Author: einar

Categories
Greinar

Stúdentspróf í tölvuleikjagerð

Deila grein

14/02/2019

Stúdentspróf í tölvuleikjagerð

Menntadagur atvinnulífsins er í dag en þá gefst stjórnvöldum og fyrirtækjum tækifæri til að bera saman bækur sínar og líta til framtíðar. Góð samvinna þessara aðila gerir okkur betur kleift að auka samkeppnishæfni Íslands. Dæmi um árangursríka samvinnu af því tagi er nýlegt samkomulag menntamálaráðuneytisins við Keili um nýja námsleið til stúdentsprófs í tölvuleikjagerð en þar komu Samtök iðnaðarins, Samtök leikjaframleiðenda og Samtök verslunar og þjónustu öll að borðinu. Námið er framfaraskref, þar sem það svarar áhuga ungs fólks á menntun í skapandi greinum og svarar ákalli atvinnulífsins eftir vel menntuðu og sérhæfðu starfsfólki í þeim geira.

Nýja námsleiðin er til marks um grósku í íslensku menntakerfi og er til þess fallin að styðja við hugverkadrifið hagkerfi framtíðarinnar. Tölvuleikjaiðnaðurinn hefur vaxið ört undanfarin ár en uppsöfnuð velta hans hér á landi nam um 68 milljörðum kr. á árunum 2009-2017. Innan iðnaðarins fyrirfinnast fjölbreytt, spennandi og verðmæt störf sem byggja á hugviti.

Að undanförnu hafa bæst við ýmsir nýir námskostir á framhalds- og háskólastigi hér á landi, námsbrautir framhaldsskóla hafa verið endurskoðaðar og skipulag námsins tekið talsverðum breytingum. Það er okkar að tryggja að menntakerfið geti sem best mætt fjölbreyttum nemendahópum og þörfum samfélagsins á hverjum tíma en það er eitt af markmiðum í þeirri vinnu sem nú stendur yfir við mótun menntastefnu Íslands til ársins 2030.

Áherslur stjórnvalda á nýsköpun, starfs- og tæknimenntun má glöggt sjá í stjórnarsáttmála ríkisstjórnarinnar og fjármálaáætlun hennar. Það verður spennandi að sjá hvaða viðtökur þessi nýja námsleið fær þegar skráning hefst síðar í vetur. Ég hvet alla til þess að kynna sér þá fjölbreyttu námskosti sem bjóðast í íslenskum skólum og vera vakandi fyrir þeim tækifærum sem opnast með aukinni menntun og nýrri þekkingu.

Lilja Dögg Alfreðsdóttir, mennta- og menningarmálaráðherra.

Greinin birtist fyrst í Fréttablaðinu 14. febrúar 2019.

Categories
Greinar

Almenningssamgöngur fyrir allt landið

Deila grein

14/02/2019

Almenningssamgöngur fyrir allt landið

Skilvirkar samgöngur eru undirstaða verðmætasköpunar. Almenningssamgöngur eru stór liður í þeirri breytu ásamt því að ná settum markmiðum í umhverfismálum. Sterkt almenningssamgöngukerfi um land allt, sem tengir saman byggðakjarna landsins og höfuðborgarsvæðið við landsbyggðina, er forsenda þess að jafna stöðu landsmanna og færa okkur nær hvert öðru. Notkun á almenningssamgöngum verður ekki aukin nema að þjónustustigið taki mið af þörfum notandans þar sem lykilatriði er að hægt sé að rata um leiðarkerfið með skjótum og einföldum hætti. Nýrri stefnu ríkisins um almenningssamgöngur sem mótuð hefur verið í fyrsta sinn er ætlað að tryggja að þær verði raunhæfur valkostur fyrir alla landsmenn.

Jafnt aðgengi

Markmið núverandi ríkisstjórnar er að jafna aðgengi að þjónustu og til atvinnu. Í stjórnarsáttmálanum er lögð áhersla á að byggja áfram upp almenningssamgöngur um land allt, gera innanlandsflug að hagkvæmari kosti fyrir íbúa og að stutt verði við almenningssamgöngur á höfuðborgarsvæðinu. Nýsamþykkt samgönguáætlun á Alþingi kveður á um að almenningssamgöngur verði skipulagðar sem heildstætt kerfi og í byggðaáætlun er lög áhersla á að skilgreina net almenningssamgangna á landinu öllu og reglur mótaðar um niðurgreiðslu fargjalda.

Vandamálin víkja

Helstu viðfangsefni og vandamál í almenningssamgöngum hér á landi eru viðvarandi halli á rekstri almenningsvagn milli byggða, hátt farmiðaverð, rjómafleytingar einkafyrirtækja, skortur á yfirsýn og erfiðar tengingar milli samgöngumáta. Þar fyrir utan er Ísland eitt erfiðasta svæði í heimi til reksturs almenningssamgangna, en þær þrífast að jafnaði best í fjölmenni og ekki síst þar sem íbúaþéttleiki er hár. Núverandi skipulag almenningssamgangna í lofti, láði og legi milli byggða byggir á þróun sem hefur átt sér stað yfir áratuga skeið og hafa samgöngumátarnir þrír reknir að stærstum hluta hver á sinn hátt, án heildarsýnar.

