Category: Fréttir

„Hæstv. forseti. Við getum öll verið sammála um að laga þurfi það sem er brotið. Traust Alþingis er eitt af því sem er brotið. Getum við lagað það? Já, við getum það. En ef það á að takast verður þingheimur að vera sammála um að þörf sé á úrbótum. Þetta á ekki að snúast um einstaklinga eða flokka og þau rök að þetta hafi alltaf verið svona. Það dugar heldur ekki til. Vinnubrögðin á Alþingi verða að breytast sem og umgjörð þingsins, þ.e. þingsköpin og þær hefðir sem skapast hafa í áranna rás. Hegðun þingmanna verður að batna, hvernig fólk hagar sér hér í þingsal, hvernig það talar um og við hvert annað. Sífelld frammíköll eru til dæmis hlutur sem setja oft blett á störf þingsins. Nefndastörfin eru hjarta þingstarfanna en þau eru almenningi ekki sýnileg. Þar er unnið faglega og markvisst að úrlausn mála.
Herra forseti. Málþóf er atriði sem við verðum með einhverjum hætti að ná tökum á. Það er skilningur fyrir því innan þingsins að slíkt sé í sumum tilfellum nauðsynlegt tæki fyrir stjórnarandstöðu hverju sinni til að skapa sér samningsstöðu. En almenningur hefur ekki skilning á þessu sérstaka tæki þingmanna. Ég hef því með tímanum hallast að þeirri leið að þegar mál stoppa í þinginu verði að vera einhver útgönguleið, eins og t.d. þjóðaratkvæðagreiðsla.
Að síðustu vil ég nefna reglur um líftíma þingmála. Ég tel að þingmál eigi að fá að lifa kjörtímabilið til þess að hægt sé að auka skilvirkni þingsins. Þingmannamál fái til að mynda meira rými, en þar er oft um þverpólitísk þjóðþrifamál að ræða. Þau þurfa umræðu og helst afgreiðslu. Ef við breyttum því gæti verið að almenningur mundi upplifa okkur þingmenn sem afkastameiri og jafnvel traustari starfskrafta.“
Silja Dögg Gunnarsdóttir – í störfum þingsins 16. febrúar 2016.

„Hæstv. forseti. Kjördæmavika var að venju viðburðarík. Það er gott og hollt að gefa sér tíma til að funda með félagsmönnum og öðrum og fá tækifæri til að hitta félagasamtök og sækja aðra skipulagða viðburði án þess að það stangist á við þétta fundadagskrá þingsins.
Hér í Suðvesturkjördæmi eru húsnæðismálin í brennidepli. Það blasir við að við verðum að hraða vinnu við þau frumvörp sem hæstv. félags- og húsnæðismálaráðherra er með í þinginu og í vinnslu í hv. velferðarnefnd.
Þau frumvörp eru mikilvægur liður í heildarlausn á húsnæðismarkaði. Samhliða liggur fyrir frumvarp í efnahags- og viðskiptanefnd um breytingar á húsnæðislánum til neytenda þar sem aðallega er rætt um kröfur um fagleg vinnubrögð lánveitenda.
Nú fleira verður hins vegar að koma til ef jafnvægi á að skapast á húsnæðismarkaði; markaði þar sem sannarlega er skortur á húsnæði sem birtist í of háu verði sem kemur aðallega niður á leigjendum og þeim sem hyggja á fyrstu kaup.
Samtök iðnaðarins hafa greint þetta ágætlega og bent á uppsafnaða þörf fyrir lítið, ódýrt húsnæði, sniðið fyrir leigjendur og ungt fólk sem er að fara af stað til að koma þaki yfir höfuðið.
Við þurfum að horfa til þessara frumvarpa í heildarsamhengi og sem lið í því að mæta þessari þörf ásamt öðrum nauðsynlegum aðgerðum til að liðka til fyrir auknu framboði af minna húsnæði, ódýrara húsnæði, eins hratt og kostur er.
Það er því sama hvernig á er litið, lögmál framboðs og eftirspurnar gilda í þessu. Þess vegna er svo brýnt að klára frumvarpið um almennar íbúðir því að þar er áformað að auka framboð af slíku húsnæði og það er sannarlega áskorun sem við þurfum að mæta.“
Willum Þór Þórsson – í störfum þingsins 16. febrúar 2016.

