Category: Fréttir

Framsóknarfélag Fjarðabyggðar samþykkti einróma tillögu uppstillingarnefndar að lista Frjálsra og Framsóknar fyrir komandi sveitarstjórnarkosningar í Fjarðabyggð, á fjölmennum fundi í Þórðarbúð á Reyðarfirði mánudagskvöldið 31. mars.
Jón Björn Hákonarson forseti bæjarstjórnar leiðir listan en Eiður Ragnarsson viðskiptafulltrúi, Pálína Margeirsdóttir verslunarmaður, Hulda Sigrún Guðmundsdóttir skólaliði og Svanhvít Yngvadóttir kennari skipa næstu fjögur sæti. Guðmundur Þorgrímsson núverandi bæjarfulltrúi og verktaki skipar heiðurssæti listans.
Framboðslistinn er skipaður eftirtöldum:

1. Jón Björn Hákonarson, forseti bæjarstjórnar, Norðfirði
2. Eiður Ragnarsson, viðskiptafullrúi, Reyðarfirði
3. Pálína Margeirsdóttir, verslunarmaður, Reyðarfirði
4. Hulda Sigrún Guðmundsdóttir, skólaliði, Fáskrúðsfirði
5. Svanhvít Yngvadóttir, kennari, Eskifirði
6. Guðjón Björn Guðbjartsson, nemi, Norðfirði
7. Tinna Hrönn Smáradóttir, iðjuþjálfi, Fáskrúðsfirði
8. Þuríður Lilly Sigurðardóttir, nemi, Reyðarfirði
9. Einar Björnsson, forstjóri, Eskifirði
10. Jón Kristinn Arngrímsson, matráður, Reyðarfirði
11. Anton Helgason, framkvæmdastjóri, Stöðvarfirði
12. Anna Sigríður Karlsdóttir, þroskaþjálfi, Reyðarfirði
13. Sigfús Vilhjálmsson, útvegsbóndi, Mjóafirði
14. Svanhvít Aradóttir, forstöðuþroskaþjáfi, Norðfirði
15. Svanbjörg Pálsdóttir, hjúkrunarfræðingur, Eskifirði
16. Krzysztof Zbigniew Sakaluk, ráðsmaður, Norðfirði
17. Þorbergur N. Hauksson, varaslökkvistjóri, Eskifirði
18. Guðmundur Þorgrímsson, verktaki, Fáskrúðsfirði

Á framboðslistanum eru 8 konur og 10 karlar. Í síðustu sveitarstjórnarkosningum hlaut Framsóknarflokkurinn tvo sveitarstjórnarfulltrúa.

 
PS: Ertu á Facebook? Því ekki að verða aðdáandi Framsóknar.

Framðboðslisti Framsóknarflokksins og annarra framfarasinna í Rangárþingi eystra, vegna sveitarstjórnarkosninga 31. maí 2014 hefur verið samþykktur. Ísólfur Gylfi Pálmason, sveitarstjóri, verður oddviti listans líkt og fyrir fjórum árum.
Framboðslistann skipa eftirfarandi:

1. Ísólfur Gylfi Pálmason, sveitarstjóri, Stóragerði 2a, Hvolsvelli
2. Lilja Einarsdóttir, hjúkrunarfræðingur, Króktúni 5, Hvolsvelli
3. Aðalbjörg Rún Ásgeirsdóttir, bóndi, Stóru-Mörk,Vestur-Eyjafjöllum
4. Benedikt Benediktsson, verkstjóri, Norðurgarði 22, Hvolsvelli
5. Þórir Már Ólafsson, bóndi, Bollakoti, Fljótshlíð
6. Jóhanna Elín Gunnlaugsdóttir, bóndi, Stíflu, Vestur-Landeyjum
7. Þóra Kristín Þórðardóttir, snyrti- og förðunarfræðingur, Litlagerði 1a, Hvolsvelli
8. Katarzyna Krupinska, starfsmaður Sláturfélags Suðurlands, Gilsbakka 10a Hvolsvelli
9. Bjarki Oddsson, nemi, Miðkrika Hvolhreppi
10. Helga Guðrún Lárusdóttir, starfsm.Landsb.Ísl. og nemi, Norðurgarði 19 Hvolsvelli
11. Arnheiður Dögg Einarsdóttir, bóndi, Guðnastöðum, Austur-Landeyjum
12. Ágúst Jensson, bóndi, Butru, Fljótshlíð
13. Ingibjörg Marmundsdóttir, félagsliði, Norðurgarði 8, Hvolsvelli
14. Bergur Pálsson, sölumaður, Gilsbakka 25, Hvolsvelli

Á framboðslistanum eru 8 konur og 6 karlar. Í síðustu sveitarstjórnarkosningum hlaut Framsóknarflokkurinn 4 sveitarstjórnarfulltrúa.
 