Eitt leiðakerfi og sameiginleg upplýsingagátt

Lykilatriði í nýju stefnumótuninni eru bætt þjónustustig, sameiginleg upplýsingaveita og þéttari tengingarnar svo ferðamátinn sé sem þægilegastur. Þá er lagt til að upplýsingar um áfangastaði og tímasetningar verði aðgengilegar og stefnt að því að öllum upplýsingum um leiðarkerfi almenningssamgangna verði komið á einn gagnvirkan upplýsingavef. Fyrir farþega er lykilatriði að hægt sé að rata um leiðarkerfið með skjótum og einföldum hætti. Sá sem ætlar að fara frá Vopnafirði til Ísafjarðar eða Kaupmannahafnar til Dalvíkur á ekki að þurfa að leita að fari nema í einni gátt. Upplifunin þarf að vera að eitt far sé pantað, óháð staðsetningu.

Ný drög að heildstæðri stefnu um almenningssamgöngur fara nú til umsagnar til almennings í samráðsgátt stjórnvalda. Stefnan er rökrétt framhald af nýrri samgönguáætlun sem Alþingi hefur samþykkt og verður leiðarljós að bættri þjónustu fyrir almenning. Ég hvet sem flesta til þess að kynna sér tillögurnar á vef samráðsgáttar – samradsgatt.island.is – og vænti þess að sú stefnumótun sem lögð er hér fram muni tryggja áreiðanlega og góða þjónustu til allra landsmanna, stuðla að bættum þjóðarhag og styrkja byggðir landsins í sessi.

Sigurður Ingi Jóhannsson, samgöngu- og sveitarstjórnarráðherra.

Greinin birtist fyrst í Fréttablaðinu 14. febrúar 2019.

 

Categories
Greinar

Lói skapar gjaldeyristekjur

Deila grein

10/02/2019

Lói skapar gjaldeyristekjur

Íslensk tónlist hef­ur notið mik­ill­ar vel­gengni bæði hér­lend­is sem er­lend­is. Grunn­ur­inn að þeirri vel­gengni er metnaðarfullt tón­list­ar­nám um allt land í gegn­um tíðina, sem oft­ar en ekki er drifið áfram af fram­sýnu hug­sjóna­fólki. Þjóðin stend­ur í þakk­ar­skuld við ein­stak­linga sem hafa auðgað líf okk­ar með tón­list­inni og bæði gleður og sam­ein­ar.

Stjórn­völd hafa í gegn­um tíðina stutt við efl­ingu tón­list­ar­inn­ar bæði í gegn­um stuðning við mennt­un og svo sér­tæk­ar aðgerðir á borð við stofn­un Útflutn­ings­skrif­stofu ís­lenskr­ar tón­list­ar, Útflutn­ings­sjóðs, laga­setn­ingu um tíma­bundn­ar end­ur­greiðslur vegna hljóðrit­un­ar tón­list­ar og stofn­un Hljóðrita­sjóðs. Á síðasta ári var gerð hagrann­sókn á tekj­um tón­listar­fólks og hagrænu um­hverfi tón­list­ar­geir­ans á Íslandi. Helstu niður­stöður henn­ar voru að heild­ar­tekj­ur ís­lenska tón­list­ariðnaðar­ins á ár­un­um 2015-16 voru um það bil 3,5 millj­arðar kr., auk 2,8 millj­arða kr. í af­leidd­um gjald­eyris­tekj­um til sam­fé­lags­ins vegna komu tón­list­ar­ferðamanna til lands­ins. Ljóst er að þetta er um­fangs­mik­ill iðnaður á Íslandi sem drif­inn er áfram af sköp­un og hug­viti.

Sem gott dæmi um vöxt og metnað í tón­list­ar­starfi má nefna starf Sin­fón­íu­hljóm­sveit­ar Norður­lands. Sam­hliða því að bjóða lands­mönn­um upp á glæsi­lega dag­skrá í hart­nær 25 ár hef­ur hljóm­sveit­in einnig tekið upp tónlist fyr­ir ýms­ar kvik­mynd­ir og sjón­varpsþætti í menn­ing­ar­hús­inu Hofi und­an­far­in ár. Í Hofi er búið að gera framúrsk­ar­andi aðstöðu til að vinna og fram­leiða slíka tónlist. Sem dæmi um verk sem tek­in hafa verið upp er tón­list­in fyr­ir kvik­mynd­ina Lói – þú flýg­ur aldrei einn, en það er eitt um­fangs­mesta tón­list­ar­verk­efni sem ráðist hef­ur verið í fyr­ir kvik­mynd hér á landi. Það er ótrú­lega verðmætt og mik­il viður­kenn­ing fyr­ir Ísland að okk­ar tón­listar­fólk hafi burði til að verða leiðandi í kvik­mynda­tónlist á heimsvísu ásamt því að laða til lands­ins hæfi­leika­ríkt fólk frá öll­um heims­ins horn­um.

