Category: Fréttir

Gaman er að skoða nokkrar staðreyndir um hin nýja þingflokk Framsóknar.

• Meðalaldur þingmanna í þingflokknum er tæplega 44 ára.
• Þar af er helmingur þingmanna yngri en 45 ára.
• Bæði verður yngsti og elsti þingmaður Alþingis í þingflokk Framsóknar. Það eru þær Jóhanna María Sigmundsdóttir (fædd 1991) og Sigrún Magnúsdóttir (fædd 1944) en 47 ár skilja þær að.
• Kynjaskiptingin er 57,8% karlar og 42,1% konur.
• Sigmundur Davíð, Gunnar Bragi og Sigurður Ingi eru allir fyrstu þingmenn síns kjördæmis. 

Aðrar skemmtilegar staðreyndir um þingflokk framsóknarmanna:

• Frosti Sigurjónsson spilar á gítar og er meðlimur í bílskúrsbandi.
• Jóhanna María sem er sauðfjárbóndi, á um 100 háhæluð skópör
• Haraldur Einarsson er fljótastur á landinu, hann er Íslandsmeistari í 60m hlaupi 2013.
• Gunnar Bragi á tvíbura syni.
• Willum Þór þjálfaði KR til sigurs í úrvalsdeildinni 2002 og 2003 í knattspyrnu og gerði Val að Íslandsmeistörum 2007.
• Sigrún Magnúsdóttir kom á fót Sjóminjasafni Reykjavíkur.
• Vigdís Hauksdóttir varð Íslandsmeistari í blómaskreytingum áður en hún lærði lögfræði og settist á þing.

Fleiri skemmtilegar staðreyndir um þingflokk Framsóknar verða birtar á morgun.

Kosningavaka Framsóknar hefst kl 21 á Hótel Borg.

Allir hjartanlega velkomnir!

 
Kosningavaka Framsóknar í Kraganum hefst kl. 21 á Spot í Kópavogi.

Sigmundur Davíð Gunnlaugsson, formaður Framsóknar, sendir mikilvæg skilaboð til ungra kjósenda.

Einherji, blað framsóknarmanna í Norðvesturkjördæmi, er komið út.
Hér getið þið nálgast blaðið á PDF formi

Sigmundur Davíð kveðst hafa áhyggjur af því að Sjálfstæðisflokkurinn og Samfylking hyggist koma saman ríkisstjórn til að koma í veg fyrir að róttækar fyrirætlanir Framsóknarflokksins nái fram að ganga. Hann undrast hörð viðbrögð forystumanna annarra stjórnmálaflokka við þessum tillögum á sama tíma og sífellt fleiri stígi fram og viðurkenni að svigrúm sé til staðar, með samkomulagi við kröfuhafa og eigendur aflandskróna um hina svonefndu snjóhengju.
„Miðað við umræðuna síðustu vikur virðist vera ljóst að annað af tvennu muni gerast. Annað hvort fær Framsóknarflokkurinn nógu mikið fylgi til að hafa nógu sterka samningsstöðu til að geta knúið á um að þessi stefna nái fram að ganga, að komið verði loksins til móts við skuldsett heimili og tekið á verðtryggingunni eða að aðrir stjórnmálaflokkar mynda ríkisstjórn um að vera á móti stefnu Framsóknarflokksins í skuldamálum heimilanna, sem yrði þá ríkisstjórn um verðtryggingu og ríkisstjórn um óbreytt ástand,“ segir Sigmundur Davíð Gunnlaugsson í viðtali við Eyjuna nú þegar aðeins eru fimm dagar til kosninga.
Formaður Framsóknarflokksins kveðst gera sér glögga grein fyrir þeirri ábyrgð sem fylgi því að setja fram slík kosningaloforð. Hann viti að við þau þurfi að standa. „Ef við fáum stuðning til að ráðast í þetta verkefni, að veita heimilunum það réttlæti sem þau hafa beðið eftir í fjögur og hálft ár, þá er enginn annar valkostur en að uppfylla þær væntingar og klára það dæmi.“
Og hann tekur skýrt fram að Framsóknarflokkurinn muni ekki semja sig frá þessum loforðum til þess eins að komast í ríkisstjórn. „Það kemur ekki til greina að semja sig frá þessu, Framsókn mun ekki gefa þetta eftir,“ segir hann.
Viðtal við Sigmund Davíð á eyjan.is er hér.

Nú þegar ekki er nema 5 dagar í kosningar en mikið viðburði og fundi í öllum kjördæmum. Hér er dagskráin fyrir komandi viðburði í Austfjörðum. Opnunartími kosningaskrifstofa á Austfjörðum má sjá neðst á myndinni.

Þjóðólfur er tímarit sem gefið er út í Suðurkjördæmi. Blaðið kom út í mars 2013 og í því eru viðtöl og greinar eftir frambjóðendur Framsóknar í kjördæminu. Blaðinu var dreift á öll heimili og fyrirtæki í kjördæminu.

Þess má geta að í því er sérstaklega skemmtileg umfjöllun um sveitir kjördæmisins sem kallast “Blessuð sértu sveitin mín” þar sem forsvarsmenn sveitarfélaga segja stuttlega frá sínu sveitarfélagi.

Hér getið þið nálgast blaðið á PDF formi