Félagsfundur Framsóknarfélags Árborgar

Fimmtudagur 15. janúar 2026 –

• Viðburðurinn á Facebook

Stjórnin.

Aðalfundur Framsóknarfélags Akraness

Sunnudagur 18. janúar 2026 –

Stjórn Framsóknarfélags Akraness.

Félagsfundur UngFramsókn í Reykjavík

Mánudagskvöldið 19. janúar, klukkan 20.00
Bæjarlind 14-16 Kópavogi

Stjórn Ung Framsókn í Reykjavík boðar til almenns félagsfundar 19. janúar. Fundurinn hefst klukkan 20.00 og fer fram í Bæjarlind 14-16 í Kópavogi, í húsnæði flokksins. Dagskrá fundarins verður með eftirfarandi hætti:

1) Kosning starfsmanna fundarins
2) Kosning fulltrúa Ung Framsókn í Reykjavík á flokksþing Framsóknarflokksins.
– Skv. lögum Framsóknarflokksins á hvert aðildarfélag 1 fulltrúa á flokksþing fyrir hverja byrjaða 15 félagsmenn og jafn marga til vara.
3) Kosning fulltrúa Ung Framsókn í Reykjavík á tvöfalt kjördæmaþing til vals á frambjóðendum á lista Framsóknarflokksins við sveitastjórnarkosningar sem fram fara vorið 2026.
– Samkvæmt viðmiðunarreglum Framsóknarflokksins um tvöfalt kjördæmaþing vegna borgarstjórnarkosningar hefur hvert aðildarfélag 1 fulltrúa fyrir hverja byrjaða 5 félagsmenn og jafn marga til vara.
4) Önnur mál

Þeir félagsmenn sem hafa áhuga á sitja flokksþing eða tvöfalt kjördæmaþing fyrir hönd Ung Framsókn í Reykjavík er bent á að hafa samband við Magneu, formann félagsins (magneagnajohannsdottir@gmail.com) eða Guðmund, varaformann (gummisig97@gmail.com) fyrir 16. janúar 2025.

Félagsfundur á Akureyri

Mánudagur 19. janúar 2026 –

Framsókn á Akureyri

Félagsfundur Framsóknarfélags Reykjavíkur

Fimmtudagur 22. janúar 2026 –

Stjórn Framsóknarfélags Reykjavíkur boðar til félagsfundar fimmtudaginn 22. janúar, kl. 20.00 að Hótel Hilton Reykjavík Nordica, Suðurlandsbraut 2, Reykjavík.

Dagskrá:

1) Kosning starfsmanna fundarins.
2) Kosning fulltrúa Framsóknarfélags Reykjavíkur á flokksþing Framsóknarflokksins.
– Skv. lögum Framsóknarflokksins á hvert aðildarfélag 1 fulltrúa á flokksþing fyrir hverja byrjaða 15 félagsmenn og jafn marga til vara.
3) Kosning fulltrúa Framsóknarfélags Reykjavíkur á tvöfalt kjördæmaþing til vals á frambjóðendum á lista Framsóknarflokksins við sveitastjórnarkosningar sem fram fara vorið 2026.
– Samkvæmt viðmiðunarreglum Framsóknarflokksins um tvöfalt kjördæmaþing vegna borgarstjórnarkosninga hefur hvert aðildarfélag rétt á 1 fulltrúa fyrir hverja byrjaða 5 félagsmenn og jafn marga til vara.
4) Önnur mál.

Þeir félagsmenn sem hafa áhuga á sitja flokksþing eða tvöfalt kjördæmaþing fyrir hönd Framsóknarfélags Reykjavíkur er bent á að hafa samband við Ástu Björg formann félagsins (astabjorg@gmail.com) fyrir 15. janúar.

Minnt er á að kjördæmaþingsfulltrúar skulu samkvæmt lögum FR hafa greitt félagsgjald félagsins á yfirstandandi starfsári (5000 kr. – kt. 610174-0439 – Reikningsnúmer: 0301-26-203355).