PS: Ertu á Facebook? Því ekki að verða aðdáandi Framsóknar.
 

Sigrún Magnúsdóttir, þingflokksformaður Framsóknarmanna, hélt merka ræðu, og kom víða við, á Alþingi í störfum þingsins á miðvikudaginn. Skuldaleiðréttingin; sóun á orku; mikilvægi orku; Sundabraut; Flugvöllurinn og „fjarvera“ Samfylkingarinnar í sex ár voru umfjöllunarefni ræðunnar.
Hér að neðan er ræðan í heild sinni og eins má horfa á upptöku af henni. Ræðan er 2 mínútur í heild sinni, geri aðrir betur.
„Virðulegi forseti. Þetta er stór dagur þegar ríkisstjórnin kemur fram með loforðin sem við lofuðum fyrir ári og sönnun á þeim.
Mig langar að ræða hér um þá sóun á orku sem fram fer í þessum þingsal og hefur verið hér að undanförnu. Við erum að sóa orku sem miklu betra væri að beisla til framdráttar þjóðinni í heild. Það var blaðagrein í Morgunblaðinu í gær og þar kom líka fram að það er sóun á orku til dæmis að keyra ekki Blönduvirkjun á fullu vegna þess að orka hennar er ekki nýtt heimahögunum til framdráttar. Það þarf ekki nýjar línur þar til að flytja orkuna burt. Héraðið þarf að fá atvinnutækifæri og nýta orkuna á staðnum.
Við hv. þm. Valgerður Bjarnadóttir höfum aðeins verið að karpa um Sundabraut. Hún hefur spurt og ég hef svarað en aftur í gær var endurtekið sama stefið.
Ég vil segja hér: Loforð eiga að standa. Erum við ekki öll sammála um það? (Gripið fram í: Jú.) (Gripið fram í: Jú, jú.) Reykjavíkurlistinn lofaði á sínum tíma Sundabraut þegar við sameinuðumst við Kjalarnes og ég vil berjast fyrir því að það loforð verði efnt. Samgöngur eru mikilvægar og góðar samgöngur geta skipt sköpum. Ég vil halda flugvellinum þar sem hann er og ekki eyða fé í að færa hann. Ég vil frekar leggja Sundabraut.
Það er með eindæmum hversu margir hv. þingmenn Samfylkingarinnar reyna að fela að þeir voru við völd í sex ár, sama tíma og frá fæðingu barns og fram að skólagöngu. Þingmenn Samfylkingarinnar vísa alltaf öllum vandamálum til einhvers sem gerðist áður en barnið fæddist, áður en þau fengu völdin. Samfylkingin hafði völd í sex ár og bjó til sína fyrstu fjárhagsáætlun haustið 2007, ef ég kann að reikna. (Forseti hringir.) Mér telst til að þá hafi líka verið góðæri. Hvers vegna þrifu þau þá ekki upp slímuga slikju af ríkisstofnunum á þessum sex árum?“
 

 
PS: Ertu á Facebook? Því ekki að verða aðdáandi Framsóknar.

Frambjóðendaráðstefna Framsóknar verður haldinn 11.-12. apríl nk. í Framsóknarhúsinu að Hverfisgötu 33 í Reykjavík.
Ráðstefnan er opin öllum frambjóðendum Framsóknar, kosningastjórum, starfsfólki og sjálfboðaliðum vegna sveitarstjórnarkosninganna. Mjög mikilvægt er að sem flestir frambjóðendur mæti. Þátttaka í frambjóðendaráðstefnunni er endurgjaldslaus.
Við undirbúning ráðstefnunnar er nauðsynlegt að þátttakendur skrái sig sem fyrst á skrifstofu Framsóknar í síma 540 4300 eða á netfangið framsokn@framsokn.is.

