Category: Fréttir

Tómas Árnason, fyrrverandi alþingismaður, ráðherra og seðlabankastjóri lést á Landspítalanum á aðfangadag, 91 árs að aldri.
Tómas var fæddur á Hánefsstöðum við Seyðisfjörð 21. júlí 1923. Forelrar hans voru Árni Vilhjálmsson (f. 9. apríl 1893, d. 11. jan. 1973) útgerðarmaður og síðar erindreki Fiskifélags Íslands og Guðrún Þorvarðardóttir (fædd 7. janúar 1892, dáinn 26. október 1957) húsmóðir. Eiginkona Tómasar var Þóra Kristín Eiríksdóttir (f. 13. mars 1926, d. 14. jan. 2007) húsmóðir. Synir þeirra eru: Eiríkur (1950), Árni (1955), Tómas Þór (1959), Gunnar Guðni (1963).
Nám í Alþýðuskólanum á Eiðum 1939—1941. Stúdentspróf MA 1945. Lögfræðipróf HÍ 1949. Framhaldsnám við Harvard Law School í Bandaríkjunum 1951—1952 og lauk þar prófi í alþjóðaverslunarrétti. Hdl. 1950. Hrl. 1964.
Rak málflutningsskrifstofu á Akureyri 1949—1951 og 1952—1953, jafnframt stundakennari við gagnfræðaskólann þar, erindreki framsóknarfélaganna og blaðamaður við Dag. Starfsmaður í utanríkisráðuneytinu 1953—1960, forstöðumaður og deildarstjóri varnarmáladeildar frá stofnun hennar 10. nóv. 1953 til 1960. Rak málflutningsskrifstofu í Reykjavík ásamt Vilhjálmi bróður sínum 1960—1972. Framkvæmdastjóri Tímans 1960—1964. Framkvæmdastjóri Framkvæmdastofnunar ríkisins 1972—1978 og 1983—1984. Skip. 1. sept. 1978 fjármálaráðherra, lausn 12. okt. 1979, en gegndi störfum til 15. okt. Skip. 8. febr. 1980 viðskiptaráðherra, lausn 28. apríl 1983, en gegndi störfum til 26. maí. Bankastjóri við Seðlabanka Íslands 1985—1993.
Gjaldkeri Framsóknarflokksins 1968—1978 og ritari hans 1979—1983. Sat á allsherjarþingi Sameinuðu þjóðanna 1969. Fulltrúi á fundum Þingmannasamtaka Norður-Atlantshafsríkjanna 1974—1977 og 1983—1984. Í stjórnarskrárnefnd 1976—1978. Fulltrúi Íslands á fundum Alþjóðabankans 1978—1982. Í ráðherraráði EFTA-landanna 1980—1983, formaður ráðsins 1982. Fulltrúi Íslands á fundum þingmannanefndar EFTA 1983—1984.
Alþingismaður í Austurlandskjördæmi 1974—1984.
Vþm. Eyfirðinga jan.—febr. 1956, Norður-Múlasýslu jan. og júlí—ágúst 1959 og Austurl. jan., febr.—mars og okt.—nóv. 1968, febr. og mars—apríl 1969, mars—apríl, okt.—nóv. og des. 1970, febr. 1971, febr.—mars 1972 og mars 1973.
Fjármálaráðherra 1978—1979, viðskiptaráðherra 1980—1983.
Framsóknarflokkurinn vottar aðstandendum sína dýpstu samúð.

Líneik Anna Sævarsdóttir alþingismaður ræddi á Alþingi í gær í störfum þingsins um verð á raforku og spurði hvort að ekki væri brýnt að tryggja umhverfisvænt rafmagn hér innan lands í stað þess að vinna að útflutningi okkar umhverfisvænu orku?
„Á síðustu árum hafa orðið miklar framfarir í fiskmjölsiðnaðinum hér á landi því að í flestum verksmiðjunum eða bræðslunum er búið að koma upp rafskautakötlum í stað olíukatla þannig að skipt hefur verið úr olíunotkun yfir í rafmagnsnotkun,“ sagði Líneik Anna.
Nú ber hins vegar svo við að útlit er fyrir að rafskautakatlar verksmiðjanna standi ónotaðir í vetur og í staðinn verði brennt svartolíu á komandi loðnuvertíð, en orkufyrirtækin hafa tilkynnt miklar hækkanir á verði á ótryggðri orku á sama tíma og olíuverð lækkar.
„Verksmiðjurnar hafa haldið olíukötlunum við til að geta gripið til þeirra þegar rafmagn hefur verið skammtað. Nú virðist rafmagnsverðið vera að hækka um 30–50% þannig að einhver fyrirtæki hafa nú þegar ákveðið að skipta alfarið yfir í olíu,“ sagði Líneik Anna.
„Ég velti jafnframt fyrir mér hvaða áhrif þessar rafmagnshækkanir hafi á stofnanir ríkis og sveitarfélaga sem hafa verið með nokkuð hagstæða samninga um notkun á umframorku í sínum rekstri,“ sagði Líneik Anna.
Nefndi Líneik Anna sem dæmi, hitaveitur, sundlaugar, íþróttahús, heilbrigðisstofnanir, elliheimili og skóla.
„Það getur ekki verið þjóðfélagi okkar til góðs að láta umframorkuna ónotaða, eyða þess í stað gjaldeyri í olíu og menga umhverfið þegar aðrar leiðir eru mögulegar,“ sagði Líneik Anna að lokum.

