Category: Fréttir

Líneik Anna Sævarsdóttir, alþingismaður, ræddi sérhæfðar læknisfræðilegar greiningar barna í störfum þingsins í gær. Telur Líneik Anna að á stundum sé vel hægt að fara einfaldari leiðir við sérhæfðar læknisfræðilegar greiningar barna í þjóðfélaginu.
„Á síðustu árum hefur þekkingu starfsfólks grunn- og leikskóla á ýmsum frávikum við þroska og námi barna fleygt fram. Jafnframt hefur þekking aukist á því hvernig mögulegt er að aðstoða nemendur við að sinna námi og starfi í skólunum. Samhliða hefur fagleg þekking og færni starfsfólks skólaþjónustunnar aukist og burðir til að greina frávik og veita starfsfólki ráðgjöf. Tryggja ætti að í minna mæli þyrfti að leita út fyrir kerfið eftir þjónustu en samhliða þessu lengjast biðlistar í sérhæfðustu læknisfræðilegu greiningarnar, svo sem hjá Greiningar- og ráðgjafarstöð ríkisins og BUGL,“ sagði Líneik Anna.
„Ég leyfi mér að efast um að allir sem eru á þessum biðlistum séu þar af raunverulegri þörf, heldur byggist þörfin að einhverju leyti á því að fjármagni úr Jöfnunarsjóði sveitarfélaga og jafnvel innan sveitarfélaga er að einhverju leyti úthlutað til skóla á grunni sérhæfðra læknisfræðilegra greininga. Sem betur fer er verklag í flestum grunn- og leikskólum samt þannig að brugðist er við þörfum barna óháð því hvort formleg greining sálfræðings eða læknis liggur fyrir. Ég vil því skora á heilbrigðisyfirvöld, menntamálayfirvöld og samtök sveitarfélaga að taka höndum saman og fara yfir verkferla á þessu sviði því að þarna tel ég mögulegt að einfalda málin samhliða því að efla þjónustu og draga úr kostnaði hjá foreldrum, skólum, sveitarfélögum og heilbrigðiskerfinu,“ sagði Líneik Anna.
Ræða Líneikar Önnu Sævarsdóttur í heild sinni:

 
PS: Ertu á Facebook? Því ekki að verða aðdáandi Framsóknar.

Þórunn Egilsdóttir, alþingismaður, ræddi kynbundinn launamun í störfum þingsins í gær. „Kynbundinn launamunur er því miður staðreynd í samfélagi okkar og þrátt fyrir miklar breytingar síðustu ár og áratugi er íslenskur vinnumarkaður mjög kynskiptur.“
Ræða Þórunnar Egilsdóttur í heild sinni:

 
PS: Ertu á Facebook? Því ekki að verða aðdáandi Framsóknar.

Í dag eru tvö ár frá því að EFTA-dómstóllinn kvað upp dóm sinn í Icesave-málinu. En dómstóllinn hafnaði öllum kröfum ESA og að Ísland hafi ekki brotið gegn Evróputilskipun um innistæðutryggingar með því að greiða ekki eigendum Icesave reikninga lágmarksinnstæðutryggingu og að Ísland hafi ekki brotið gegn almennum reglum EES samningsins um bann við mismunun á grundvelli þjóðernis.
„Við áttum við ofurefli að etja. Tvær öflugustu stofnanir heims beittu sér af fullum þunga gegn Íslandi og Evrópusambandið gerðist í fyrsta skipti aðili að dómsmáli,“ sagði Sigmundur Davíð Gunnlaugsson, formaður Framsóknarflokksins, á Alþingi 28. janúar 2013, í umræðum um dóm EFTA-dómstólsins í Icesave-málinu.
Ísland vann Icesave-málið
Framsókn sýnir samstöðu í verki: Býður Samfylkingunni húsnæði undir Icesave fund
Össur: „Til hamingju, Ísland“
„Þetta er svo sérstakur dagur að maður er enn þá næstum því meyr og orða vant. Þegar þessi stórkostlegu gleðitíðindi brjótast eins og sólargeisli inn í grámósku vetrarins get ég ekki hafið mál mitt öðruvísi en að segja: Til hamingju, Ísland.
Við Íslendingar höfðum fullan sigur í öllum þáttum Icesave-málsins fyrir EFTA-dómstólnum þegar úrskurður féll í morgun. Sigur Íslands var svo algjör að ESA sem kærði okkur var meira að segja dæmt til að greiða allan málsvarnarkostnað Íslands sem sýnir kannski betur en flest annað hversu fráleit dómstólnum þótti kæran. Þegar ég skimaði yfir dóminn sýndist mér sem dómurinn hefði tekið allar röksemdir Íslands til greina utan hugsanlega eina,“ sagði Össur Skarphéðinsson, alþingismaður, og þáverandi utanríkisráðherra.
 
