Willum Þór Þórsson, heilbrigðisráðherra opnaði formlega Brjóstamiðstöð Landspítala.
![](https://framsokn.is/wp-content/uploads/2022/09/308464454_475164927960247_6337250022131680721_n-872x1024.jpeg)
Í Brjóstamiðstöðinni eru saman komin á einn stað brjóstaskimun, brjóstamyndgreining, greiningar og öflug göngudeildarþjónusta. Þetta fyrirkomulag tryggir bæði samfellu í þjónustunni og samlegðaráhrif. Þjónustan verður ekki bara markvissari og skilvirkari heldur styður fyrirkomulag Brjóstamiðstöðvarinnar við öfluga teymisvinnu.
![](https://framsokn.is/wp-content/uploads/2022/09/308429069_475164901293583_1967702809080353655_n-990x1024.jpeg)
Því miður hefur heilsa kvenna í gegnum aldirnar ekki alltaf fengið sama sess og heilsa karlmanna. Brjóstamiðstöð Landspítala sendir með starfsemi sinni sterk skilaboð um það að heilbrigðiskerfið á Íslandi láti slíkt ójafnræði ekki viðgangast. Í miðstöðinni vinna geislafræðingar, lýtalæknar, krabbameinslæknar og hjúkrunarfræðingar og fleiri saman að bættri heilsu kvenna.