Boðað er til 41. Sambandsþings Sambands ungra framsóknarmanna (SUF) þann 19. mars 2016 á Akureyri. Allir ungir framsóknarmenn (35 ára og yngri) hafa rétt til setu á þinginu.
Samkvæmt grein 4.5 í lögum SUF skal framboðum til formanns skila til skrifstofu Framsóknarflokksins eigi síðar en tveim vikum fyrir setningu sambandsþings eða fyrir laugardaginn 5. mars. Þeir sem hafa áhuga á að bjóða sig fram í stjórn SUF er bent á netfangið suf@suf.is.
SUF-arar eru hvattir til þess að skila inn tillögum að ályktunum sem fyrst á netfangið suf@suf.is. Þær tillögur sem liggja fyrir laugardaginn 12. mars verða prentaðar með öðrum þinggögnum. Tillögurnar verða ræddar í þremur málefnahópum sem verða starfandi á þinginu.
Samkvæmt grein 7.5  í lögum SUF skal tillögum að lagabreytingum skilað eigi síðar en 14 dögum fyrir setningu þings sambandsins eða fyrir laugardaginn 5. mars. Tillögum skal skilað á netfangið suf@suf.is.
Samkvæmt grein 4.3 í lögum SUF hafa þeir atkvæðisrétt á þinginu sem hafa skráð sig í Framsóknarflokkinn 30 dögum fyrir sambandsþingið.
Þingið verður haldið í Lionssalnum á Akureyri laugardaginn 19. mars. Hátíðarkvöldverður verður um kvöldið og munu LFK-konur slást í hópinn með okkur. Því er ljóst að það verður töluverð skemmtun um kvöldið. Nánari upplýsingar um hátíðarkvöldverðinn kemur síðar.
Rúta verður í boði til og frá Akureyri. Stefnt er að því að rútan fari frá Reykjavík kl. 16:00 föstudaginn 18. mars og til baka í hádeginu sunnudaginn 20. mars. Mikilvægt er að skrá sig í rútuna fyrir 1. mars en kostnaði verður haldið í lágmarki. Skráning í rútuna fer fram á suf@suf.is.
Við hvetjum þinggesti til þess að bóka gistingu sem fyrst en við mælum með Hótel Norðurlandi, Hótel KEA og Icelandair hótel Akureyri. Einnig er fjöldi orlofshúsa og gistiheimila í boði á Akureyri.
Þinggjald er 1.000,- en innifalið eru þinggögn ásamt hressingu á laugardeginum.

Drög að dagskrá:

12:00 – Þingsetning
– Kosning þingforseta
– Kosning þingritara
– Kosning starfsnefndar
12:15 – Skýrsla stjórnar og reikningar
12:30 – Kosningar:
– Formaður
– Stjórn
– Varastjórn
– Skoðunarmenn reikninga
– Varaskoðunarmenn reikninga
13:30 – Málefnavinna:
– Hópur 1 – Húsnæðismál ungs fólks.
– Hópur 2 – Atvinnumál ungs fólks.
– Hópur 3 – Menntamál.
– Hópur 4 – Lagabreytingar og aðrar tillögur
15:30 – Afgreiðsla mála
17:00 – Þingslit
19:30 – Hátíðarkvöldverður
Stjórn SUF