PS: Ertu á Facebook? Því ekki að verða aðdáandi Framsóknar.

Iceland’s liberal Prime Minister, Sigmundur Davíð Gunnlaugsson, has announced Sigrún Magnúsdóttir as the new Minister of Environment and Natural Resources. Her appointment makes the Icelandic cabinet, led by LI full member Progressive Party, completely gender balanced. New Icelandic minister of Environment : “Work together to conserve our planet.”
Commenting exclusively for LI on her new appointment as Minister of Environment, Mrs Magnúsdóttir said “Earth is our common home and our only home. It is crucial that we all work together to conserve our planet that support our wellbeing. I have never shied away from new tasks and challenges.”
www.liberal-international.org/

Hjálmar Bogi Hafliðason varaþingmaður ræddi á Alþingi í gær um tilhneigingu allra kerfa til að viðhalda sjálfu sér. „Jafnvægi skapist og kerfin þurfa ekki að takast á við breytingar. En kerfið sem við mennirnir bjuggum til á örfáum árum og búum við hefur leitt af sér gríðarlegan ójöfnuð, misskiptingu auðs og sóun,“ sagði Hjálmar Bogi.
Þegar ríkustu 10% Íslendinga eiga 73% auðs í landinu þá eiga 30% landsmanna eiga ekki fyrir skuldum. „Getur slík misskipting viðgengist,“ sagði Hjálmar Bogi.
„Orð forsætisráðherra um svigrúm til hækkunar lægstu launa vöktu því ákveðna ánægju hjá mér, og jafnframt að í komandi kjarasamningum verði hugsað um að hækka laun í krónum en ekki prósentum. Það eitt væri aðeins lítil kerfisbreyting í rétta átt gegn innbyggðum ójöfnuði í kerfinu,“ sagði Hjálmar Bogi.
Ræða Hjálmars Boga Hafliðasonar:

 
PS: Ertu á Facebook? Því ekki að verða aðdáandi Framsóknar.

Þórunn Egilsdóttir alþingismaður er nýr þingflokksformaður þingflokks Framsóknarmanna. Þetta var ákveðið á fundi þingflokksins er nú stendur yfir. Aðrir í stjórn þingflokksins eru Ásmundur Einar Daðason, varaformaður og Willum Þór Þórsson meðstjórnandi. Ásmundur Einar mun svo taka við sem þingflokksformaður í sumar af Þórunni.
Vigdís Hauksdóttir tekur sæti Sigrúnar Magnúsdóttir í stjórnskipunar-og eftirlitsnefnd, og Elsa Lára Arnardóttir tekur sæti Þórunnar Egildsdóttur í velferðarnefnd.
Þórunn er fædd í Reykjavík 23. nóvember 1964. Hún lauk stúdentsprófi frá Verslunarskóla Íslands 1984 og B.Ed.-próf Kennara Háskóla Íslands 1999. Þórunn hefur verið Sauðfjárbóndi síðan 1986. Grunnskólakennari 1999-2008, áður leiðbeinandi. Skólastjórnandi 2005-2008. Verkefnastjóri hjá Þekkingarneti Austurlands, nú Austurbrú, 2008-2013. Í sveitarstjórn Vopnafjarðarhrepps 2010-2014, oddviti 2010-2013.
Í stjórn Sambands sveitarfélaga á Austurlandi 2010-2014. Í sveitarstjórnarráði Framsóknarflokksins 2010-2014. Í miðstjórn Framsóknarflokksins síðan 2010. Í ráðgjafarnefnd Jöfnunarsjóðs sveitarfélaga síðan 2011. Í hreindýraráði síðan 2011.
Þórunn hefur verið alþingismaður frá 2013 fyrir Norðausturkjördæmi.
 
PS: Ertu á Facebook? Því ekki að verða aðdáandi Framsóknar.