 
PS: Ertu á Facebook? Því ekki að verða aðdáandi Framsóknar.[/fusion_builder_column][/fusion_builder_row][/fusion_builder_container]

Karl Garðarsson alþingismaður ræddi vaxtalækkanir Seðlabankans í störfum þingsins í gær. „Það hefur ekki farið sérstaklega mikið fyrir þeirri frétt að bankarnir juku vaxtamun fyrir nokkrum dögum í kjölfar stýrivaxtalækkunar Seðlabankans. Þetta þýðir að heimilin verða af hundruðum milljóna króna. Þetta er gjöf bankanna til almennings í landinu í jólamánuðinum,“ sagði Karl.
„Þetta eru kaldar kveðjur til launþega sem berjast fyrir bættum kjörum sínum. Þetta eru líka kaldar kveðjur til stjórnvalda sem hafa beitt sér fyrir skuldaleiðréttingu. Í raun eru þetta óþolandi skilaboð fyrir þá kjarasamninga sem í hönd fara,“ sagði Karl.

PS: Ertu á Facebook? Því ekki að verða aðdáandi Framsóknar.[/fusion_builder_column][/fusion_builder_row][/fusion_builder_container]

Framsóknarflokkurinn var stofnaður á Alþingi 16. desember árið 1916. Fyrstu árin starfað hann eingöngu sem þingflokkur en uppúr 1930 var honum breytt í formlega fjöldahreyfingu með flokksfélög sem grunneiningar. Uppruna flokksins má rekja til tveggja hreyfinga sem höfðu mikil áhrif á íslenskt þjóðfélag á fyrstu árum aldarinnar þ.e. samvinnuhreyfingarinnar og ungmennafélaganna. Þessi samtök börðust m.a. fyrir almennum framförum og umbótum í landinu, aukinni menntun og atvinnurekstri sem sem tryggði mönnum sannvirði fyrir vöru og vinnu. Þessi hugsjónalegi bakgrunnur hafði mikil áhrif á stefnu flokksins og gerir enn í dag.
Allt frá upphafi hefur Framsóknarflokkurinn verið frjálslyndur umbótaflokkur svo sem uppruni hans og stefnuyfirlýsingar í gegnum tíðina bera með sér. Þetta felur í sér að flokkurinn er fordómalaus um úrlausnir aðsteðjandi vandamála á hverjum tíma. Hann vill beita aðferðum þekkingar og vísinda til að ryðja framþróuninni braut á grundvelli þeirra þjóðfélagslegu gilda sem stefna hans byggist á. Þessu viðhorfi var lýst þannig af Hermanni Jónassyni formanni flokksins 1944-62 að stefna flokksins væri hvorki til hægri né vinstri heldur beint áfram. Vegna frjálslyndis síns er hann umburðarlyndur gagnvart skoðunum annarra. Hann vill að allir þeir sem hafa eitthvað fram að færa í sambandi við lausn þjóðfélagsmála fái tækifæri til að tjá sig, túlka skoðun sína og reyna að vinna henni fylgi áður en ákvarðanir eru teknar.
Sem umbótaflokkur hefur flokkurinn í starfi sínu lagt höfuðáherslu á að hver kynslóð leitist við að skila þeirri næstu betra þjóðfélagi en hún tók við, betra lífi, fleiri tækifærum og ríkari menningu. Þjóðfélagi þar sem manngildið er metið ofar auðgildi.
 
PS: Ertu á Facebook? Því ekki að verða aðdáandi Framsóknar.[/fusion_builder_column][/fusion_builder_row][/fusion_builder_container]

Elsa Lára Arnardóttir sýnir okkur B – hliðina. Hún segist vera hjátrúarfull, finnst gaman að ferðast innanlands og utan og finnst gott að vera með fjölskyldu og vinum.