Það er mik­il­vægt að halda áfram að styrkja um­gjörð skap­andi greina í land­inu. Stjórn­völd vilja að skap­andi grein­ar á Íslandi séu sam­keppn­is­hæf­ar og telja nauðsyn­legt að þær nái að dafna sem best. Mik­il­væg skref hafa verið stig­in í upp­bygg­ingu menn­ing­ar­húsa á lands­byggðinni en ljóst er að þau hafa sannað gildi sitt víða um land og haft ótví­ræð já­kvæð marg­feld­isáhrif á tón­list­ar- og menn­ing­ar­líf bæja og nærsam­fé­laga. Höld­um áfram veg­inn og styðjum við skap­andi grein­ar sem auðga líf okk­ar svo mjög.

Lilja Dögg Al­freðsdótt­ir, mennta- og menn­ing­ar­málaráðherra.

Greinin birtist fyrst í Morgunblaðinu 8. febrúar 2019.

Categories
Fréttir

Áfram veginn – kjördæmavika Framsóknar um allt land!

Deila grein

07/02/2019

Áfram veginn – kjördæmavika Framsóknar um allt land!

Framsókn býður til samtals við ráðherra og þingmenn flokksins hringinn í kringum landið. Verið hjartanlega velkomin!

***

Dalvíkurbyggð, Menningarhúsinu Bergi, föstudaginn 8. febrúar, kl. 15.30.

Gestir fundarins verða: Sigurður Ingi Jóhannsson, samgöngu- og sveitarstjórarráðherra, Ásmundur Einar Daðason, félags- og barnamálaráðherra, Þórunn Egilsdóttir, þingflokksformaður og þingmaður NA kjördæmis og Þórarinn Ingi Pétursson, varaþingmaður NA kjördæmis.

***

Ólafsfjörður, Höllinni veitingahús, föstudaginn 8. febrúar, kl. 20.30.

Gestir fundarins verða: Sigurður Ingi Jóhannsson, samgöngu- og sveitarstjórarráðherra, Ásmundur Einar Daðason, félags- og barnamálaráðherra, Þórunn Egilsdóttir, þingflokksformaður og þingmaður NA kjördæmis og Þórarinn Ingi Pétursson, varaþingmaður NA kjördæmis.

***

Akureyri, Lionssalnum Skipagötu 14, 4. hæð, laugardaginn 9. febrúar, kl. 11.00.

Gestir fundarins verða: Sigurður Ingi Jóhannsson, samgöngu- og sveitarstjórnarráðherra, Þórunn Egilsdóttir, þingflokksformaður og þingmaður NA kjördæmis, Halla Signý Kristjánsdóttir, þingmaður NV kjördæmis og Þórarinn Ingi Pétursson, varaþingmaður NA kjördæmis.

***

Egilsstaðir, Austrasalnum, sunnudaginn 10. febrúar, kl. 12.00.

Gestir fundarins verða: Sigurður Ingi Jóhannsson, samgöngu- og sveitarstjórarráðherra, Þórunn Egilsdóttir, þingflokksformaður og þingmaður NA kjördæmis, Líneik Anna Sævarsdóttir, þingmaður NA kjördæmis og Ásgerður Kristín Gylfadóttir, varaþingmaður í S kjördæmi

***

Reyðarfjörður, Björgunarsveitarhúsinu, sunnudaginn 10. febrúar, kl. 20.00.

Gestir fundarins verða: Sigurður Ingi Jóhannsson, samgöngu- og sveitarstjórarráðherra, Þórunn Egilsdóttir, þingflokksformaður og þingmaður NA kjördæmis, Líneik Anna Sævarsdóttir, þingmaður NA kjördæmis og Ásgerður Kristín Gylfadóttir, varaþingmaður í S kjördæmi.

***

Hvammstangi, Sjávarborg, mánudaginn 11. febrúar, kl. 12.00.

Gestir fundarins verða: Ásmundur Einar Daðason, félags- og barnamálaráðherra og Halla Signý Kristjánsdóttir, þingmaður NV kjördæmis.

***

Djúpivogur, Hótel Framtíð, mánudaginn 11. febrúar, kl. 12.00.

Gestir fundarins verða: Sigurður Ingi Jóhannsson, samgöngu- og sveitarstjórarráðherra, Þórunn Egilsdóttir, þingflokksformaður og þingmaður NA kjördæmis, Líneik Anna Sævarsdóttir, þingmaður NA kjördæmis og Ásgerður Kristín Gylfadóttir, varaþingmaður í S kjördæmi.

***

Höfn í Hornafirði, Cafe Tee, mánudaginn 11. febrúar, kl. 17.00.

Gestir fundarins verða: Sigurður Ingi Jóhannsson, samgöngu- og sveitarstjórnarráðherra, Ásgerður Kristín Gylfadóttir, varaþingmaður í S kjördæmi og bæjarfulltrúi og formaður bæjarráðs og Líneik Anna Sævarsdóttir, þingmaður NA kjördæmis

***

Sauðárkrókur, Framsóknarhúsinu Suðurgötu 3, mánudaginn 11. febrúar, kl. 20.00.

Gestir fundarins verða: Ásmundur Einar Daðason, félags- og barnamálaráðherra og Halla Signý Kristjánsdóttir, þingmaður NV kjördæmis.