Anna Kolbrún Árnadóttir var kjörin nýr formaður Landssambands framsóknarkvenna á 17. Landsþingi framsóknarkvenna sem fram fór síðastliðinn sunnudag 11. janúar. Hún tekur við af Sveinbjörgu Birnu Sveinbjörnsdóttur borgarfulltrúa sem hefur verið formaður frá hausti 2013. Anna Kolbrún er menntunarfræðingur og doktorsnemi frá Akureyri. Hún hefur áður gegnt formennsku í jafnréttisnefnd Framsóknar og átt sæti í skipulagsnefnd flokksins. Með Önnu Kolbrúnu í framkvæmdastjórn eru Sunna Gunnars Marteinsdóttir, Linda Hrönn Þórisdóttir, Bjarney Rut Jensdóttir og Bjarnveig Ingvadóttir.
Á þinginu ályktuðu framsóknarkonur, m. a. um mikilvægi þess að leiðrétta launamun kynjanna, efla fæðingarorlofssjóð, tryggja jafnt aðgengi að heilbrigðisþjónusta óháð fjárhag eða búsetu. Einnig lýsa framsóknarkonur miklum áhyggjum yfir stöðu geðheilbrigðisþjónustu barna- og unglinga á öllu landinu. Þá lagði þingið til að Framsóknarflokkurinn tryggi jafnræði kynjanna í efstu sætum framboðslista með því að láta reglur um paralista ráða þeim sætum sem kosið er um í bindandi kosningu.
Framsóknarkonur fagna niðurstöðu miðstjórnar Framsóknar sem ályktaði í nóvember síðastliðnum að flokksþing Framsóknarflokksins árið 2015 endurspegli vilja til þess að heiðra 100 ára kosningaréttar kvenna. Framsóknarkonur hvetja ennfremur allar konur til þess að gefa kost á sér í allar stöður þjóðfélagsins.
 
 
 
 
 

Ályktanir 17. Landsþings framsóknarkvenna (LFK) 11. janúar 2015

Framsókn

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, fagnar niðurstöðu haustfundar miðstjórnar flokksins þar sem miðstjórn ályktar að flokksþing Framsóknarflokksins árið 2015 endurspegli vilja til þess að heiðra 100 ára kosningaréttar kvenna. Lfk lýsir einnig yfir ánægju sinni á viðburðum tengdum þessum mikilvægu tímamótum.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, leggur til að Framsóknarflokkurinn tryggi jafnræði kynjanna í efstu sætum framboðslista með því að láta reglur um paralista ráða þeim sætum sem kosið er um í bindandi kosningu. Bundin sæti skulu að lágmarki vera fjögur þegar valið er á lista.
  Með paralista er átt við að sitthvort kynið skal skipa 1. og 2. sætið og síðan í næstu tvö sæti og þannig áfram niður listann. Þegar efstu sætum sleppir skal hlutfall kvenna og karla vera sem jafnast á listanum öllum samanber lög og reglur flokksins. Víki framjóðandi sæti eftir að val fer fram, færist næsti frambjóðandi upp eftir þeirri reglu að áður samþykkt kynjahlutfall haldist gildi.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, leggur áherslu á að unnið verði áfram að jafnrétti kynjanna. Þar skiptir lagalegt, samfélagslegt og félagslegt réttlæti máli. Þótt lagalegt jafnrétti sé að mestu unnið er ennþá margt að vinna fyrir bæði kynin. Brjóta þarf niður venjur og hefðir sem hefta framþróun kynjajafnréttis bæði innan lands sem utan. Það er sameiginlegt verkefni kvenna og karla að stuðla að framþróun jafnréttis.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, fagnar endurreisn íslensks efnahagslífs undir forystu framsóknarmanna.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, tekur undir orð forystu Framsóknarflokksins um að aldrei má láta staðar numið og verkefnin eru næg, samfélagið er aldrei í kyrrstöðu og það verður að bera kyndilinn áfram til næstu kynslóða. Jafn réttur kynjanna er málefni allra.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, lýsir yfir ánægju sinni með bætt kynjahlutföll innan ríkisstjórnarinnar með skipun nýs ráðherra Framsóknar, Sigrúnar Magnúsdóttur í embætti umhverfis- og auðlindaráðherra og óskar henni velfarnaðar í starfi.

