Category: Fréttir

Þórunn Egilsdóttir, alþingismaður, ræddi í störfum þingsins á Alþingi í gær, sóun á ýmsum verðmætum og minnti á að allsnægtirnar gefi okkur ekki leyfi til að fara illa með.
„Samkvæmt upplýsingum Matvæla- og landbúnaðarstofnunar Sameinuðu þjóðanna er áætlað að árlega fari 1,3 milljarðar tonna matvæla til spillis. Þetta er álíka mikill matur og framleiddur er árlega í Afríku sunnan Sahara-eyðimerkurinnar. Á sama tíma fer ein af hverjum sjö manneskjum í heiminum svöng að sofa og yfir 20 þús. börn deyja daglega úr næringarskorti,“ sagði Þórunn.
„Þessar staðreyndir endurspegla verulegt ójafnvægi þegar kemur að lífsstíl fólks sem aftur hefur stórfelld áhrif á umhverfið, meðal annars vegna losunar gróðurhúsalofttegunda, land- og vatnsnotkunar og ýmissar mengunar sem hlýst af matarframleiðslu. Þetta virðist allt vera langt í burtu frá okkur en auðvitað er það ekki svo. Sem betur fer höfum við Íslendingar nú tekið þessi mál á dagskrá og reynt að spyrna fótum við matarsóun hér á landi. Haldnar hafa verið ráðstefnur og fundir á vegum ýmissa félagasamtaka eins og Kvenfélagasambands Íslands þar sem málefnið hefur verið tekið fyrir. Eins og fram hefur komið er umfang matarsóunar hér á landi því miður ansi mikið,“ sagði Þórunn.
Ræða Þórunnar Egilsdóttur:

Þorsteinn Sæmundsson og Silja Dögg Gunnarsdóttir, alþingismenn, hafa lagt fram beiðni um að Ríkisendurskoðun annist úttekt á rekstri Isavia. Þetta kom fram í umræðum um störf þingsins á Alþingi í gær.
Beiðnin var lögð fram fyrir nokkrum vikum og verður rædd í dag á fundi forsætisnefndar þingsins.
„Svo virðist sem nokkur siðferðisbrestur þjaki stjórnendur fyrirtækisins. Þeir hafa gengið fram af fruntaskap í starfsmannamálum þannig að eftir hefur verið tekið. Þeir hafa notað skattfé almennings til að greiða niður árshátíð starfsmanna og stjórnenda í áður óþekktum mæli. Og nú síðast hafa þeir lagt sérstakan skatt á eina stétt sem stundar þjónustu við Leifsstöð, leigubílstjóra. Sá skattur nemur 120 þús. kr. á ári eða 15 þús. kr. á mánuði eða að menn borga tæpar 500 kr. í hvert einasta skipti sem farþegi er sóttur í Leifsstöð,“ sagði Þorsteinn.
„Það segir sig sjálft að það liggur ekki fyrir hvort þessi ráðstöfun stenst lög eða reglur. Það segir sig líka sjálft að það er ekki gæfulegt að leggjast á eina stétt þjónustuaðila þar syðra og láta hana greiða niður kostnað við rekstur þessa fyrirtækis. Í rekstri af þessari stærð hljóta að vera aðrar leiðir til að leita hagræðingar en sú að skattleggja þessa þjónustu. Þessi þjónusta mun þá væntanlega hækka líka fyrir þá sem nota hana, þ.e. farþega,“ sagði Þorsteinn ennfremur.
Ræða Þorsteins Sæmundssonar:

Líneik Anna Sævarsdóttir, alþingismaður, ræddi skipan starfshóps, sem er ætlað að kanna hvernig koma megi á reglulegu millilandaflugi, um flugvöllinn á Akureyri og á Egilsstöðum, á Alþingi á dögunum.
„Á síðustu árum hefur töluverður þróunarkostnaður verið lagður í að koma á millilandaflugi til og frá Norður- og Austurlandi. Nokkrar tilraunir hafa verið gerðar og mikil þekking liggur fyrir. Í kringum báða flugvellina eru í gangi klasaverkefni með aðkomu sveitarfélaga og fyrirtækja sem miða að því að koma á millilandaflugi, auk þess sem samstarf er á milli landshlutanna. Þessi vinna hefur ekki enn skilað reglulegu flugi, en mikilvægt er að byggja á þeirri þekkingu og reynslu sem þarna er. Eins er mikilvægt að byggja á þeirri þekkingu sem orðið hefur til í kringum reglulegar ferjusiglingar til Austurlands í áratugi,“ sagði Líneik Anna.
„Tæp milljón ferðamanna kom til Íslands með flugi á síðasta ári og spár gera ráð fyrir mikilli fjölgun á næstu árum. Mikill meiri hluti erlendra ferðamanna heimsækir einungis suðvesturhorn landsins eins og við vitum og aðrir landshlutar njóta fjölgunarinnar í minna mæli. Með aukinni dreifingu ferðamanna um landið má dreifa álagi á náttúru og innviði en um leið skapa tækifæri fyrir fleiri landshluta til að byggja upp víðtækari þjónustu allt árið um kring og styrkja innviði.“
Ræða Líneikar Önnur Sævarsdóttur:

Gunnar Bragi Sveinsson hlaut jafnréttisviðurkenningu Framsóknar á flokksþingi 2015. Viðurkenningin er veitt fyrir mikið og óeigingjarnt starf í þágu flokksins sem varðar að jafna stöðu karla og kvenna og unnið að framgangi jafnréttisáætlunar flokksins.
Í rökstuðningi jafnréttisnefndar sem veitti viðurkenninguna sagði að Gunnar Bragi hefði sem ráðherra sett jafnréttismálin á dagskrá. Gunnar Bragi hefur setið í jafnréttisnefnd sem sveitarstjórnarmaður og síðar sem þingflokksformaður í jafnréttisnefnd Framsóknar. Sem ráðherra hefur hann í ræðum á vettvangi Sameinuðu þjóðanna talað fyrir jafnrétti og mikilvægi þess að fá karlmenn með í baráttunni fyrir kynjajafnrétti, samfélaginu í heild til góðs.
Ráðuneyti hans stóð fyrir sérstakri ráðstefnu svokallaðri Rakarastofuráðstefnu með Súrínam í Sameinuðu þjóðunum í New York. Hugmyndin að baki Rakarastofuráðstefnunni var að virkja karla í baráttunni fyrir jafnrétti kynjanna og var hún tengd aðdraganda 20 ára afmæli Beijing – yfirlýsingarinnar, aðgerðaráætlunarinnar Beijing +20 og átaki UN Women, He for She. Rakarastofuráðstefnan vakti athygli víða um heim og unnið er að áframhaldi hennar.
Þá hélt utanríkisráðuneytið ráðstefnu um jafnréttismál á norðurslóðum sl. haust  þar var fjallað um aðstæður kvenna og karla á svæðinu, m.a. aðgang og yfirráð auðlinda, þátttöku kynjanna í ákvarðanatöku og stjórnmálum, byggðaþróun, öryggi og velferð. Sagði ráðherra mikilvægt að efla umræður og hlut jafnréttismála í starfi Norðurskautsráðsins enda væri það mikilvægur liður í sjálfbærri mannvistar- og samfélagsþróun á norðurslóðum.
Þau tvö ár sem Gunnar Bragi hefur starfað sem utanríkisráðherra hefur hann talað fyrir jafnrétti og mannréttindum á alþjóðlegum ráðstefnum eins og Artic Frontiers, Global Summit to End Sexual Violence in Conflict og Arctic Circle, fundum og ráðstefnum um þróunarmál þar með talið hjá OECD og alþjóðabankanum.
Verðlaunagripurinn, sem ber nafnið „Hnarreist stöndum við saman“, er skúlptúr sem sýnir okkur að við stöndum öll á sama grundvelli og horfumst í augu, burt séð frá t.d. kyni, kynþætti, aldri eða samfélagsstöðu. Skúlptúrinn er frá Jens og er smíðaður úr eðalstáli með íslenskum mugearit og kalsedón.
Myndband af Rakarastofu ráðstefnunni.
 