***

Grundarfjörður, Sögumiðstöðinni, þriðjudaginn 12. febrúar, kl. 12.00.

Gestir fundarins verða: Ásmundur Einar Daðason, félags- og barnamálaráðherra og Halla Signý Kristjánsdóttir, þingmaður NV kjördæmis.

***

Kirkjubæjarklaustri, Icelandair Hótel Klaustri, þriðjudaginn 12. febrúar, kl. 17.00.

Gestur fundarins verður: Ágerður Kristín Gylfadóttir, varaþingmaður S kjördæmis.

***

Reykjavík, Hótel Saga (Kötlusal) , þriðjudaginn 12. febrúar, kl. 20.00.

Gestir fundarins verða: Lilja Alfreðsdóttir, mennta-og menningamálaráðherra og Willum Þór Þórsson, þingmaður SV kjördæmis og formaður fjárlaganefndar.

***

Stykkishólmur, Lionshúsinu, þriðjudaginn 12. febrúar, kl. 20.00.

Gestir fundarins verða: Ásmundur Einar Daðason, félags- og barnamálaráðherra og Halla Signý Kristjánsdóttir, þingmaður NV kjördæmis.

***

Selfoss, Framsóknarslnum á Eyravegi, þriðjudaginn 12. febrúar kl. 20.00. 

Gestir fundarins verða: Sigurður Ingi Jóhannsson, samgöngu- og sveitarstjórnarráðherra og Silja Dögg Gunnarsdóttir, þingmaður í S kjördæmi.

***

Bíldudalur, veitingstofunni Vegamót, miðvikudaginn 13. febrúar á  kl. 12.00.

Gestir fundarins verða: Ásmundur Einar Daðason, félags- og barnamálaráðherra og Halla Signý Kristjánsdóttir, þingmaður NV kjördæmis.

***

Reykjanesbær, Framsóknarhúsinu við Hafnargötu, miðvikudaginn 13. febrúar, kl. 20.00.

Gestir fundarins verða: Sigurður Ingi Jóhannsson, samgöngu- og sveitarstjórnarráðherra og Silja Dögg Gunnarsdóttir, þingmaður S kjördæmis.

***

Patreksfjörður, fundarsal Félagsheimilisins, miðvikudaginn 13. febrúar, kl. 20.00.

Gestir fundarins verða: Ásmundur Einar Daðason, félags- og barnamálaráðherra og Halla Signý Kristjánsdóttir, þingmaður NV kjördæmis.

***

Akranes, Stúkuhúsinu, fimmtudaginn 14. febrúar, kl. 20.00.

Gestir fundarins verða: Ásmundur Einar Daðason, félags- og barnamálaráðherra og Halla Signý Kristjánsdóttir, þingmaður NV kjördæmis.

***

Hella, föstudaginn 15. febrúar, kl. 12.00.

Gestir fundarins verða: Ásmundur Einar Daðason, félags- og barnamálaráðherra og Silja Dögg Gunnarsdóttir, þingmaður í S kjördæmi.

***

Hveragerði, Skyrgerðinni, föstudaginn 15. febrúar kl. 16.00.

Gestir fundarins verða: Ásmundur Einar Daðason, félags- og barnamálaráðherra og Silja Dögg Gunnarsdóttir, þingmaður í S kjördæmi.

***

Kópavogur, Framsóknarsalurinn Bæjarlind 14-16, laugardaginn 16. febrúar kl. 11.00.

Gestur fundarins verður: Lilja Alfreðsdóttir, mennta-og menningamálaráðherra.

***

Garðabær, Bjarnastöðum á Álftanesi, laugardaginn 16. febrúar kl. 11.00.

Gestur fundarins verður: Willum Þór Þórssyni, alþingismaður og formaður fjárlaganefndar Alþingis.

***

Borgarnes, Icelandair Hótel Hamar, laugardaginn 16. febrúar, kl. 11.00.

Gestur fundarins verður: Ásmundur Einar Daðason, félags- og barnamálaráðherra og Lilja Rannveig Sigurgeirsdóttir, varaþingmaður í NV kjördæmi og formaður SUF.

***

Húsavík, Kiwanis salurinn, laugardaginn 16. febrúar kl. 11.00.

Þórunn Egilsdóttir, þingflokksformaður og þingmaður NA kjördæmis, Líneik Anna Sævarsdóttir, þingmaður NA kjördæmis og Þórarinn Ingi Pétursson, varaþingmaður NA kjördæmis.

***

Hvolsvöllur, N1 þjónustumiðstöð Hlíðarenda, fimmtudaginn 28. febrúar kl. 20.00.

Gestir fundarins verða: Sigurður Ingi Jóhannsson, samgöngu- og sveitarstjórnarmálaráðherra og Silja Dögg Gunnarsdóttir, þingmaður í S kjördæmi.