Fullt nafn: Elsa Lára Arnardóttir.
Gælunafn: Jú, jú, ég læt það flakka. Góðar vinkonur mínar kalla mig Grimmhildi.
Aldur: 38 ára.
Hjúskaparstaða? Gift Rúnari G. Þorsteinssyni.
Börn? Þorsteinn Atli 15 ára og Þórdís Eva 11 ára.
Hvernig síma áttu? I phone 5S.
Uppáhaldssjónvarpsefni?  Miðvikudagskvöldin á Stöð 2 hitta í mark hjá mér. Hef bara sjaldan tíma til setjast fyrir framan sjónvarpið. Næ þó stundum að vinna það upp um helgar.
Uppáhalds vefsíður: Hlaup.is, Instagram, Facebook og ýmsar aðrar.
Besta bíómyndin? Notting Hill og eiginlega bara allar myndir með Hugh  Grant (eða það segir sonur minn).
Hvernig tónlist hlustar þú á? Ég er nánast alæta á tónlist, hlusta á allt frá rólegum lögum og upp í þungarokk. Ég höndla samt sem áður ekki óperur.
Uppáhaldsdrykkur: Ískalt vatn og kóka kóla light.
Hvað finnst þér best að borða? Hornfiski humarinn klikkar aldrei, sérstaklega ekki þegar mamma eldar hann.
Hvaða lag kemur þér í gírinn? Sísí fríkar út.
Ertu hjátrúarfull? Já mjög svo, forðast svarta ketti og að ganga undir stiga.
Hverslags viðfangsefni myndirðu ekki leggja nafn þitt við? Hvar á ég að byrja … get t.d. nefnt einelti. Mun heldur ekki samþykkja áfengi í matvöruverslanir.
Hver var fyrirmyndin þín á yngri árum? Það hefur verið amma mín. Alltaf tilbúin til að breiða út faðminn þegar á þarf að halda, alltaf tilbúin til að veita hjálparhönd, á endalausa þolinmæði og yndisleg kona í alla staði. Amma er ein af mínum bestu vinkonum.
Hver er fyrirmyndin þín í dag? Amma.
Hverjir eru sessunautar þínir á Alþingi?  Ragnheiður Ríkharðsdóttir og Þorsteinn Sæmundsson.
Hver eru helstu áhugamálin? Ferðalög innanlands og utan, samvera með fjölskyldu og vinum, fjallgöngur og hlauparúntar með frábæru félögum mínum í Skagaskokk Akranesi.
Besti vinurinn í vinnunni? Það er Silja Dögg. Við erum duglegar að gera eitthvað skemmtilegt saman. Skella okkur á tónleika, ræktina og sjósund, þannig að eitthvað sé nefnt.
Helsta afrekið hingað til?  Á maður ekki að skrifa hér; að fæða börnin mín. En fyrir utan það er helsta afrekið að skokka maraþon (42,2 km), tognuð á læri. Verkjatöflurnar komu mér þó þetta langt.
Uppáhalds manneskjan? Það eru vinir og fjölskylda. Er svo heppin að eiga stóra fjölskyldu og góða vini. Get aldrei gert upp á milli þeirra.
Besti skyndibitinn? Það er án efa Kebab.
Það sem þú borðar alls ekki? Ég get alls ekki borðað slátur.  Held ég hafi fengið æviskammtinn hjá mömmu og í skólamötuneytinu í Heiðarskóla.
Lífsmottóið? Komdu fram við aðra eins og þú vilt að aðrir komi fram við þig.
Þetta að lokum: Njótið dagsins 🙂
 
PS: Ertu á Facebook? Því ekki að verða aðdáandi Framsóknar.

Elsa Lára Arnardóttir alþingismaður ræddi á Alþingi í dag álit EFTA vegna lögmæti verðtryggðra neytendalána. „EFTA-dómstóllinn komst hins vegar að þeirri niðurstöðu að ekki væri sanngjarnt að miða útreikning á greiðsluáætlunum við 0% ef verðbólgustig væri ekki 0%, en skaut samt sem áður málinu til íslenskra dómstóla og taldi það þeirra hlutverk að skera úr um það.“
„Í dag, 8. desember, átti eitt af þeim málum fyrir héraðsdómi að vera tekið fyrir er varðar lögmæti verðtryggingarinnar af lánum. Því máli hefur verið frestað fram í byrjun janúar á næsta ári og það er afar slæmt,” sagði Elsa Lára og bætti við, “það er mjög slæmt að vera í þessari óvissu og að dómskerfið sé að ýta málunum lengra frá þannig að lengra verði í það að niðurstöður úr þessum mikilvægu málum fáist“.
„Óvissan er mikil. Það er mikilvægt að allir í samfélaginu fái að vita hvort þetta standist lög eða ekki. Óvissan er vond og mikilvægt að fá svör við því okkur öllum til heilla“, sagði Elsa Lára að lokum.
Ræða Elsu Láru Arnardóttur í heild sinni:

 
PS: Ertu á Facebook? Því ekki að verða aðdáandi Framsóknar.