Framsokn.isBrekka? Já! Þess vegna ætlar Framsókn á Akureyri að bjóða upp á klifurkynningu í nýrri og glæsilegri aðstöðu 600Klifur, föstudaginn 24. október kl. 17:30.
Þar verður farið yfir hvernig er hægt að styrkja sig og komast yfir örðugustu hjallana.
Ung í Framsókn bjóða svo upp á pílukast og afslappaða stemningu seinna um kvöldið – í Skor, Glerártorgi.
Aðalfundur Sambands eldri Framsóknarmanna (SEF) verður haldinn á TEAMS og í Framsóknarsalnum Bæjarlind 14 í Kópavogi mánudaginn 27. október 2025 og hefst hann kl. 19:30.
Þeir félagar sem vilja taka þátt í í fundinum sendi ósk um það á netfangið: framsokn@framsokn.is.
Á fundardegi, 27. október, fá þeir sem hafa óskað eftir því að sitja fundinn hlekk til að tengjast inn á fundinn.
Félagar hvattir til að taka þátt í okkar starfi og mæta á aðalfundinn.
Ef einhverjar spurningar vakna má hafa samband við framsokn@framsokn.is eða hringja á skrifstofu Framsóknar í síma: 540-4300.
Laugardagsfundur með Sigurði Inga Jóhannssyni, formanni Framsóknar, verður haldinn laugardaginn 11. október í Framsóknarsalnum, Hafnargötu 62, í Reykjanesbæ, kl. 11:00.
Allir velkomnir!
Þá er komið að því að starta vetrarstarfinu hjá Framsóknarfélagi Dalvíkurbyggðar og ætlar Þórarinn Ingi Pétursson, þingmaður, að koma og vera með okkur.
Hvetjum alla sem hafa áhuga á okkar frábæra samfélagi að koma og hitta okkur föstudaginn 3. október kl. 20:30 á Hólnum í Menningarhúsinu Bergi í góðu spjalli.
Fólk getur verslað sér drykki á staðnum og við munum klárlega skála einu sinni eða jafnvel tvisvar yfir kvöldið!
Hlökkum til að sjá sem flesta.