***

Categories
Fréttir

Við sem þjóð stefnum á græna framtíð – látum verkin tala

Deila grein

04/02/2019

Við sem þjóð stefnum á græna framtíð – látum verkin tala

Þórarinn Ingi Pétursson, varaþingmaður, ræddi í störfum þingsins um orkuöryggi og hvort að það væri til staðar á Íslandi og hvort flutningskerfi okkar gæti annað auknum orkuflutningi.
„Virðulegi forseti. Það er enn meira um orku. Orkuöryggi snýst um skýra orkustefnu, framboð sem uppfyllir þarfir þjóðarinnar, skilvirkt og hagkvæmt regluverk og trausta orku fyrir innviði. Er orkuöryggi á Íslandi? Eigum við næga tiltæka orku til að uppfylla orkuþarfir okkar og getur flutningskerfi raforku annað auknum orkuflutningi? Allt eru þetta þættir sem við verðum að geta svarað því við stefnum sem þjóð á græna framtíð.
Ræða Þórarins Inga Péturssonar, varaþingmanns, í störfum þingsins 30. janúar 2019.

Orkuspá gerir ráð fyrir að árið 2030 hafi orkuþörf okkar aukist um 230 MW ef miðað er við hægar framfarir, 480 MW ef miðað er við græna framtíð. Til að setja það í samhengi þá þurfum við níu Hvalárvirkjanir til að anna því. Flutningur á orku er síðan annað mál. Ljóst er að þar er mikið verk óunnið. Í dag er staðan sú að nær allir þéttbýlisstaðir á landsbyggðinni fá ekki nægjanlega orku til atvinnuuppbyggingar og rafvæðingu hafna, svo eitthvað sé nefnt. Á Akureyri t.d. eru fyrirtæki sem þurfa að reiða sig á brennslu olíu til að geta mætt sínum orkuþörfum.
Orkuöryggi er stór þáttur í því að við getum nálgast framtíðina á þann hátt sem við viljum. Í mínum huga er ljóst að við verðum að nýta okkur sem flesta virkjunarkosti sem landið gefur okkur. Þar á ég við virkjun fallvatna, vindorku og jarðhita, en með virkjunum komum við alltaf til með að hafa áhrif á umhverfi okkar. Annað er óumflýjanlegt. Markmiðið á samt alltaf að vera það að allar okkar gjörðir miðist við að lágmarka umhverfisáhrif við svona framkvæmdir.
Virðulegi forseti. Við sem þjóð stefnum á græna framtíð. Látum verkin tala,“ sagði Þórarinn Ingi.

Categories
Fréttir

Fólk viti hvaða heilbrigðisþjónustu verði á hverjum stað!

Deila grein

04/02/2019

Fólk viti hvaða heilbrigðisþjónustu verði á hverjum stað!

Ásgerður K. Gylfadóttir, varaþingmaður, ræddi í umræðu um heilbrigðisstefnu til ársins 2030, mikilvægi þess að „fyrsta stefnumiðið að löggjöf um heilbrigðisþjónustu verði skýr og kveði afdráttarlaust á um hlutverk heilbrigðisstofnana og annarra sem veita heilbrigðisþjónustu og hvernig samskiptum þeirra skuli háttað.“
„Í dag er mjög mismunandi þjónusta á starfsstöðvum heilbrigðisstofnananna landsins og hefur verið kallað eftir skýrri stefnumörkun í heilbrigðisstefnu um hvaða þjónustu skuli veita á hverjum stað. Það var ánægjulegt að heyra í framsögu hæstv. heilbrigðisráðherra að verið er að skoða hvaða þjónusta er veitt á hverjum stað. Hún er mjög mismunandi yfir landið og kallað er eftir því að ef ákveðin þjónusta er í boði á einum stað sé hún það líka annars staðar, sem eðli málsins samkvæmt er ekki hægt og ekki alltaf eitthvað sem útskýrir af hverju þjónustan er einungis í boði sums staðar,“ sagði Ásgerður.
„Ég má til með að nefna að fyrir einu og hálfu ári síðan, eða þann 31. maí 2017, samþykkti Alþingi þingsályktunartillögu þingflokks Framsóknarflokksins, lagða fram af þáverandi hv. þm. Elsu Láru Arnardóttur, um að fela heilbrigðisráðherra að hefja vinnu við heilbrigðisáætlun fyrir Ísland í samráði við fagfólk í heilbrigðisstéttum. Nú erum við komin af stað með það plagg,“ sagði Ásgerður.

„Liður tvö fjallar um fjármögnun, hlutverk og fjárhagslega ábyrgð ríkis og sveitarfélaga um veitingu heilbrigðisþjónustu, að hún verði vel skilgreind. Þrátt fyrir að komið hafi aukið fjármagn inn í heilbrigðisþjónustuna, eins og kom fram í ræðu hv. þm. Óla Björns Kárasonar, lítur ekki út fyrir að við höfum náð rekstrarjafnvægi í heilbrigðisþjónustunni. Það má vera að hluta til vegna þess að hlutverk eininganna er ekki nógu vel skilgreint. Bæði ég og fleiri hafa væntingar til þess að slík skilgreining komi fram til þess að fólk átti sig á því hvaða þjónustu ber að veita á hverjum stað og væntingar séu ekki umfram fjármagn sem veitt er til þjónustunnar,“ sagði Ásgerður.
Ræða Ásgerðar K. Gylfadóttur, varaþingmanns, í umræðu um heilbrigðisstefna til ársins 2030.