PS: Ertu á Facebook? Því ekki að verða aðdáandi Framsóknar.[/fusion_builder_column][/fusion_builder_row][/fusion_builder_container]

Kvenfélagssamband Íslands hlýtur Bjartsýnisverðlaun Famsóknarflokksins 2015.
Kvenfélagasamband Íslands var stofnað árið 1930 og er fjölmennasta kvennahreyfing landsins með yfir 5000 félagskonur sem starfa í 170 kvenfélögum um allt land. Fyrsta kvenfélagið, Kvenfélag Rípurhrepps í Skagafirði er enn starfandi 146 ára gamalt og elsta kvenfélag landsins, – en sambandið sjálft varð 85 ára hinn 1. febrúar sl.
Allt frá upphafi hafa kvenfélögin með bjartsýni og þor staðið vörð um hag íslenskra heimila, gengt mikilvægu samfélagslegu hlutverki og eflt félagsauð þjóðarinnar. Þau hafa í krafti dugnaðar og fjölda sinnt líknar- og mannúðarstarfi, safnað fé til tækjakaupa á sjúkrahús, efnt til fræðslu- og námskeiðahalds, staðið fyrir menningarsamkomum og tekið að sér erfidrykkjur og aðrar samkomur – oft án endurgjalds. Sambandið rekur Leiðbeiningastöð heimilanna, endurgjaldslaust fyrir alla landsmenn og gefur út tímaritið Húsfreyjuna.
Í ár halda kvenfélögin um allt land upp á baráttu íslenskra kvenna fyrir sjálfsögðum réttindum, en fyrir 100 árum fengu konur takmarkaðan rétt til kjörgengis og kosninga til Alþingis. Kvenfélagasamband Íslands hefur frá öndverðu unnið gegn hverskonar sóun á matvörum og óþarfa innkaupum. Sambandið hvatti nýlega framleiðendur, birgja, verslanir og Samkeppniseftirlitið til að bregðast við þeirri miklu matarsóun sem á sér stað þegar vörum sem komar eru á síðasta söludag er fargað, í stað þess að þær séu seldar á niðursettu verði.
Sambandið hefur einnig sett sig upp á móti afnámi orlofs húsmæðra, m.a. á grundvelli þess að konur hafa enn þann dag í dag lægri laun en karlar og hafa ekki notið þeirra réttinda sem karlar njóta.
 
PS: Ertu á Facebook? Því ekki að verða aðdáandi Framsóknar.[/fusion_builder_column][/fusion_builder_row][/fusion_builder_container]