Boðað er til 41. Sambandsþings Sambands ungra framsóknarmanna (SUF) þann 19. mars 2016 á Akureyri. Allir ungir framsóknarmenn (35 ára og yngri) hafa rétt til setu á þinginu.
Samkvæmt grein 4.5 í lögum SUF skal framboðum til formanns skila til skrifstofu Framsóknarflokksins eigi síðar en tveim vikum fyrir setningu sambandsþings eða fyrir laugardaginn 5. mars. Þeir sem hafa áhuga á að bjóða sig fram í stjórn SUF er bent á netfangið suf@suf.is.
SUF-arar eru hvattir til þess að skila inn tillögum að ályktunum sem fyrst á netfangið suf@suf.is. Þær tillögur sem liggja fyrir laugardaginn 12. mars verða prentaðar með öðrum þinggögnum. Tillögurnar verða ræddar í þremur málefnahópum sem verða starfandi á þinginu.
Samkvæmt grein 7.5  í lögum SUF skal tillögum að lagabreytingum skilað eigi síðar en 14 dögum fyrir setningu þings sambandsins eða fyrir laugardaginn 5. mars. Tillögum skal skilað á netfangið suf@suf.is.
Samkvæmt grein 4.3 í lögum SUF hafa þeir atkvæðisrétt á þinginu sem hafa skráð sig í Framsóknarflokkinn 30 dögum fyrir sambandsþingið.
Þingið verður haldið í Lionssalnum á Akureyri laugardaginn 19. mars. Hátíðarkvöldverður verður um kvöldið og munu LFK-konur slást í hópinn með okkur. Því er ljóst að það verður töluverð skemmtun um kvöldið. Nánari upplýsingar um hátíðarkvöldverðinn kemur síðar.
Rúta verður í boði til og frá Akureyri. Stefnt er að því að rútan fari frá Reykjavík kl. 16:00 föstudaginn 18. mars og til baka í hádeginu sunnudaginn 20. mars. Mikilvægt er að skrá sig í rútuna fyrir 1. mars en kostnaði verður haldið í lágmarki. Skráning í rútuna fer fram á suf@suf.is.
Við hvetjum þinggesti til þess að bóka gistingu sem fyrst en við mælum með Hótel Norðurlandi, Hótel KEA og Icelandair hótel Akureyri. Einnig er fjöldi orlofshúsa og gistiheimila í boði á Akureyri.
Þinggjald er 1.000,- en innifalið eru þinggögn ásamt hressingu á laugardeginum.

Drög að dagskrá:

12:00 – Þingsetning
– Kosning þingforseta
– Kosning þingritara
– Kosning starfsnefndar
12:15 – Skýrsla stjórnar og reikningar
12:30 – Kosningar:
– Formaður
– Stjórn
– Varastjórn
– Skoðunarmenn reikninga
– Varaskoðunarmenn reikninga
13:30 – Málefnavinna:
– Hópur 1 – Húsnæðismál ungs fólks.
– Hópur 2 – Atvinnumál ungs fólks.
– Hópur 3 – Menntamál.
– Hópur 4 – Lagabreytingar og aðrar tillögur
15:30 – Afgreiðsla mála
17:00 – Þingslit
19:30 – Hátíðarkvöldverður
Stjórn SUF

„Hæstv. forseti. Eitt af því sem einkenndi fjármálakerfið á Íslandi fyrir hrun var að þá var í gangi hávaxtastefna líkt og nú og inn streymdi erlent áhættufé. Nú er svo að í næsta mánuði stendur til að Seðlabankinn bjóði upp 200 milljarða af slíku fé til að losa um svokallaða snjóhengju. Maður hefði ætlað það að þessir atburðir, þ.e. það sem gerðist hér í aðdraganda hrunsins og nauðsynlegar ráðstafanir vegna þess núna, hefðu kennt Seðlabankanum eitthvað. En það kemur fram í svari fjármála- og efnahagsráðherra við fyrirspurn frá þeim sem hér stendur um innflæði gjaldeyris í fyrra að hingað hafi streymt fjármagn til kaupa á ríkisskuldabréfum upp á 54 milljarða kr. Og það á að fara að losa um 200 í næsta mánuði.
Í svarinu segir einnig að þetta innflæði einskorðist við fé sem kemur inn í landið eftir svokallaðri nýfjárfestingarleið Seðlabankans. Þetta þýðir að Seðlabankinn er að bjóða áhættufjárfestum aftur ekki einungis að koma hér í vaxtahimin heldur fá þeir 20% fleiri krónur fyrir þann gjaldeyri sem þeir koma hér með inn.
Seðlabankastjóri hefur sagt að innflæði fjármagns sé svolítið eins og áfengisáhrif, það sé mjög gott í hófi, en mér sýnist Seðlabankinn vera dottinn herfilega í það og ég held að hann sé kominn á ofboðslegt vaxtamunarfyllirí.“
Þorsteinn Sæmundsson í störfum þingsins 3. febrúar 2016.

