17. Kjördæmaþing Framsóknarmanna í Reykjavík

Miðvikudagur 16. október 2024 –

Stjórn KFR boðar til 17. Kjördæmaþings Framsóknarmanna í Reykjavík miðvikudaginn 16. október í Rúgbrauðsgerðinni, Borgartúni 6, 3. hæð, kl. 20:00 Framboð í trúnaðarstörf skulu berast til starfsnefndar á netfangið reykjavik@framsokn.is. Framboðsfrestur rennur út þremur sólarhringum fyrir boðaðan þingtíma.

Drög að dagskrá:

1. Kosning starfsmanna þingsins.
2. Skýrsla stjórnar og ársreikningur 2023.
3. Ávörp gesta.
4. Lagabreytingar.
5. Kosningar:
   1. Formaður KFR.
   2. 6 fulltrúar í stjórn KFR og 2 til vara.
   3. Formaður kjörstjórnar.
   4. 6 fulltrúar í kjörstjórn og 3 til vara.
   5. Fulltrúar KFR í miðstjórn skv. lögum flokksins.
   6. 2 skoðunarmenn reikninga og 1 til vara.
6. Pallborðsumræður.
7. Önnur mál.

Formenn aðildarfélaga eru hvattir til þess að huga að kjörbréfum fyrir þingið og koma til starfsnefndar á netfangið: reykjavik@framsokn.is. Á kjördæmaþingi eiga sæti með atkvæðisrétti:

• Einn fulltrúi fyrir hverja byrjaða 10 félagsmenn hvers aðildarfélags í kjördæmunum.
• Aðal- og varamenn í stjórn kjördæmasambandsins.
• Aðalmenn kjördæmanna í miðstjórn Framsóknarflokksins.
• Heiðursfélagar í aðildarfélögum í kjördæmunum 70 ára og eldri.

Þá eiga allir félagsmenn Framsóknarflokksins í kjördæmunum rétt á að sitja kjördæmaþing með málfrelsi og tillögurétt. Stjórn KFR leggur fram eftirfarandi lagabreytingatillögur til samræmis við breytingar á lögum flokksins á síðasta flokksþingi.

• Undir II. Kjördæmaþing - að í stað dagsetningarinnar „15. nóvember“ í 1. málsl. 4. gr. komi: 15. apríl ár hvert og að minnsta kosti einn upplýsingafund með þingmönnum kjördæmanna á hverjum þingvetri.
• Undir VII. Um framboð til alþingiskosninga og sveitarstjórnarkosninga – að í stað orðsins „póstkosning“ í 3. málsl. 18. gr. komi: rafræn kosning.

Hlökkum til að sjá sem flest!

Stjórn KFR