Categories
Fréttir

Dæmi er um hækkun um tæp 60% á einu ári

Deila grein

04/02/2019

Dæmi er um hækkun um tæp 60% á einu ári

Líneik Anna Sævarsdóttir, alþingismaður, ræddi í störfum þingsins um raforkukostnað í dreifbýli.
„Umræða um jöfnun orkukostnaðar í dreifbýli og þéttbýli hefur lengi verið viðvarandi á Alþingi. Stundum hafa náðst ákveðin skref í rétta átt en svo vex munurinn aftur. Þetta er eins og með snigillinn sem skríður upp vegginn en sígur alltaf niður aftur. Staðan veldur viðvarandi óöryggi fyrir atvinnurekstur í dreifbýli.
Um áramótin hækkaði verðskrá Rarik fyrir flutnings- og dreifikostnaði raforku, bæði í þéttbýli og dreifbýli. Hækkun í þéttbýli nemur 1,9% en 2,6% í dreifbýli, það hækkar sem sagt um mun fleiri krónur í dreifbýli því að kostnaðurinn var hærri fyrir þar. Dæmi er um að dreifikostnaður raforku hjá grænmetisbónda í Eyjafirði hafi hækkað um tæp 60% á einu ári. Viðkomandi bóndi hefur slökkt á raflýsingu og raforkufyrirtæki hefur tapað viðskiptum.
Ræða Líneikar Önnu Sævarsdóttur, alþingismanns, í störfum þingins 30. janúar.

Það eru allt of mörg dæmi um atvinnu við ræktun og ferðaþjónustu sem stendur höllum fæti í samkeppni vegna þess að fyrirtæki hafa lent utan línu sem dregin er um þéttbýli á dreifingarkorti raforku. Tapið verður allra. Raforkufyrirtækið tapar viðskiptum þegar fyrirtæki gefast upp, dreifbýlið tapar atvinnutækifærum og samfélagið tapar verðmætum þegar fjárfesting nýtist ekki. Þannig standa færri og færri undir kostnaðinum sem búið er að leggja í við uppbyggingu dreifikerfisins. Kerfið étur sig upp innan frá.
Eitt af verkefnunum í núgildandi byggðaáætlun er að stuðla að aukinni jöfnun orkukostnaðar, bæði hvað varðar dreifingu á raforku og húshitun. Fleiri markmið í áætlunum stjórnvalda miða í sömu átt. Ég vil leggja áherslu á að horft verði heildstætt á verkefnið, að ekki verði eingöngu horft á heimilin heldur heimili, húshitun og atvinnulíf. Hægt er að ganga markvisst og heildstætt til verka varðandi jöfnun orkukostnaðar í landinu,“ sagði Líneik Anna.

Categories
Fréttir

„Sparisjóðirnir þýsku njóta trausts“

Deila grein

04/02/2019

„Sparisjóðirnir þýsku njóta trausts“

Willum Þór Þórsson, alþingismaður, sagði í umræðu á Alþingi um hvítbók um framtíðarsýn fyrir fjármálakerfið að það megi „velta því fyrir sér hvort það sé vænlegur kostur að breyta öðrum ríkisbankanum í samfélagsbanka að þýskri fyrirmynd. Þá erum við um leið búin að skilgreina hvað samfélagsbanki er. Sparisjóðirnir þýsku njóta trausts. Um 40% af umfangi fjármálakerfisins þar eru sparisjóðir. Þeir vinna fyrir nærumhverfið og hafa það á stefnuskrá sinni að sinna viðskiptum einstaklinga og fyrirtækja á samfélagslegum forsendum. Það er gert í mjög nákvæmu regluverki, þ.e. það þýðir ekki að verið sé að niðurgreiða fjármálaþjónustu eða niðurgreiða vexti. Það yrði aldrei heimilt. Það felst hins vegar í því að farið sé með ákveðnum hætti með eigin fé. Það myndast ákveðin samfélagslegur sjóður sem fer til samfélagslegra verkefna.“
Ræða Willum Þórs Þórssonar, alþingismanns, í umræðu á Alþingi um hvítbók um framtíðarsýn fyrir fjármálakerfið, 29. janúar 2019.

