Author: Einar Gunnar

Umhverfis- og auðlindaráðherra, Sigurður Ingi Jóhannsson, átti á fimmtudag fund með formanni verkefnisstjórnar þriðja áfanga rammaáætlunar, Stefáni Gíslasyni. Á fundinum kom fram vilji ráðherra til að halda áfram með vinnu þá sem er hafin í ráðuneytinu við rammaáætlun með skipun verkefnisstjórnar. Jafnframt kom fram eindreginn vilji allra aðila til að halda fast í markmið um fagleg vinnubrögð í starfi verkefnisstjórnar og faghópa, svo að sem víðtækust sátt megi nást um niðurstöðu starfsins.
Ráðherra lagði sérstaka áherslu á að fagleg vinna verkefnisstjórnar haldi áfram eins og lagt hefur verið upp, svo og þeirra faghópa sem hún skipar, m.a. vinna við rannsóknir og greiningu á þeim virkjunarkostum sem nú eru í biðflokki. Lagði ráðherra til að við sína forgangsröðun tæki verkefnisstjórn til skoðunar þá orkukosti, sem fjallað er um í 12. kafla álits meiri hluta umhverfis- og samgöngunefndar Alþingis frá því í vetur. Eru þessar áherslur í samræmi við lög um rammaáætlun og áherslur í fyrirliggjandi þingsályktunartillögu.
Jafnframt hefur ráðherra áhuga á að tekið verið til athugunar í ráðuneytinu og eftir atvikum í samstarfi við verkefnisstjórn rammaáætlunar skoðun á þeim möguleikum sem felast í stækkun núverandi vatnsaflsvirkjana á svæðum sem þegar eru röskuð og hvernig þau áform geti fallið að vinnu verkefnisstjórnar rammaáætlunar.
Samkvæmt erindisbréfi verkefnisstjórnar þriðja áfanga rammaáætlunar ber henni að skila fyrstu niðurstöðum sínum til ráðherra snemma á næsta ári.
– Þessa frétt af vef Umhverfisráðuneytisins sjá hér

Sigurður Ingi Jóhannsson, sjávarútvegs- og landbúnaðarráðherra og Höskuldur Þór heimsóttu í dag bændur á Norðurlandi  til að kynna sér stöðu mála en ljóst er að bændur á stórum landssvæðum allt frá Ströndum og yfir til Austurlands standa frammi fyrir miklum vanda vegna kals í túnum og ótíðar í vetur og vor.
Sigurður Ingi flaug í morgun ásamt Sindra Sigurgeirssyni formanni Bændasamtakanna til Sauðarkróks. Þaðan munu þeir ásamt Höskuldi keyra út í Fljótin, taka hús á bændum í Svarfaðardal og Eyjafirði og enda yfirreiðina í Þingeyjarsýslum.
Ráðherra  og Höskuldur munu hitta að máli bændur og ráðunauta en ljóst má vera að ástandið er víða mjög slæmt og er talið að á einstaka bæjum sé allt að 90% kal í túnum.
– segir í frétt á heimasíðu Atvinnuvegaráðuneytisins, sjá hér.

 Smellið hér til þess að lesa stefnuyfirlýsingu ríkisstjórnar Framsóknarflokks og Sjálfstæðisflokks

Landskjörstjórn hefur í samræmi við úrslit alþingiskosninganna 27. apríl 2013 gefið út kjörbréf 63 þingmanna og jafnmargra varamanna.
Fyrir Framsóknarflokk:
Ásmundur Einar Daðason, 3. þm. Norðvest.
Elsa Lára Arnardóttir, 6. þm. Norðvest.
Eygló Harðardóttir, 2. þm. Suðvest.
Frosti Sigurjónsson, 2. þm. Reykv. n.
Gunnar Bragi Sveinsson, 1. þm. Norðvest.
Haraldur Einarsson, 8. þm. Suðurk.
Höskuldur Þór Þórhallsson, 3. þm. Norðaust.
Jóhanna María Sigmundsdóttir, 7. þm. Norðvest.
Karl Garðarsson, 8. þm. Reykv. s.
Líneik Anna Sævarsdóttir, 5. þm. Norðaust.
Páll Jóhann Pálsson, 5. þm. Suðurk.
Sigmundur Davíð Gunnlaugsson, 1. þm. Norðaust.
Sigrún Magnúsdóttir, 7. þm. Reykv. n.
Sigurður Ingi Jóhannsson, 1. þm. Suðurk.
Silja Dögg Gunnarsdóttir, 3. þm. Suðurk.
Vigdís Hauksdóttir, 2. þm. Reykv. s.
Willum Þór Þórsson, 5. þm. Suðvest.
Þorsteinn Sæmundsson, 10. þm. Suðvest.
Þórunn Egilsdóttir, 8. þm. Norðaust.

Fylgi Framsóknar hefur ekki verið meira síðan í kosningum 1979 en þá hlaut Framsókn 24,9% og 17 þingmenn. Framsókn fékk síðast 19 þingmenn árið 1963.
Hérna eru nokkar skemmtilegar staðreyndir til viðbótar um þingflokk Framsóknar:

• Höskuldur Þór Þórhallsson er reynslumesti þingmaður þingflokksins en hann settist á þing 2007, næst á eftir kemur Eygló Harðardóttir, hún tók sæti Guðna Ágústssonar þegar hann lét af þingmennsku 2008.
• Jóhanna María af Vestfjörðum og Þórunn frá Vopnafirði eru báðar með slæmt internetsamband á bóndabæjum sínum og lítið eða ekkert farsímasamband. 
• Karl Garðarsson er ötull hjólamaður og hjólaði einu sinni frá Kanada niður Norður-Ameríku.
• Silja Dögg á sama afmælisdag og Framsókn, 16. desember.
• Sigmundur Davíð hefur verið þekktur fyrir að grípa í pensill og mála í frítíma sínum, ein jólin eftir að hann settist á Alþingi sendi hann jólakort þar sem mynd eftir hann prýddi kortið.
• Elsa Lára og Sigmundur Davíð eru jafn gömul, bæði fædd árið 1975.
• Aðeins skilja 20 dagar að Líneik og Þórunni í aldri en báðar eru fæddar í nóvember 1964.
• 20% þingflokksins á stórafmæli í ár. Það eru þau Höskuldur, Silja Dögg, Willum Þór og Þorsteinn. Silja Dögg og Höskuldur verða fertug, Willum verður fimmtugur og Þorsteinn sextugur.

Framsókn fékk 19 þingmenn, alla kjördæmakjörna í Alþingiskosningum 2013.
Þeir eru:

Norðaustur

– Sigmundur Davíð Gunnlaugsson
– Höskuldur Þór Þórhallsson
– Líneik Anna Sævarsdóttir
– Þórunn Egilsdóttir

Norðvestur

– Gunnar Bragi Sveinsson
– Ásmundur Einar Daðason
– Elsa Lára Arnardóttir
– Jóhanna María Sigmundsdóttir

Suður

– Sigurður Ingi Jóhannsson
– Silja Dögg Gunnarsdóttir
– Páll Jóhann Pálsson
– Haraldur Einarsson

Suðvestur

– Eygló Harðardóttir
– Willum Þór Þórsson
– Þorsteinn Sæmundsson

Reykjavík suður

– Vigdís Hauksdóttir
– Karl Garðarsson

Reykjavík norður

– Frosti Sigurjónsson
– Sigrún Magnúsdóttir
Til þess að kynnast þingmönnum Framsóknar nánar má skoða youtube rás framsóknar  eða lesa um þá hér