanna ákveður meginstefnu flokksins í landsmálum, setur flokknum lög og hefur æðsta vald í málefnum hans. Þinggjaldið er kr. 10.000,- en fyrir öryrkja og námsfólk er þinggjaldið kr. 7.000,-

Drög að dagskrá:

Drög að ályktunum flokksþings

Innviðir – drög

Heilbrigði og málefni eldra fólks – drög

Menning, viðskipti og efnahagur – drög

Mennta- og barnamál – drög

Stjórnskipan, mannréttindi, málefni innflytjenda og utanríkismál – drög

Atvinnumál – drög

Umhverfis-, orku- og loftslagsmál – drög

Laganefnd – drög

Skýrsla og tillögur um innra starf

Innra starf – skýrsla og tillögur

Miðar á hátíðarkvöldverð og ballMiðar á hátíðarkvöldverð eru til sölu á tix.is og innifalið er fordrykkur, þriggja rétta kvöldverður, skemmtun, PATRi!K – Prettyboychoco og ball með hljómsveitinni Sunnan 6. Síðasti möguleiki á að kaupa miða er á mánudaginn.

Upphitun fyrir Flokksþing

Í tilefni Flokksþings flokksins helgina 20.-21. apríl þá bjóðum við Framsóknarfólki að koma og þjófstarta helgini með okkur!

Viðburðurinn fer fram í Kópavogi, Bæjarlind 14-16 og hefst kl. 20.00.

Mikilvægar dagsetningar:

21. mars – viðmiðunardagur fulltrúatölu aðildarfélaga.
5. apríl – lagabreytingum skal í síðasta lagi á miðnætti skilað inn til flokksskrifstofu.
13. apríl – kjörbréfum skal í síðasta lagi á hádegi skilað inn til flokksskrifstofu.

Á flokksþingi skal kjósa formann Framsóknarflokksins og skal hann jafnframt vera formaður miðstjórnar flokksins. Þá skal á flokksþingi kjósa varaformann, ritara og tvo skoðunarmenn reikninga. Einnig skal kjósa tvo meðstjórnendur í laganefnd og tvo til vara. Ennfremur skal kjósa tvo meðstjórnendur siðanefndar og tvo til vara. Hvert flokksfélag hefur rétt til að senda einn fulltrúa með atkvæðisrétt á flokksþing fyrir hverja 15 félagsmenn eða brot úr þeirri tölu. Jafnmargir varamenn skulu kjörnir. Fulltrúatala skal miðast við félagatal eins og það liggur fyrir á skrifstofu flokksins 30 dögum fyrir flokksþing. Um fyrirkomulag kosninga fulltrúa fer eftir lögum einstakra aðildarfélaga. Aðildarfélög skulu tilkynna val sitt á fulltrúum á flokksþing til skrifstofu flokksins eigi síðar en viku áður en flokksþing er sett. Allir félagsmenn í flokknum hafa rétt til að sækja flokksþing og hafa þar málfrelsi og tillögurétt. Miðstjórnarmenn eiga sæti á flokksþingi með atkvæðisrétti.

Bílastæði á flokksþingi

Norðan megin við Hilton hótel:

Sunnan megin við Hilton hótel:

FRAMSÓKN

Störf þingsins – rafrænn fundur

Post date 10/04/2024

Mánudagur 15. apríl 2024 –

Þingflokkur Framsóknar boðar til fundar með flokksfólki á Teams mánudaginn 15. apríl kl. 20.00.

Ingibjörg Isaksen þingflokksformaður boðar til fundarins og mun formaður Framsóknar, Sigurður Ingi Jóhannsson fjármála- og efnahagsráðherra, fara yfir málin.
Ef þú hefur áhuga á að taka þátt í fundunum er nauðsynlegt að skrá sig hér:
Störf þingsins – rafrænn fundur
Hlekkur á fundinn verður sendur skömmu fyrir fund, hjálpumst að við að láta orðið berast.