Author: Einar Gunnar

Jóhanna María Sigmundsdóttir, alþingismaður, fór yfir í störfum þingsins í dag, að enn og ný komi fram skoðanakönnun um viðhorf til aðildar Íslands að ESB. Að sögn Jóhönnu Maríu þá skiptir ekki máli hvaða samtök leggi spurninguna fram, meiri hlutinn sé á móti.
„Í morgun voru birtar niðurstöður úr nýjustu könnun þess efnis. Þar kemur fram að tæplega helmingur landsmanna er andvígur aðild Íslands að Evrópusambandinu. 49,1% svarenda sagðist andvígt inngöngu landsins í ESB. 32,8% sögðust hlynnt inngöngu en 18,1% svarenda var hvorki hlynnt né andvígt inngöngu,“ sagði Jóhanna María.
„Í könnuninni kemur einnig vel í ljós að það er enginn reginmunur á íbúum höfuðborgarsvæðisins og úti á landsbyggðinni, en þar sögðust 42% Reykvíkinga vera andsnúin inngöngu, í nágrannasveitarfélögum höfuðborgarinnar eru 45% andvíg aðild og munurinn er svo enn meiri í öðrum sveitarfélögum landsins en þar eru 59% íbúanna andvíg aðild að ESB en 21% hlynnt,“ sagði Jóhanna María.
„Virðulegi forseti. Ég tel orðið tímabært að við klárum þetta mál,“ sagði Jóhanna María að lokum.
Könnunin var gerð fyrir Heimssýn, hreyfingu sjálfstæðissinna í Evrópumálum, og tók til 1.450 manns á öllu landinu, 18 ára og eldri, sem voru handahófsvaldir úr viðhorfahópi Capacent Gallup.
 
PS: Ertu á Facebook? Því ekki að verða aðdáandi Framsóknar.
 
 

„Á maður að trúa því að kaupmenn hafi birgt sig upp af sykri og sykruðum vörum nokkrum vikum áður en fyrirhuguð lækkun átti að koma til framkvæmda,“ spurði Þorsteinn Sæmundsson, alþingismaður, þingheim í liðinni viku. En rúmur mánuður er frá því að skattkerfisbreytingar urður, er lægra þrep virðisaukaskatts hækkaði og hærra þrepið lækkaði og nokkur vörugjöld lækkuðu.
„Það hefur verið fróðlegt að fylgjast með hvernig þessi framkvæmd hefur verið vegna þess að það ríður mjög á að kaupmenn sýni ábyrgð og skili þessu til neytenda. Það verður að segjast eins og er að það hafa komið fram nokkur tilvik þar sem greinilegt er að svo hefur ekki verið, sem er óþolandi,“ sagði Þorsteinn.
Framkvæmdastjóri Samtaka verslunar og þjónustunýlegt var í viðtali nýlega þar sem hann lét hafa eftir sér að það mundu líða nokkrar vikur, allnokkrar vikur, þangað til sykurskattslækkunin mundi skila sér að fullu til neytenda.
„Ég hugsaði með mér: Það er ekki logið upp á íslenska verslun. Á maður að trúa því að kaupmenn hafi birgt sig upp af sykri og sykruðum vörum nokkrum vikum áður en fyrirhuguð lækkun átti að koma til framkvæmda? Eða er það þannig að engin þróun hafi orðið hér í 100 ár? Hafa menn birgt sig upp með haustskipinu og bíða svo spenntir eftir að vorskipið komi með nýjar birgðir?,“ sagði Þorsteinn.
„Þessi viðbrögð af hálfu kaupmanna og tregða þeirra til þess að skila þeim skattkerfisbreytingum til neytenda sem átti að gera, hlýtur að kalla á sérstakar aðgerðir af hálfu þeirra sem hér sitja,“ sagði Þorsteinn.
Ræða Þorsteins Sæmundssonar:

 
PS: Ertu á Facebook? Því ekki að verða aðdáandi Framsóknar.