Fjölskyldur

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, leggur áherslu á að fæðingarorlof verði lengt og upphæð orlofsins hækkuð þar sem hagur ríkissjóðs fer batnandi, einnig má benda á að með þeim hætti er staðið við markmið laga. Sýnt hefur verið fram á að karlar með lægri tekjur taka síður fæðingarorlof en þátttaka þeirra dróst saman eftir 2009. Lfk bendir á að þrátt fyrir mikla þátttöku karlmanna í fæðingarorlofi er mikilvægt að auka hana enn frekar. Þá sýna rannsóknir að þeir feður sem taka feðraorlof eru líklegri til þess að taka þátt í uppeldi barna sinna sem stuðlar að jafnrétti kynjanna, einnig innan veggja heimilisins.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, fagnar fyrirhuguðum úrbótum í húsnæðismálum með nýrri húsnæðisstefnu sem mun gagnast hvað mest efnaminni fjölskyldum sem nú þurfa margar hverjar að búa í allt of dýru leiguhúsnæði.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, telur afar mikilvægt að lýðheilsusjónarmið verði umfram allt höfð að leiðarljósi við afgreiðslu frumvarps sem lagt hefur verið fram um breytingar á lögum um verslun með áfengi. Frumvarpið brýtur þvert á yfirlýsta stefnu stjórnvalda frá því í janúar síðast liðinum. Í þessu sambandi vill Lfk benda á að alþjóðlegum rannsóknum ber saman um að afnám einkasölu á áfengi leiði til aukinnar neyslu þess og að samhliða aukinni áfengisneyslu mun samfélagslegur kostnaður aukast vegna neyslutengdra vandamála þeirra sem neyta áfengis.

Vinnumarkaðurinn

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, leggur áherslu á að þrátt fyrir miklar breytingar á liðnum áratugum sé íslenskur vinnumarkaður enn mjög kynjaskiptur, því þarf að breyta með öllum tiltækum ráðum, óviðunandi er að laun í kvennastéttum eru lægri en í karlastéttum. Lfk vekur athygli á að launamunur kynjanna mælist ennþá 7–18% sem er með öllu óásættanlegt og fagnar innleiðingu jafnlaunastaðals stjórnvalda og aðila vinnumarkaðarins.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, ályktar að mikilvægt er að stuðla að því að uppræta rótgróin kynjabundin gildi um mismunandi hæfni kvenna og karla sem hamla því að kynin hafi jafna möguleika á vinnumarkaði. Lfk bendir á að staðalímyndir virðast ráða miklu um námsval ungs fólks sem svo hefur áhrif á starfsval þegar að atvinnuþátttöku kemur. Einnig er erfitt fyrir konur sem komnar eru yfir miðjan aldur að fá störf þrátt fyrir að búa yfir fagmenntun.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, vill hvetja konur til þess að gefa kost á sér í allar stöður þjóðfélagsins og bendir á að ójöfn staða karla og kvenna hamlar þróun í átt til jafnréttis kynjanna. Lagasetning um kynjakvóta hefur skilað árangri en jafnframt vill Lfk leggja áherslu á að gera þarf betur.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, leggur áherslu á að þegar verið er að skipa í nefndir á vegum ríkis og sveitarfélaga og annarra opinberra stofnana séu kynjasjónarmið ætíð höfð að leiðarljósi. Lfk hvetur stjórnvöld til þess að endursenda þau tilnefningabréf sem ekki innihalda nöfn á báðum kynjum eða gera grein fyrir ástæðum þess að ekki var tilnefnt samkvæmt lögum.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, vill hvetja konur í atvinnurekstri að efla samstöðu sína og viðskiptatengslanet. Konur eru í minnihluta í hópi eigenda og stjórnenda fyrirtækja. Mikilvægt er að auka fjölbreytni atvinnulífsins og nýta sem best krafta allra. Það er sameiginlegt verkefni karla og kvenna.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, lýsir yfir ánægju sinni með stofnun félags kvenna í sjávarútvegi.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, ályktar að stytting vinnuviku íslendinga sé nauðsynleg í komandi kjarasamningum til þess að bæta lífskjör þjóðarinnar samanber ,,Measures work-life balance OECD” en þar kemur fram að Ísland og Pólland eru með sambærilegar tölur í unnum vinnutímum á viku á meðan nágrannaþjóðir okkar eru að ná hæstu gæðum og jafnvægi þegar kemur að því að sameina vinnu og fjölskyldulíf og er það tilkomið vegna styttri vinnuviku.

Byggðarmál

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, fagnar því að vinna sé hafinn við ljósleiðaravæðingu landsins sem verður að telja eitt stærsta framfaramál sem hægt er að ráðast í til að styrkja innviði og byggðir landsins.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, ályktar að eðilegt sé að flutningur ríkisstofnanna séu ætíð til skoðunar. Enda liggi að baki vel rökstudd fagleg rök.