• Sjá viðburðinn á Facebook.

Stjórn Framsóknarfélags Reykjavíkur

Þorrablót Framsóknar í Árborg

Föstudagur 23. janúar 2026 –

Framsókn í Árborg

Tvöfalt kjördæmaþing í Reykjavík vegna borgarstjórnarkosninga

Laugardagur 7. febrúar 2026

Tvöfalt kjördæmaþing í Reykjavík vegna vals á framboðslista Framsóknar fyrir borgarstjórnarkosningarnar í vor fer fram laugardaginn 7. febrúar 2026 á Hilton Reykjavík Nordica. Kosið verður um fjögur efstu sætin á framboðslistanum.

Tvöfalt kjördæmaþing í Reykjavík

Stjórn Kjördæmasambands framsóknarmanna í Reykjavík boðar til tvöfalds kjördæmaþings laugardaginn 7. febrúar kl. 12:00 á Hilton Reykjavík Nordica.

Dagskrá

1. Kosning starfsmanna þingsins.
2. Kosning um fjögur efstu sætin á framboðslista Framsóknar fyrir borgarstjórnarkosningarnar 16. maí 2026.
3. Tillaga að framboðslista Framsóknar í Reykjavík fyrir borgarstjórnarkosningarnar 16. maí 2026.
4. Önnur mál.

Þinggjald er 2.000 kr. og greiðist inn á reikning KFR kt. 560169-3619 reikn. 0358-26-000874. Kjörstjórn hefur þegar auglýst eftir framboðum á framboðslista Framsóknar í Reykjavík fyrir borgarstjórnarkosningarnar 16. maí 2026.

Tekið er á móti framboðum og tilnefningum á netfanginu reykjavik@framsokn.is. Áhugasamir eru hvattir til að gefa kost á sér. Frambjóðendur og fulltrúar geta kynnt sér framboðsreglur um tvöfalt kjördæmaþing á vef Framsóknar.

Val fulltrúa fer fram á aðal- eða félagsfundi aðildarfélaga að viðhafðri hlutfallskosningu. Framsóknarfélag Reykjavíkur hefur boðað til félagsfundar 22. janúar 2026. Kjörbréf aðildarfélaga skulu hafa borist kjörstjórn á netfangið reykjavik@framsokn.is 15 dögum fyrir tvöfalda kjördæmaþingið.

Rétt til atkvæðagreiðslu á tvöföldu kjördæmaþingi eiga flokksbundnir framsóknarmenn í framsóknarfélögum í kjördæmunum og með lögheimili í kjördæmunum, þ.m.t. þeir sem skilað hafa inn inngöngubeiðnum í Framsóknarflokkinn 30 dögum fyrir tvöfalda kjördæmaþingið, hafi greitt þinggjald og séu fulltrúar með eftirtöldum hætti:

• Einn fulltrúi fyrir hverja byrjaða 5 félagsmenn hvers aðildarfélags í kjördæmunum.
• Formenn aðildarfélaga í kjördæmum.
• Aðal- og varamenn í stjórn kjördæmasambandsins.
• Aðalmenn kjördæmanna í miðstjórn Framsóknarflokksins.

Þá eiga allir félagsmenn Framsóknarflokksins í kjördæmunum rétt á að sitja kjördæmaþing með málfrelsi og tillögurétt.

Framboð

Kjörstjórn auglýsir eftir framboðum á framboðslista Framsóknar í Reykjavík fyrir borgarstjórnarkosningarnar 16. maí 2026. Frambjóðendur skulu vera kjörgengir í næstu sveitarstjórnarkosningum, búsettir í Reykjavík og félagar í Framsóknarflokknum. Frambjóðendur eru hvattir til að kynna sér vel framboðsreglur um tvöfalt kjördæmaþing.

Framboðsfrestur rennur út föstudaginn 23. janúar 2026 kl.12:00.