Ásmundur Einar Daðason, alþingismaður, ræddi húshitunar- og rafmagnskostnað í dreifbýli á Alþingi í síðustu viku. En fram er komið frumvarp frá iðnaðar- og viðskiptaráðherra er miðar að því að jafna dreifikostnað á raforku í hinum dreifðu byggðum landsins. „Það er vel og vil ég þakka hæstvirtum ráðherra fyrir það. Frumvarpið er nú til meðferðar í þinginu og bíður 2. umræðu,“ sagði Ásmundur Einar.
„Annað mál sem er gríðarlega mikilvægt snýr að jöfnun húshitunarkostnaðar á köldum svæðum. Það er nefnilega svo að vítt og breitt um landið í hinum dreifðu byggðum búa ekki allir við það að geta kynt hús sín með heitu vatni á jafn hagkvæman hátt og margir þekkja á höfuðborgarsvæðinu og víðar. Þetta hefur í för með sér gríðarlegan kostnað fyrir þá einstaklinga, fyrir þau fyrirtæki og fjölskyldur sem búa á þessum svæðum,“ sagði Ásmundur Einar.
Báðir stjórnarflokkarnir kveða skýrt á um í flokksþings- og landsfundarályktunum sínum að það skuldi jafna húshitun á köldum svæðum. Sjálfstæðimenn sögðu á landsfundi: „Gengið verði til tafarlausra aðgerða til þess að lækka húshitunarkostnað þar sem hann er mestur.“ Og Framsóknarmenn sögðu: „Lagt verði á sérstakt jöfnunargjald sem verði notað til að greiða niður húsnæðiskostnað og flutningskostnað á raforku með það að leiðarljósi að jafna kostnað við húshitun á landsvísu.“ Loks segir í samstarfsyfirlýsingu ríkisstjórnarinnar: „Unnið verður að jöfnun raforku- og húshitunarkostnaðar.“
Þrátt fyrir þetta hefur iðnaðar- og viðskiptaráðherra, Ragnheiður E. Árnadóttir, ekki enn lagt fram frumvarp um jöfnun á dreifikostnaði raforku.
 
PS: Ertu á Facebook? Því ekki að verða aðdáandi Framsóknar.

Opnir fundir í kjördæmaviku Framsóknar. Þingflokkurinn mun þá verða á faraldsfæti og boðar til opinna funda til að ræða stöðu landsmálanna og einstök mál þar að lútandi. Allir velkomnir meðan húsrúm leyfir.
Fundirnir í Suðurkjördæmi verða á eftirtöldum stöðum:
Laugardagur 7. febrúar
Reykjanesbær – Framsóknarhúsinu Hafnargötu 62, kl. 10:30
Sigurður Ingi, Silja Dögg
Sunnudagur 8. febrúar
Hornafjörður – Nýheimar, fyrirlestrarsal, kl. 20:00
Sigurður Ingi, Silja Dögg
Mánudagur 9. febrúar
Mýrdalshreppur – Icelandair Hótel, kl. 20:00
Silja Dögg, Páll Jóhann
Rangárþing eystra – Félagsheimilinu Hvoli, Hvolsvelli, kl. 20:00
Sigurður Ingi, Ásmundur Einar
Þriðjudagur 10. febrúar
Vestmannaeyjar – Kaffi Kró, kl. 20:00
Silja Dögg, Páll Jóhann
Miðvikudagur 11. febrúar
Sandgerði – Sal grunnskólans, kl. 20:00
Silja Dögg, Frosti
Grindavík – Salthúsið, kl. 20:00
Sigurður Ingi, Páll Jóhann
Fimmtudagur 12. febrúar
Selfoss – Hótel Selfoss, kl. 20:00
Sigurður Ingi, Ásmundur Einar, Páll Jóhann
Laugardagur 14. febrúar
Uppsveitir Árnessýslu – Icelandair Hótel Flúðum, kl. 10:30
Sigurður Ingi, Karl
 
PS: Ertu á Facebook? Því ekki að verða aðdáandi Framsóknar.

 
Opnir fundir í kjördæmaviku Framsóknar. Þingflokkurinn mun þá verða á faraldsfæti og boðar til opinna funda til að ræða stöðu landsmálanna og einstök mál þar að lútandi. Allir velkomnir meðan húsrúm leyfir.
Fundirnir í Suðvestur verða á eftirtöldum stöðum:
Laugardagur 7. febrúar
Kópavogur – Framsóknarhúsið, Digranesvegi 12, kl. 11:00
Eygló, Willum, Þorsteinn
Mánudagur 9. febrúar
Seltjarnarnes – Rauða ljóninu, kl. 20:00
Eygló, Þorsteinn
Þriðjudagur 10. febrúar
Hafnarfjörður – Golfskála Keilis, kl. 20:00
Eygló, Þorsteinn, Willum
Miðvikudagur 11. febrúar
Garðabær – Framsóknarsalnum Kirkjulundi 19, kl. 20:00
Eygló, Willum, Þorsteinn
Fimmtudagur 12. febrúar
Mosfellsbær – Framsóknarsalnum, Þverholti 14, kl. 20:00
Eygló, Þorsteinn, Willum
 
PS: Ertu á Facebook? Því ekki að verða aðdáandi Framsóknar.

 
 
 
 
 
Opnir fundir í kjördæmaviku Framsóknar. Þingflokkurinn mun þá verða á faraldsfæti og boðar til opinna funda til að ræða stöðu landsmálanna og einstök mál þar að lútandi. Allir velkomnir meðan húsrúm leyfir.
Fundirnir í Reykjavík verða á eftirtöldum stöðum:
Laugardagur 7. febrúar
Reykjavík – Grand Hótel við Sigtún, kl. 11:00
Sigrún, Frosti, Karl
Fimmtudagur 12. febrúar
Reykjavík – Hlaðan í Gufunesbæ, kl. 20:00
Vigdís, Karl,
 
PS: Ertu á Facebook? Því ekki að verða aðdáandi Framsóknar.