„Hæstv. forseti. Síðastliðinn mánudag var á dagskrá þingfundar 3. umr. og atkvæðagreiðsla um frumvarp um breytingu á lögum um þjóðfána Íslendinga og ríkisskjaldarmerkið, um notkun fánans í markaðssetningu vöru og þjónustu.
Þá bar svo við að málið var tekið af dagskrá og sem framsögumaður málsins ætla ég að útskýra stuttlega hvers vegna.
Samtök iðnaðarins hafa eðlilega látið sig málið varða og við vinnslu málsins hjá nefndinni sendu samtökin inn ágætisumsögn um málið og fylgdu þeirri umsögn eftir með gagnlegum ábendingum. Fulltrúar samtakanna höfðu svo samband á ögurstundu fyrir 3. umr. á Alþingi og höfðu athugasemdir og hugmyndir um útfærslu og breytingar á málinu.
Sú ákvörðun var tekin að bregðast við og gefa Samtökum iðnaðarins færi á að fylgja þessari útfærslu eftir og upplýsa nefndina frekar um hugmyndir sínar og því var málið tekið af dagskrá.
Samtök iðnaðarins komu svo fyrir nefndina í gærmorgun og fóru yfir málið og útskýrðu sjónarmið sín og breytingartillögur fyrir nefndinni. Minnisblað þess efnis liggur þegar fyrir á vef Alþingis um málið og þar geta áhugasamir kynnt sér tillögurnar. Í stuttu máli snúa þær að því að þar sem fáninn er í eðli sínu upprunamerking er mikilvægt að tryggja frekar að neytendur geti gengið að því sem vísu að upplýsingar um uppruna séu skýrar, eins og þegar fáninn er notaður í markaðssetningu á vöru og þjónustu verði stuðst við fyrirliggjandi upprunareglur samnings Evrópska efnahagssvæðisins, bókun 4.
Í öllu falli var hratt brugðist við og þykir mér full ástæða til að þakka hv. formanni stjórnskipunar- og eftirlitsnefndar og hæstv. forseta fyrir skjót viðbrögð. Það er von mín að málið tefjist ekki fram úr hófi og að þessi snúningur verði til bóta.“
Willum Þór Þórsson í störfum þingsins 3. febrúar 2016.

„Virðulegi forseti. Í morgun í umhverfis- og samgöngunefnd var haldinn fundur sem bar yfirskriftina Flugöryggi á Akureyri.
Þannig er mál með vexti að Isavia hefur tekið ákvarðanir um að fækka flugumferðarstjórum og taka upp hina svokölluðu AFIS-þjónustu sem ég skil ekki öðruvísi en svo að þar verði einstaklingar sem eru með minna nám á bakinu og mun minni reynslu og hafa ekki heimild til þess að stýra hinum mjög svo mikilvæga radar sem er nauðsynlegur út af legu Akureyrarflugvallar.
Í rauninni er þetta skrýtið í því ljósi að stjórnvöld hafa lýst yfir miklum áhuga á að styrkja millilandaflug til Akureyrar og hafið aðgerðir í þá áttina. Við horfum upp á það núna, sem er gleðiefni, að efni sem kemur til úr Vaðlaheiðargöngum er sett til þess að undirbúa byggingu nýs flughlaðs. Þess vegna veltir maður fyrir sér í hvaða átt Isavia sé í rauninni að fara.
Fram komu fullyrðingar um að þetta væri eingöngu tímabundin aðgerð sem væri nauðsynleg út af manneklu, en þegar áhöld eru um að gerður verði nýr þjónustusamningur þar sem Isavia mun leggja til að AFIS-þjónusta geti viðgengist þá hefur maður á tilfinningunni að svo verði ekki.
Ég vil beina því til innanríkisráðuneytis og allra þeirra sem málið varða að tryggja að áfram verði sama þjónusta og verið hefur á Akureyrarflugvelli frá árinu 1960. Það skiptir gríðarlegu máli að þjónustan sé ekki bara sú sama heldur líka öryggið. Við höfum (Forseti hringir.) heyrt sömu vangaveltur áður. Þeim var hafnað út af öryggissjónarmiðum. Ég vona að svo verði líka núna og Isavia hverfi frá þessum hugmyndum hið snarasta.“
Höskuldur Þór Þórhallsson í störfum þingsins 3. febrúar 2016.