Í flokksþingssamþykktum Framsóknarmanna frá í mars á síðasta ári segir að „við endurskipulagningu fjármálakerfisins leggur Framsóknarflokkurinn áherslu á að fjármálakerfið þjóni fyrst og fremst heimilum og fyrirtækjum í landinu sem skapa störf og raunveruleg verðmæti á landsvísu.“
Síðan segir: „Framsóknarflokkurinn telur að annar ríkisbankanna eigi að vera áfram í eigu þjóðarinnar, með það markmiði að þjóna samfélaginu sem best. Til að bregðast við fákeppni á bankamarkaði er nauðsynlegt að samfélagsbanki hafi þann tilgang að bjóða góða þjónustu á sem bestum kjörum. Þannig má efla samkeppni í bankaþjónustu á landsvísu.“
„Í stjórnarsáttmála hæstv. ríkisstjórnar segir um fjármálakerfið að það eigi að vera traust og þjóna samfélaginu á hagkvæman og sanngjarnan hátt. Eignarhald ríkisins á fjármálafyrirtækjum er eitt það umfangsmesta í Evrópu og vill hæstv. ríkisstjórn leita leiða til að draga úr því. Ljóst er þó að ríkissjóður verður leiðandi fjárfestir í a.m.k. einni kerfislega mikilvægri fjármálastofnun. Þá liggur það bara fyrir. Lagt er upp með það í stjórnarsáttmála og það þýðir einfaldlega um leið að verið er að stíga varlega til jarðar,“ sagði Willum Þór.
„Hvað eignarhaldið varðar, eins og fram hefur komið í umræðu um þessa skýrslu og í umfjöllun á vettvangi fjölmiðla, þarfnast það frekari ígrundunar hvernig farið verður með eignarhald ríkisins á tveimur af þremur stóru bönkunum, hvaða eignarform á við í því tilliti. Og það er mikilvægt að greina á milli eignarforms og eignarhalds. En eins og komið hefur fram í umræðunni, og könnun meðal neytenda, fer því fjarri að samstaða eða meirihlutaskoðun sé til staðar um það. Í því tilliti er nærtækt að vitna til könnunar sem starfshópurinn lét Gallup gera fyrir vinnu hvítbókarinnar, um viðhorf almennings til bankaþjónustu. Þar kemur m.a. fram að 61% er jákvætt fyrir eignarhaldi ríkisins. Þar kemur einnig glöggt fram það vantraust sem ríkir á íslenskum bönkum. Í samhengi úrbóta nefnir fólk m.a. háa vexti, dýra þjónustu, græðgi og há laun og ljóst að tiltrúin á kerfinu hefur ekki unnist til baka frá hruni,“ sagði Willum Þór.

Categories
Fréttir

Ör­fyr­ir­tæki í alþjóðleg­um sam­an­b­urði – markaðsbrestur

Deila grein

01/02/2019

Ör­fyr­ir­tæki í alþjóðleg­um sam­an­b­urði – markaðsbrestur

„Sá tolla­samn­ing­ur sem tók hér gildi í maí sl. hef­ur í för með sér að 97,4% af tolla­skránni í heild sinni eru orðin toll­frjáls. Það litla sem eft­ir er er á lækkuðum tolli. Þetta mun óhjá­kvæmi­lega auka sam­keppni á inn­lend­um kjöt­markaði. Á sama tíma hang­ir óvissa um af­nám frystiskyld­unn­ar yfir bænd­um, mikl­ar óhag­stæðar geng­is­sveifl­ur og lok­an­ir markaða í Evr­ópu – ekki síst í Nor­egi – hafa valdið al­gjör­um markaðsbresti. Allt þetta og fleira til hef­ur valdið því að raun­verð til sauðfjár­bænda hef­ur lækkað um 38% frá 2015. Það er ljóst að hér er verk að vinna.“ Þetta segir Halla Signý Kristjánsdóttir, alþingismaður, í grein í Morgunblaðinu 30. janúar sl.
„Staðreynd­in er sú að ís­lensk slát­ur­hús eru ör­fyr­ir­tæki í alþjóðleg­um sam­an­b­urði en nú kem­ur sam­keppn­in ein­mitt þaðan – að utan. Þing­menn Fram­sókn­ar hafa nú lagt fram frum­varp þess efn­is að und­an­skilja afurðastöðvar í kjötiðnaði ákvæðum sam­keppn­islaga eins og þekk­ist reynd­ar víða um heim. Þetta er gert til þess að fyr­ir­tæk­in geti sam­nýtt og hagrætt í rekstri sín­um sem von­andi skil­ar sér á end­an­um í hærra afurðaverði til bænda og lægra verði til neyt­enda. Málið er fram­fara-, sam­vinnu-, og hags­muna­mál neyt­enda sem og bænda.“

Ræða Höllu Signýjar Kristjánsdóttur, alþingismanns, á Alþingi er hún mælti fyrir frumvarpinu.

Lesa má grein Höllu Signýjar í heild sinni hér.

Categories
Greinar

Efling sveitarstjórnarstigsins

Deila grein

30/01/2019

Efling sveitarstjórnarstigsins

Ég átti fyr­ir skemmstu ánægju­leg­an fund með full­trú­um fjög­urra sveit­ar­fé­laga í Aust­ur-Húna­vatns­sýslu sem ræða nú sam­ein­ingu sveit­ar­fé­lag­anna. Þar var ég upp­lýst­ur um stöðu viðræðna og þá vinnu sem er í gangi við að greina áhrif­in ef af sam­ein­ingu yrði og þær áskor­an­ir sem tak­ast þyrfti á við í ná­inni framtíð. Íbúum sveit­ar­fé­lag­anna hef­ur fækkað á umliðnum árum, hefðbund­inn land­búnaður dreg­ist sam­an og at­vinnu­líf er frem­ur ein­hæft í sam­b­urði við aðra lands­hluta. Þá þarf að bæta sam­göng­ur inn­an héraðs, en al­mennt má segja að staða annarra innviða er góð.

