Category: Fréttir

Opnir fundir í kjördæmaviku Framsóknar. Þingflokkurinn mun þá verða á faraldsfæti og boðar til opinna funda til að ræða stöðu landsmálanna og einstök mál þar að lútandi. Allir velkomnir meðan húsrúm leyfir.
Fundirnir í Norðvestur verða á eftirtöldum stöðum:
Sunnudagur 8. febrúar
Sauðárkrókur – Kaffi Krókur, kl. 13:00
Elsa Lára, Páll Jóhann, Karl
Blönduósbær – Hótel Blönduós, kl. 17:00
Elsa Lára, Páll Jóhann, Karl
Húnaþing vestra – Eyrarlandi 1, kl. 20:00
Elsa Lára, Páll Jóhann, Karl
Mánudagur 9. febrúar
Stykkishólmur – Hótel Stykkishólmur, kl. 12:00
Ásmundur Einar, Jóhanna María
Grundarfjörður – Sögumiðstöðin, kl. 17:30
Jóhanna María, Willum
Snæfellsbær – Veitingahúsinu Hrauni, Ólafsvík, kl. 20:30
Jóhanna María, Willum
Þriðjudagur 10. febrúar
Dalabyggð – Dalakot, kl. 12:00
Ásmundur Einar, Elsa Lára
Borgarbyggð – Landnámssetrið, kl. 17:30
Ásmundur Einar, Elsa Lára, Jóhanna María
Akranes – Gamla Kaupfélaginu, kl. 20:30
Ásmundur Einar, Elsa Lára
Miðvikudagur 11. febrúar
Hólmavík – Cafe Riis, kl. 12:00
Ásmundur Einar, Jóhanna María
Ísafjarðarbær – Framsóknarsalurinn Pollgötu 4, kl. 20:30
Ásmundur Einar, Jóhanna María
Fimmtudagur 12. febrúar
Reykhólar – Gamla samkomuhúsið, kl. 12:00
Gunnar Bragi, Ásmundur Einar, Elsa Lára, Jóhanna María
Patreksfjörður – Félagsheimilinu, kl. 20:30
Gunnar Bragi, Elsa Lára
 
PS: Ertu á Facebook? Því ekki að verða aðdáandi Framsóknar.

Opnir fundir í kjördæmaviku Framsóknar. Þingflokkurinn mun þá verða á faraldsfæti og boðar til opinna funda til að ræða stöðu landsmálanna og einstök mál þar að lútandi. Allir velkomnir meðan húsrúm leyfir.
Fundirnir í Norðaustur verða á eftirtöldum stöðum:
Laugardagur 7. febrúar
Akureyri – Lions-salurinn, Skipagötu 14, 4. hæð, kl. 10:30
Sigmundur Davíð, Höskuldur, Líneik
Mánudagur 9. febrúar
Fjallabyggð – Allinn, Siglufirði, kl. 12:00
Höskuldur, Þórunn
Dalvíkurbyggð – Kaffihúsið Berg – Menningarhúsinu, kl. 17:00
Höskuldur, Þórunn
Þingeyjarsveit – Dalakofinn á Laugum, kl. 21:00
Höskuldur, Þórunn
Þriðjudagur 10. febrúar
Þórshöfn – Hafliðabúð – Björgunarsveitarhúsinu, kl. 16:30
Líneik, Þórunn
Vopnafjörður – Kaupvangs Kaffi, kl. 20:00
Líneik, Þórunn
Húsavík – Kiwanis-salurinn, kl. 20:00
Höskuldur, Sigrún
Miðvikudagur 11. febrúar
Seyðisfjörður – Hótel Öldunni, kl. 17:00
Sigmundur Davíð, Höskuldur, Líneik
Fljótsdalshérað – Austrasalnum, kl. 20:30
Sigmundur Davíð, Höskuldur, Líneik
Fimmtudagur 12. febrúar
Fjarðabyggð – Kaffihúsinu, Eskifirði – súpufundur, kl. 12:00
Líneik, Silja Dögg
Breiðdalsvík – Hótel Bláfell, kl. 20:00
Líneik, Silja Dögg
 
PS: Ertu á Facebook? Því ekki að verða aðdáandi Framsóknar.

Silja Dögg Gunnarsdóttir, alþingismaður, vakti athygli á umfjöllun um innflytjendur og íbúafjölgun á Íslandi í Morgunblaðinu í störfum þingsins í vikunni. Í umfjölluninni kemur m.a. fram að á 21. öldinni er aðflutningur erlendra ríkisborgara að baki nærri helmingi íbúafjölgunar á Íslandi. Á sama tíma hefur landsmönnum hefur fjölgað um 50 þúsund á öldinni og eru aðfluttir erlendir ríkisborgarar umfram brottflutta 22.690. Á síðasta ári var hlutfall erlendra ríkisborgara á Íslandi 7,4%. Þess má einnig geta að fjöldi leik- og grunnskólabarna með erlent ríkisfang hefur sjöfaldast á öldinni. Nú hafa 11% leikskólabarna og 6% grunnskólabarna annað móðurmál en íslensku.
Viðbúið er að innflytjendum fjölgi áfram á Íslandi. „Við eigum ekki að láta þá þróun koma okkur á óvart,“ sagði Silja Dögg.
„Þróun í innflytjendamálum er mun lengra komin annars staðar á Norðurlöndunum en hér á landi. Straumurinn þangað hófst fyrir alvöru á áttunda áratug 20. aldarinnar en það var ekki fyrr en í upphafi 10. áratugarins sem til dæmis Danir hófu að taka markvisst á málefnum innflytjenda og leggja áherslu á aðlögun þeirra að dönsku samfélagi. Það hefur kostað danska ríkið mikla fjármuni að vinda ofan af neikvæðri þróun sem varð á sumum sviðum þar sem áratugir liðu án þess að gripið væri til markvissra aðgerða,“ sagði Silja Dögg.
Ræða Silju Daggar Gunnarsdóttur í heild sinni:

 
PS: Ertu á Facebook? Því ekki að verða aðdáandi Framsóknar.

Willum Þór Þórsson, alþingmaður, mælti á Alþingi í gær, 3. febrúar, fyrir frumvarpi um breytingu á lögum um virðisaukaskatt, nr. 50/1988. Meðflutningsmenn eru: Páll Jóhann Pálsson, Haraldur Einarsson og Silja Dögg Gunnarsdóttir úr Framsóknarflokknum og Ásmundur Friðriksson, þingmaður Sjálfstæðisflokksins.
Í greinargerð frumvarpsins segir, að frumvarpið miði að því að breyta virðisaukaskattsumhverfi íþróttahreyfingarinnar. Lagt er til að íþrótta- og ungmennefélögum verði endurgreiddur allur virðisaukaskattur sem greiddur hefur verið af vinnu manna við nýbyggingu, endurbyggingu og viðhaldi við íþróttamannvirki, en einnig af þjónustu vegna hönnunar, eftirlits eða viðhalds þeirra. Frumvarpið gerir ráð fyrir að þjónusta og vörusala sem stunduð er til að afla fjár fyrir hefðbundna starfsemi íþróttafélaga verði undanþegnar virðisaukaskatti. Tímabilið í frumvarpinu er eitt ár, frá 1. janúar 2015 til 1. janúar 2016.
Á síðasta þingi var lögð fram þingsályktunartillaga um endurskoðun á virðisaukaskattsumhverfi íþróttahreyfingarinnar og stóðu sömu stjórnarþingmenn að baki henni.
Sjálfboðaliðastarf hefur lengi verið grunnurinn að öflugu íþróttastarfi á Íslandi. Verði frumvarpið að lögum mun það stórefla allt sjálfboðaliðastarf innan íþróttahreyfingarinnar hér á landi og auðvelda íþróttafélögum alla uppbyggingu íþróttamannvirkja. Frumvarpið er í samræmi við stjórnarsáttmála ríkisstjórnarinnar um að leggja áherslu á mikilvægi íþrótta-, tómstunda- og æskulýðsmála.
Nánari upplýsingar um frumvarpið má nálgast hér.
Ræða Willums Þórs Þórssonar í heild sinni:

 
PS: Ertu á Facebook? Því ekki að verða aðdáandi Framsóknar.

Hvernig má það vera að svo stuttu eftir gjaldþrot bankanna sé hagnaður bankakerfisins alveg gígantískur? Þessari spurningu velti Haraldur Einarsson, alþingismaður, upp á Alþingi í gær í störfum þingsins. „Eins og ekkert hafi í skorist er hagnaður þeirra sem aldrei fyrr,“ sagði Haraldur.
Bankarnir hafa veriða að loka útibúum, lagt á ný þjónustugjöld og jafnvel hækka útlánsvexti þvert á stýrivaxtalækkun, kom fram í ræðu Haraldar.
„Þetta bendir til þess að hagnaðurinn sé ekki raunverulegur. Lánasöfn voru afskrifuð um 50–55% að meðaltali þegar þau voru færð yfir í nýju bankana. Skýrsla sem var gerð á vegum Deloitte í London sýndi það. Það sýnir að 45–50% af lánasafninu voru kröfur sem almenningur og fyrirtæki landsins voru talin ófær um að borga eftir efnahagshrunið. Þar af leiðandi hefði verið eðlilegt að fjármálastofnanir sem fengu þessa miklu niðurfærslu mundu skila því til viðskiptavina sinna, þjóðarinnar,“ sagði Haraldur.
„Kröfuhafar fengu yfirráð yfir íslenskum bönkum. Lánasafnið var metið á hálfvirði út af eignahruni, óðaverðbólgu og gengishruni, en rukkað 100% þvert á það sem neyðarlögin ganga út á. Íslensk heimili og fyrirtæki sátu eftir með allt of miklar skuldir. Tækifærið var til staðar að láta íslensk heimili og fyrirtæki njóta þeirrar niðurfærslu og það var vitað á þeim tíma, árið 2009. Út á nákvæmlega þetta gekk 20% leið Framsóknar og út á nákvæmlega þetta gekk skuldaleiðréttingin. Meðvituð pólitísk ákvörðun var tekin í aðra átt af síðustu ríkisstjórn,“ sagði Haraldur.
Ræða Haraldar Einarssonar í heild sinni:

 
PS: Ertu á Facebook? Því ekki að verða aðdáandi Framsóknar.