33. flokksþing framsóknarmanna verður sett í dag, kl. 10.30, að Gullhömrum í Grafarholti. Yfirskrift flokksþingsins er: Framsókn í forystu. Í inngangi draga að flokksþingsályktunum segir m.a.: Fagnað er sérstaklega þeim mikla og mikilvæga árangri sem ríkisstjórn Sigmundar Davíðs Gunnlaugssonar hefur náð við uppbyggingu efnahagslífs og endurreisn samfélagsins.
Sérstaklega er fagnað að Leiðréttingin skuli hafa verið framkvæmd á svo skömmum tíma sem raun er, og að aðgerðin nýtist þeim skuldurum best sem lægstar hafa tekjurnar. Þá hafa barnabætur verið hækkaðar og 40 milljörðum króna verið skilað til heimilanna í formi lægri skatta á almenning. Bætt staða heimilanna er mikilvæg forsenda frekari uppbyggingar í efnahagsmálum þjóðarinnar.
Flokksfélög framsóknarmanna hafa á liðnum vikum verið að velja þingfulltrúa á flokksþingið. Hvert flokksfélag hefur rétt til að senda einn fulltrúa með atkvæðisrétt á flokksþing fyrir hverja 15 félagsmenn eða brot úr þeirri tölu. En allir félagsmenn í flokknum hafa rétt til að sækja flokksþingið og hafa þar málfrelsi og tillögurétt. Miðstjórnarmenn eiga sæti á flokksþingi með atkvæðisrétti.
Sigmundur Davíð Gunnlaugsson, forsætisráðherra og formaður Framsóknarflokksins, mun flytja yfirlitsræðu sína í dag kl. 13.15 við setningarathöfn flokksþingsins. Kvennakórinn Vox feminae mun flytja nokkur lög við þessa athöfn.
Ritari flokksins og formaður landsstjórnar, Eygló Harðardóttir, og framkvæmdastjóri Framsóknarflokksins, Hrólfur Ölvisson, munu flytja skýrslur um störf sín fyrir hádegi í dag.
Kosningar til forystu í flokknum fara fram á laugardag, 11. apríl, en kosið er til formanns, sem jafnframt er formaður miðstjórnar flokksins, varaformanns og ritara.
Sigrún Magnúsdóttir, ráðherra, mun verða með „Sögustund um Rannveigu Þorsteinsdóttur“ þar sem brugðið verður upp svipmyndum frá ferli þessarar merku forvígiskonu okkar framsóknarmanna. Þessi dagskrárliður á flokksþinginu verður á morgun laugardag kl. 11.00. Magnús Ragnar Sigurðsson flytur ljúfa tóna á mandólínið.
Bjartsýnisverðlaun Framsóknarflokksins verða veitt í dag kl. 11.40.
Jafnréttisviðurkenning Framsóknarflokksins verður veitt kl. 15.00 á laugardaginn.
Dagskrá 33. flokksþings framsóknarmanna:
Föstudagur 10. apríl
Kl. 10.30 Þingsetning
Kl. 10.40 Kosning þingforseta (6)
– Kosning þingritara (6)
– Kosning kjörbréfanefndar (5)
– Kosning kjörstjórnar (7)
– Kosning samræmingarnefndar (3)
– Kosning dagskrárnefndar (3)
Kl. 11.00 Skýrsla ritara
Kl. 11.20 Skýrsla framkvæmdastjóra
Kl. 11.30 Mál lögð fyrir þingið
– Málefnanefnd
Kl. 11:40 Bjartsýnisverðlaun Framsóknarflokksins 2015
Kl. 12.00 Matarhlé
– Sameiginlegur fundur SUF og LFK á flokksþingi
Kl. 13.15 Setningarathöfn
– Yfirlitsræða formanns
Kl. 14.10 Almennar umræður
Kl. 16.00 Nefndastörf hefjast – unnið í málefnahópum fram eftir kvöldi og á laugardag
1. Landbúnaður og sjávarútvegur.
2. Ferðaþjónusta.
3. Iðnaður og orkumál.
4. Efnahagsmál, fjármál ríkisins og skattamál.
5. Viðskipta- og neytendamál.
6. Stjórnskipan, kirkju-, dóms- og mannréttindamál.
7. Sveitarstjórnarmál.
8. Samgöngur, fjarskipti og byggðarmál.
9. Mennta- og menningarmál.
10. Velferðarmál.
11. Utanríkismál.
12. Umhverfis- og auðlindarmál.
Laganefnd
Kl. 21:30 SUF-partý í Framsóknarhúsinu
Laugardagur 11. apríl
Kl. 09.00-12.00
– Skráning, afhending þinggagna og sala miða á kvöldverðarhóf
Kl. 09.00 Almennar umræður – framhald
Kl. 11:00 „Konan sem ruddi braut framsóknarkvenna“ – erindi Sigrúnar Magnúsdóttur, ráðherra
Kl. 11:30 Fundur sveitarstjórnarmanna á flokksþingi
Kl. 12.00 Matarhlé
Kl. 13.00 Kosningar:
– Formaður, varaformaður, ritari, laganefnd og siðanefnd
Kl. 14.00 Afgreiðsla mála
Kl. 15.00 Jafnréttisviðurkenning Framsóknarflokksins 2015
Kl. 17.30 Þingi frestað
Kl. 20.00 Kvöldverðarhóf
Sunnudagur 12. apríl
Kl. 10.00 Afgreiðsla mála
Kl. 11.00 Tillögur að lagabreytingum
Kl. 12.30 Afgreiðsla mála – framhald
Kl. 14.00 Þingslit
***