Tekið er á móti framboðum á netfanginu reykjavik@framsokn.is

Í framboðstilkynningu skulu frambjóðendur gefa kost á sér í ákveðin sæti, eitt eða fleiri. Hver frambjóðandi skal skila ljósmynd og að hámarki 400 orða kynningartexta með framboðstilkynningu ásamt meðmælendalista með að lágmarki 10 og að hámarki með 20 flokksbundnu framsóknarfólki.

Frambjóðendur geta nálgast eyðublað til að safna meðmælum hér.

Frambjóðendur í önnur sæti

Kjörstjórn gerir tillögu að skipan framboðslistans í heild og óskar eftir tilnefningum eða framboðum í önnur sæti listans. Áhugasamir eru beðnir að senda tölvupóst á netfangið reykjavik@framsokn.is með upplýsingum um nafn og kennitölu.

Kjörstjórn Framsóknar í Reykjavík

38. Flokksþing Framsóknar

14.-15. febrúar 2026 –

38. Flokksþing Framsóknar verður haldið 14.-15. febrúar 2026 á Hilton Reykjavík Nordica í Reykjavík.

Framsókn heldur reglulegt flokksþing eigi sjaldnar en annað hvert ár og skal það að jafnaði haldið fyrri hluta árs. Flokksþing Framsóknarmanna ákveður meginstefnu flokksins í landsmálum, setur flokknum lög og hefur æðsta vald í málefnum hans.

Mikilvægar dagsetningar:

15. janúar – viðmiðunardagur fulltrúatölu aðildarfélaga.
30. janúar – lagabreytingum skal í síðasta lagi á miðnætti skilað inn til flokksskrifstofu.
7. febrúar – kjörbréfum skal í síðasta lagi á hádegi skilað inn til flokksskrifstofu.

Á flokksþingi skal kjósa formann Framsóknarflokksins og skal hann jafnframt vera formaður miðstjórnar flokksins. Þá skal á flokksþingi kjósa varaformann, ritara og tvo skoðunarmenn reikninga. Einnig skal kjósa tvo meðstjórnendur í laganefnd og tvo til vara. Ennfremur skal kjósa tvo meðstjórnendur siðanefndar og tvo til vara.

Hvert flokksfélag hefur rétt til að senda einn fulltrúa með atkvæðisrétt á flokksþing fyrir hverja 15 félagsmenn eða brot úr þeirri tölu. Jafnmargir varamenn skulu kjörnir. Fulltrúatala skal miðast við félagatal eins og það liggur fyrir á skrifstofu flokksins 30 dögum fyrir flokksþing. Um fyrirkomulag kosninga fulltrúa fer eftir lögum einstakra aðildarfélaga. Aðildarfélög skulu tilkynna val sitt á fulltrúum á flokksþing til skrifstofu flokksins eigi síðar en viku áður en flokksþing er sett.

Allir félagsmenn í flokknum hafa rétt til að sækja flokksþing og hafa þar málfrelsi og tillögurétt.

Miðstjórnarmenn eiga sæti á flokksþingi með atkvæðisrétti.

FRAMSÓKNARFLOKKURINN

Sveitarstjórnarkosningar 2026

Laugardagur 16. maí 2026 –

Kosningaréttur

• Allir íslenskir ríkisborgarar sem náð hafa 18 ára aldri á kjördag, og sem skráðir eru með lögheimili í viðkomandi sveitarfélagi 38 dögum fyrir kjördag.
• Þeir námsmenn á Norðurlöndunum sem hafa náð 18 ára aldri á kjördag, eiga kosningarrétt í því sveitarfélagi þar sem lögheimili þeirra var skráð við brottflutning.
• Allir danskir, finnskir, norskir og sænskir ríkisborgara sem eiga lögheimili á Íslandi og hafa náð 18 ára aldri á kjördag.
• Aðrir erlendir ríkisborgarar sem hafa náð 18 ára aldri á kjördag og hafa átt lögheimili hér á landi í þrjú ár samfellt fyrir kjördag.

Kosningasaga

• Sveitarstjórnarkosningar

Framsókn