Heilbrigðismál

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, fagnar að nú sé mikilvægum áfanga náð í markvissri uppbyggingu heilbrigðiskerfisins með samningi við lækna og vill benda á í því samhengi að á árinu 2015 verður meira fjármagni varið til Landspítalans en nokkurn tíma áður, auk sjöföldunar árlegs framlags til tækjakaupa á spítalanum.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, lýsir yfir þungum áhyggjum af stöðu geðheilbrigðismála barna- og unglinga á öllu landinu. Það er með öllu óásættanlegt að aðgengi að geð- og sálfræðiþjónustu skuli ekki standa öllum til boða sem þurfa að nýta sér þjónustuna vegna kostnaðar, sem er ómanneskjulegur. Öll börn- og unglingar eiga að hafa rétt á sambærilegu aðgengi. Til að breyta þessu þarf aðeins reglugerðarbreytingu og Lfk bendir á að flokksþing Framsóknar ályktaði á flokksþingi sínu árið 2013 að gera öllum börnum og unglingum það kleift á landinu að njóta þessarar þjónustu óháð efnahag og búsetu. Lfk hvetur stjórnvöld til að flýta vinnu við þingályktunartillögu um bætta geðheilbrigðisþjónustu fyrir börn- og unglinga og fjölskyldur þeirra og vinna samhliða aðgerðir vegna úrraæða fyrir börn- og fjölskyldur þeirra sem eru í neysluvanda. Lfk bendir á að tryggja þarf fjármagn til þess að hægt sé að standa vel að þessu brýna máli.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, fagnar skipun ráðherranefndar forsætisráðherra um lýðheilsu, sem ætlað er að móta lýðheilsustefnu og aðgerðaráætlun.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, vekur athygli á að stjórnvöld þurfa að skapa aðstæður til að auðvelda fólki að lifa heilsusamlegu lífi sem getur sparað umtalsvert fjármagn í heilbrigðiskerfinu.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, ályktar að góður svefn og svefnvenjur sé lykilatriði í heilsu hvers landsmanns. Rannsóknir hafa bent til þess að með leiðréttingu klukkunnar sé hægt að hafa jákvæð áhrif á svefn sem hefur einnig áhrif á líðan m.a. skólabarna. Lfk styður tillögu um breytingu klukkunnar.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, vill benda á að nauðsynlegt er að standa vörð um aðgengi að heilbrigðisþjónustu. Samvinnufélagaformið sé mikilvægur valkostur í því sambandi. Þjónustan verði að vera öllum aðgengileg óháð fjárhag eða búsetu. Lfk hafnar allri einkavæðingu í heilbrigðiskerfinu.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, telur að bæta þurfi verulega í til að tryggja að þjónustukerfi innan velferðarsamfélagsins nái betur saman. Lfk leggur áherslu á að heilbrigðis- og skólakerfið vinni nánar saman með félagsþjónustu, foreldrum og barnavernd á hverjum stað. Það er brýn þörf á að þjónustuferlið sé heildstætt og allir aðilar vinni saman að markmiðum sem nýtast og eru hverju barni til góða.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, lýsir ánægju sinni með að nú verður MST fjölkerfameðferð í boði um allt land en úrræðið er ætlað fjölskyldum 12–18 ára barna sem glíma við alvarlegan hegðunarvanda á mörgum sviðum.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, fagnar að tannlækningar 3 ára barna og barna frá 8 ára til 17 ára séu greiddar að fullu. Stefnt er að því að tannlækningar allra barna undir 18 ára verði greiddar að fullu af Sjúkratryggingum Íslands sem er stórt skref í tannheilbrigði landsmanna.

Ríkisfjármál

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, tekur undir sjónarmið formanns fjárlaganefndar að opinberar stofnanir þurfi að hagræða í rekstri sínum.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, leggur áherslu á forgangsraða og spara í ríkisrekstri sér í lagi þegar liggur fyrir að landsmenn eldast og hið opinbera er illa í stakk búið að takast á við þá stöðu. Allir skattgreiðendur verða að horfast í augu við þessa staðreynd og vera meðvitaðir um hvert álagðir skattar fara í þeirra þágu. Lfk skorar á stjórnvöld að fylgja hagræðingarstefnu sinni og hvetur í leiðinni opinbera aðila að hafa frumkvæði að sparnaði í rekstri sínum svo þetta markmið náist.

