37. Flokksþing Framsóknar var haldið á Hilton Reykjavík Nordica síðastliðna helgi. Þingið var stórglæsilegt í alla staði, en þar kom fjöldi Framsóknarfólks af landinu öllu saman.
Flokksþing Framsóknar hefur æðsta vald í málefnum flokksins, kýs flokknum forystu og leggur línur hvað varðar málefni og stefnu flokksins. Starfið í aðdraganda þingsins og á þinginu er sannkölluð lýðræðisveisla þar sem á þriðja hundrað félaga tók virkan þátt í yfirferð á stefnu flokksins með þátttöku í málefnastarfi.
Forystan endurkjörin með yfirgnæfandi stuðningi
Forysta Framsóknar endurnýjaði á þinginu umboð sitt með yfirgnæfandi stuðningi þingsins. Formaður flokksins Sigurður Ingi Jóhannsson, Lilja Dögg Alfreðsdóttir, varaformaður og Ásmundur Einar Daðason, ritari flokksins, hlutu öll glæsilega kosningu.
![](https://framsokn.is/wp-content/uploads/2024/04/framsokn-thingsalur-atkvaedagreidsla-2024-1024x768.jpeg)
Samþykktar voru allmargar ályktanir og munu þær birtast í heild sinni á næstu dögum. Jafnframt voru samþykktar breytingar á lögum flokksins eftir viðamikla vinnu starfshóps um innra starf flokksins undir forystu Ásmundar Einars Daðasonar, ritara flokksins.
![](https://framsokn.is/wp-content/uploads/2024/04/framsokn-xb-yfirlitsraeda_formanns_SIJ-2024-1024x683.jpg)
Sigurður Ingi Jóhannsson, formaður Framsóknar, með yfirlitsræðu á flokksþingi.
![](https://framsokn.is/wp-content/uploads/2024/04/framsokn-xb-raeda_varaformanns_LDA-2024-1024x683.jpg)
Lilja Dögg Alfreðsdóttir, varaformaður Framsóknar, með ræðu á flokksþingi.
![](https://framsokn.is/wp-content/uploads/2024/04/framsokn-flokksthing-einar-thorsteinsson-2024-1024x868.jpeg)
Einar Þorsteinsson, borgarstjóri, með ávarp á flokksþingi.