Framboðslisti Framsóknar í Norðvestur samþykktur

Kjördæmissamband Framsóknar í Norðvesturkjördæmi (KFNV) hefur samþykkt framboðslista Framsóknarflokksins í Norðvesturkjördæmi á fjölmennu aukaþingi sambandsins að Þinghamri í Borgarfirði rétt í þessu.

Listinn samanstendur af reynslumiklu fólki sem býr og starfar um allt kjördæmið.

Í fyrsta sæti er Stefán Vagn Stefánsson, þingmaður og varaformaður fjárlaganefndar, Skagafirði.

Í öðru sæti er Lilja Rannveig Sigurgeirsdóttir, þingmaður, Borgarfirði.

Í þriðja sæti er Halla Signý Kristjánsdóttir, þingmaður, Holti í Önundarfirði.

Í fjórða sæti er Ragnar Baldvin Sæmundsson, oddviti Framsóknar og frjálsra á Akranesi.

Í fimmta sæti er Þorgils Magnússon, varaþingmaður, Húnabyggð.

Stefán Vagn Stefánsson oddviti listans sagði af því tilefni: „Það er heiður að leiða þennan öfluga og reynslumikla hóp Framsóknarfólks úr kjördæminu. Við hlökkum til að hitta kjósendur næstu daga og vikur fram að kosningum. Framsókn er og verður öflugur samvinnuflokkur með sterkar rætur í kjördæminu og við ætlum að halda okkar þremur þingmönnum í kjördæminu.“

Listi Framsóknar í Norðvestur í heild sinni:

Sæti	Nafn		Starfsheiti	Staður
1	Stefán Vagn Stefánsson		Alþingismaður	Sauðárkróki
2	Lilja Rannveig Sigurgeirsdóttir		Alþingismaður	Borgarnesi
3	Halla Signý Kristjánsdóttir		Alþingismaður	Flateyri
4	Ragnar Baldvin Sæmundsson		Bæjarfulltrúi	Akranesi
5	Þorgils Magnússon		Byggingatæknifræðingur	Blönduósi
6	Gunnar Ásgrímsson		Kennaranemi og formaður SUF	Sauðárkróki
7	Steinunn Guðmundsdóttir		Vélvirkjanemi og nemi í Véliðnfræði við HR	Akranesi
8	Garðar Freyr Vilhjálmsson		Mjólkurfræðingur	Dalabyggð
9	Sigríður Hulda Guðbjörnsdóttir		Málstjóri farsældarbarna	Bolungarvík
10	Sigurbjörn Rafn Úlfarsson		Framkvæmdastjóri	Hólmavík
11	Gauti Geirsson		Framkvæmdastjóri	Ísafirði
12	Jóhanna María Sigmundsdóttir		Staðgengill sveitarstjóra	Dalabyggð
13	Elsa Lára Arnardóttir		Aðstoðarskólastjóri	Akranesi
14	Sveinn Bernódusson		Stálsmíðameistari	Bolungarvík