Skólamál

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, bendir á að grunnþættir menntunar eru samfélagsmiðaðir og þeim er ætlað að stuðla að auknu jafnrétti og lýðræði þannig að samfélagið njóti krafta allra til framtíðar. Því er það mikilvægt að standa vörð um að allir nemendur fái notið kennslu við hæfi og staðinn sé vörður um grunnþætti menntunar. Lfk leggur áherslu á að efnisval og inntak náms og kennslu mótist af þeim og ítrekar að ábyrgð fagfólks er mikil. Skólakerfið í heild sinni gegnir lykilstöðu í samvinnu við foreldra þegar samfélagsleg og siðferðileg málefni, staðalímyndir og kynímyndir eru mótaðar.

Kynbundið ofbeldi

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, vekur athygli á að grófasta birtingarmynd ójafnréttis er kynbundið ofbeldi og þ.m.t. nauðganir. Lfk telur afar brýnt að sú aðferðafræði þar sem gerandinn í ofbeldismálum fari af heimilinu en ekki fórnarlambið verði innleidd um allt land. Mikilvægt er að auka samstarf allra fagaðila og efla lögreglu og félagsþjónustu.

Samþætting kynja og jafnréttissjónarmiða

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, leggur áherslu á að sjónarmið beggja kynja séu til staðar þegar um breytingar í starfsemi eða þegar um er að ræða uppbyggingu nýrrar starfsemi. Með því er verið að tryggja að höfðað sé til beggja kynja og þarfir þeirra uppfylltar. Lfk bendir á að markmiðið er að tryggja að stefna og starfsemi mismuni ekki eftir kyni heldur stuðli að frekari uppbyggingu og auknu jafnrétti kynja. Hafa skal í huga að aðferðin getur nýst við fjölbreyttar aðstæður og auðvelt að aðlaga að því verkefni sem liggur fyrir. Í ljós hefur komið að kynjasamþætting getur haft jákvæð áhrif á rekstur og þjónustu og er gott gæðastjórnunartæki.

Alþjóðamál

• 17. landsþing Landssambands framsóknarkvenna haldið í Reykjavík sunnudaginn 11. janúar 2015, ályktar að mikilvægt sé að styðja við konur í þeim löndum þar sem þær njóta ekki lagalegra réttinda á við karlmenn. í 52 ríkjum heims er ekki skilyrt í lögum að kynin njóti sömu réttinda. 26 ríki í heiminum í dag mismuna konum skv lögum um erfðarétt þar í landi. Efnahagslegt frelsi er grunnurinn að sjálfstæði kvenna en án þess eru þær dæmdar í fátækt og að vera háðar karlmönnum. Ísland á að vera fyrirmynd og í forystu í þessum mikilvæga málaflokki.
• 17. landsþing Landssambands framsóknarkvenna haldið í Reykjavík sunnudaginn 11. janúar 2015, fagnar áherslu Íslands á jafnréttismál á alþjóðagrundu. Jafnrétti kynjanna er efnahagslega mikilvægt og þarft áhersluefni en UN WOMEN er sú stofnun Sameinuðu þjóðanna sem Ísland leggur mest fé til. Ísland er eina ríki heims sem forgangsraðar stuðningi sínum við stofnanir Sameinuðu þjóðanna á þennan hátt. Væntanleg ráðstefna Íslands og Súrinam er fagnaðarefni þar sem verið er að efla karlmenn til dáða til þátttöku í baráttu fyrir mannréttindum um allan heim.

 
PS: Ertu á Facebook? Því ekki að verða aðdáandi Framsóknar.

Through a meeting with the French Ambassador to Andorra, LI President, Dr. Juli Minoves, has shared the condolences of the international liberal family in a letter to the President of France, Francois Holland, after the horrific attack on the French satirical magazine, Charlie Hebdo. “#JeSuisCharlie is a motto that we all make our own, everywhere, to defend the principles of your democratic society… of all of our democratic societies”, read the LI President’s letter.

Together with liberal leaders from around the world, the LI President spoke in the strongest terms against the massacre that left 12 people dead and many injured.  At 5pm today, Dr. Juli Minoves, personally delivered a letter of condolence for President Hollande of France to the French Ambassador in Andorra, H.E. Mme. Ginette de Matha, who invited the LI President to sign a book of condolence. “Events such as the Charlie Hebdo attacks in Paris or the recent killings of over a hundred school children in Pakistan are murderous acts of terrorism against innocent people and against universal freedoms and liberalism”, wrote the LI President.

[/fusion_builder_column][/fusion_builder_row][/fusion_builder_container]