Á fund­in­um var einnig rætt um þau fjöl­mörgu tæki­færi sem eru til staðar í héraðinu og að með sam­stilltu átaki heima­manna og stjórn­valda væri hægt að snúa þess­ari þróun við. Upp­bygg­ing gagna­vers á Blönduósi er nær­tæk­asta dæmið um það auk marg­vís­legr­ar upp­bygg­ing­ar sem átt hef­ur sér stað í tengsl­um við ferðaþjón­ustu.

Styrk­ur kem­ur með stærð

Það verður að sjálf­sögðu íbú­anna sjálfra að ákveða hvort af sam­ein­ingu sveit­ar­fé­lag­anna fjög­urra verður eða ekki. Það er sjálfsagt að sveit­ar­fé­lög­in taki sér góðan tíma til und­ir­bún­ings og kynn­ing­ar meðal íbúa.

Ég hef þá bjarg­föstu skoðun að al­mennt hafi stærri sveit­ar­fé­lög meiri burði til að sinna lög­bund­inni þjón­ustu við íbú­ana. Þau eru bet­ur í stakk búin til að tak­ast á við hvers kon­ar breyt­ing­ar í um­hverfi sínu, svo sem á sviði tækni og til að berj­ast fyr­ir mik­il­væg­um hags­muna­mál­um sveit­ar­fé­lags­ins. Mörg sveit­ar­fé­lög hér á landi eru ansi fá­menn og það er um­hugs­un­ar­efni. Verk­efn­is­stjórn um stöðu og framtíð ís­lenskra sveit­ar­fé­laga, sem skilaði áliti sínu og til­lög­um árið 2017, taldi að of mik­ill tími og fjár­mun­ir færu í rekst­ur sveit­ar­fé­laga og of lítið væri af­lögu til stefnu­mót­un­ar og til að móta framtíðar­sýn fyr­ir sveit­ar­fé­lög­in. Nú­ver­andi sveit­ar­stjórn­ar­skip­an væri að hluta til haldið við með sam­starfi á milli sveit­ar­fé­laga og byggðasam­lög­um.

Stefnu­mót­un fyr­ir sveit­ar­stjórn­arstigið

Ég hef ný­lega skipað starfs­hóp sem hef­ur það hlut­verk að vinna stefnu­mót­andi áætl­un um mál­efni sveit­ar­fé­laga, sem meðal ann­ars er ætlað að sam­ræma stefnu­mót­un rík­is og sveit­ar­fé­laga með heild­ar­hags­muni sveit­ar­stjórn­arstigs­ins að leiðarljósi. Stefnu­mót­un rík­is­ins á þessu sviði er ný­mæli og fel­ur í sér gerð lang­tíma­áætl­un­ar í takt við aðra stefnu­mót­un og áætlana­gerð á verksviði sam­göngu- og sveit­ar­stjórn­ar­ráðuneyt­is, þ.e. sam­göngu­áætlun, fjar­skipta­áætl­un og byggðaáætl­un og sókn­aráætlan­ir.

Vinn­an hefst form­lega í þess­ari viku þegar starfs­hóp­ur­inn kem­ur sam­an í fyrsta skipti. Meðal þátta sem stefnu­mót­un­in mun taka til er stærð og geta sveit­ar­fé­lag­anna til að rísa und­ir lög­bund­inni þjón­ustu og vera öfl­ug­ur mál­svari íbúa sinna. Þá hef ég áður lýst yfir að stór­auka þurfi fjár­hags­leg­an stuðning Jöfn­un­ar­sjóðs sveit­ar­fé­laga við sam­ein­ing­ar. Mik­il­vægt er að nýsam­einuð sveit­ar­fé­lög hafi gott fjár­hags­legt svig­rúm til að vinna að nauðsyn­legri end­ur­skipu­lagn­ingu á stjórn­sýslu og þjón­ustu í sam­ræmi við for­send­ur sam­ein­ing­ar og hafi svig­rúm til að styðja við ný­sköp­un. Þá er mik­il­vægt að svig­rúm sé til lækk­un­ar skulda í kjöl­far sam­ein­ing­ar, þar sem það á við.

Samstaða um framtíðina

Ég bind mikl­ar von­ir við starfs­hóp­inn og þá vinnu sem framund­an er, sem meðal ann­ars fel­ur í sér víðtækt og gott sam­ráð um allt land. Það er mín von og trú að afurðin verði áætl­un sem samstaða er um og stuðli mark­visst að efl­ingu sveit­ar­fé­lag­anna á Íslandi til hags­bóta fyr­ir íbúa þeirra og landið allt.

Þar sem til­efni grein­ar­inn­ar var ánægju­leg heim­sókn sveit­ar­stjórn­ar­manna úr Aust­ur-Húna­vatns­sýslu er að lok­um gam­an að segja frá því að formaður starfs­hóps­ins er Aust­ur-Hún­vetn­ing­ur­inn Val­g­arður Hilm­ars­son, fyrr­ver­andi odd­viti og sveit­ar­stjórn­ar­maður á Blönduósi til langs tíma og nú síðast bæj­ar­stjóri á Blönduósi.

Sigurður Ingi Jóhannsson, samgöngu- og sveitarstjórnarráðherra.

Greinin birtist fyrst í Morgunblaðinu 30. janúar 2019.