Frambjóðendaráðstefna Framsóknar 2014

11. og 12. apríl í Framsóknarhúsinu að Hverfisgötu 33 í Reykjavík

—  Drög að dagskrá —

 

Föstudagur 11. apríl 2014

19:30-19:40   Setning og þátttakendur kynna sig

19:40-19:50   Aðkoma skrifstofu að kosningabaráttunni
– Hrólfur Ölvisson, framkvæmdastjóri Framsóknar

19:50-20:10   Staða Framsóknarflokkssins í nútíð og fortíð
– Einar Sveinbjörnsson, fyrrv. bæjarfulltrúi í Garðabæ

20:10-20:40   Fréttatilkynningar, greinarskrif og samskipti við fjölmiðla
– Benedikt Sigurðsson, aðstoðarmaður ráðherra

20:40-20:50   Kaffihlé

20:50-21:10   Notkun samfélagsmiðla í kosningabaráttu
– Margrét Gísladóttir, aðstoðarmaður ráðherra

21:10-21:20   Spurningar og svör

21:20-21:30   Hvernig á að nýta úthringiver í kosningabaráttunni
– Ásgeir Harðarson, ráðgjafi

21:30-21:45   Að ná til kjósenda
– Magnús Heimisson, stjórnmálafræðingur og ráðgjaf í almannatengslum

21:45-22:00   Að toppa á réttum tíma og hámarka árangur
– Eygló Harðardóttir, ráðherra og ritari Framsóknar

Laugardagur 12. apríl 2014

09:30-10:30   Fjölmiðlar, stjórnmál og kosningar
– Birgir Guðmundsson, dósent við Háskólann  á Akureyri

10:30-10:40   Kaffihlé

10:40 -10:55   Að ná árangri í kosningum
– Ásgerður Gylfadóttir, bæjarstjóri Hornafirði

10:55-11:10   Maður á mann – virkjum kraftinn
– Sigrún Magnúsdóttir, þingflokksformaður Framsóknarmanna og fyrrv. borgarfulltrúi

11:10-11:20   Auglýsingaefni og útlit baráttunnar
– Hrannar Jónsson, ráðgjafi Árnasynir

11:20-11:30   Praktískar upplýsingar og utankjörfundaratkvæðagreiðsla
– Einar Gunnar Einarsson, skrifstofustjóri Framsóknar

11:30-11:40   Spurningar og svör

11:40-11:55   Seinni hálfleikur
– Ingibjörg Pálmadóttir fyrrv. ráðherra og alþingismaður

11:55-13:00   Matarhlé

13:00-15:30   Ræður, fundarstjórn, líkamstjáning og vinningslið
– Drífa Sigfúsdóttir fyrrv. forseti bæjarstjórnar og varabæjarstjóri
Að semja ræðu og flytja hana. Fundarstjórn, tillögur, líkamstjáning/framkoma, sjónvarp og vinningslið. Frambjóðendur eru beðnir að undirbúa 2 mínútna ræðu sem þeir flytja fyrir framan hópinn. Ræðan verður tekin upp og rædd. Æfing í fundarstjórn.

15:30-15:45 Kaffihlé

15:45-18:00   Framkoma í útvarpi og sjónvarpi
Farið verður yfir ýmis praktísk atriði fyrir frambjóðendu vegna þátttöku í útvarps-  og sjónvarpsþáttum. Tekin verða viðtöl við frambjóðendur. Sjónvarpsumræður. Erfiðar spurningar og framboðsfundir.

18:00 –   Ráðstefnuslit:   Sigmundur Davíð Gunnlaugsson, forsætisráðherra og formaður Framsóknar

Boðið verður upp á léttar veitingar í ráðstefnulok

 
PS: Ertu á Facebook? Því ekki að verða aðdáandi Framsóknar.

Fundur í Fulltrúaráði Framsóknarfélaganna á Akureyri, fimmtudaginn 26. mars, samþykkti einróma tillögu kjörstjórnar um framboðslista flokksins fyrir bæjarstjórnarkosningarnar 31. maí. Efsta sæti listans skipar Guðmundur Baldvin Guðmundsson, bæjarfulltrúi, í öðru sæti er Ingibjörg Isaksen, forstöðumaður og í því þriðja Siguróli Magni Sigurðsson, nemi. En kosið var á almennum félagsfundi framsóknarfélaganna 15. mars í 5 efstu sætin á framboðslistanum.
Framboðslistinn er þannig skipaður:

1. Guðmundur Baldvin Guðmundsson, bæjarfulltrúi
2. Ingibjörg Isaksen, forstöðumaður
3. Siguróli Magni Sigurðsson, nemi
4. Elvar Smári Sævarsson, kennari
5. Halldóra Hauksdóttir, hdl.
6. Tryggvi Már Ingvarsson, deildarstjóri
7. Guðlaug Kristinsdóttir, framkvæmdastjóri
8. Húni Hallsson, söluráðgjafi
9. Sigríður Bergvinsdóttir, hársnyrtir
10. Óskar Ingi Sigurðsson, framhaldsskólakennari
11. Ragnhildur Hjaltadóttir, umboðsmaður
12. Jóhannes Gunnar Bjarnason, kennari
13. Regína Helgadóttir, bókari
14. Erlingur Kristjánsson, forstöðumaður
15. Petra Ósk Sigurðardóttir, leikskólakennari
16. Axel Valgeirsson, meindýraeyðir
17. Viðar Valdimarsson, verkamaður og nemi
18. Guðný Rut Gunnlaugsdóttir, leikskólakennari
19. Klemenz Jónsson, dúkalagningameistari
20. Mínerva Björg Sverrisdóttir, leiðbeinandi
21. Jakob Björnsson, framkvæmdastjóri
22. Úlfhildur Rögnvaldsdóttir, fyrrv. bæjarfulltrúi

Á listanum eru 10 konur og 12 karlar. Framsóknarmenn fengu einn bæjarfulltrúa kjörinn í sveitarstjórnarkosningunum 2010, Guðmund Baldvin Guðmundsson.
 
PS: Ertu á Facebook? Því ekki að verða aðdáandi Framsóknar.

Aukakjördæmaþing Kjördæmasambands Framsóknarmanna í Reykjavík (KFR) verður haldið laugardaginn 5. apríl 2014 að Suðurlandsbraut 24 í Reykjavík, kl. 16:00.
Drög að dagskrá:

1. Þingsetning
2. Kosning starfsmanna þingsins.
3. Tillaga kjörnefndar kynnt
4. Önnur mál.
5. Þingslit.

Að kjördæmaþinginu loknu verður boðið upp á léttar veitingar.
 
Þórir Ingþórsson, formaður KFR
 
PS: Ertu á Facebook? Því ekki að verða aðdáandi Framsóknar.

Sigurður Ingi Jóhansson, umhverfis- og auðlindaráðherra, hefur ákveðið að veita rúmlega 20 milljónum króna til uppbyggingar og landvörslu á friðlýstum svæðum og mikilvægum ferðamannastöðum. Um er að ræða verkefni á friðlýstum svæðum í umsjón Umhverfisstofnunar, og í Þórsmörk sem er í umsjón Skógræktar ríkisins.
Stofnanirnar telja þessi verkefni vera í forgangi yfir þær aðgerðir sem ráðast þarf í nú þegar til að koma í veg fyrir spjöll vegna ágangs ferðamanna. Stofnanirnar vinna að þessum verkefnum með ýmsum aðilum. Um er að ræða viðbótarframkvæmdir á nokkrum mikilvægum svæðum þar sem mikið álag er á náttúruna og verndaraðgerðir mikilvægar, svo og eflingu landvörslu í sumar.
Lagt verður m.a. til fjármagn til verkefna sem koma eiga til framkvæmda í vor og sumar í Mývatnssveit, Þórsmörk, Friðlandi að Fjallabaki, til gönguleiðarinnar „Laugavegarins“ og við Gullfoss. Jafnframt verður landvarsla og umsjón efld í vor og sumar í Mývatnssveit, Þórsmörk, Friðlandi að Fjallabaki og í Borgarfirði.
Þessi verkefni eru meðal annars umfangsmikil uppbygging og lagfæring göngustíga á Þórsmerkursvæðinu sem hefur látið mikið á sjá, göngustígar og aðrir innviðir við Skútustaðagíga í Mývatnssveit, lagfæringar á gönguleiðum við Gullfoss, auk þess að vinna áætlun um þær aðgerðir sem þarf að fara í við gönguleiðina „Laugaveginn“ milli Landmannalauga og Þórsmerkur. Einnig verða lagðir fjármunir í öryggismál við Dyrhólaey og aðgerðir gegn utanvegaakstri á Friðlandi að Fjallabaki.
Í umhverfis- og auðlindaráðuneytinu er einnig unnið að gerð lagafrumvarps um heildstæða framkvæmdaáætlun um vernd og uppbyggingu í íslenskri náttúru í þágu ferðaþjónustu sem umhverfis- og auðlindaráðherra mun leggja fyrir Alþingi. Samhliða vinnur iðnaðar- og viðskiptaráðuneytið að útfærslum á leiðum til tekjuöflunar til að fjármagna þá vernd, uppbyggingu og rekstur sem framkvæmdaáætlunin mun skilgreina til framtíðar.

Heimild: www.umhverfisraduneyti.is

PS: Ertu á Facebook? Því ekki að verða aðdáandi Framsóknar.