Year: 2017

Lilja Dögg Alfreðsdóttir, alþingismaður og frv. ráðherra og Lárus Sigurður Lárusson, lögmaður munu leiða lista Framsóknarflokksins í Reykjavík í næstu alþingiskosningum. Þetta var samþykkt á fjölmennum fundi í höfuðstöðvum Framsóknarflokksins nú í kvöld.
,,Ég er mjög ánægð með þessa sterku lista sem við munum tefla fram í komandi kosningum og tel þá sýna þann mikla félagsauð sem Framsóknarflokkurinn býr yfir. Við erum að fá inn nýja liðsmenn sem hafa ekki starfað í flokknum og er það ánægjulegt. Næstu dagar fara svo í að kynna okkur og fyrir hvað við stöndum. Við erum framsýnt og lausnamiðað fólk. Mín tilfinning er sú að almenningur sé að kalla eftir stöðugleika, trausti og reynslu í íslensk stjórnmál og það er svo sannarlega eitthvað sem við búum yfir og höfum sýnt í verki.” sagði Lilja Dögg Alfreðsdóttir að loknum fundi nú kvöld.
Lilja Dögg mun leiða í Reykjavík suður og Lárus Sigurður í Reykjavík norður. Alex Björn og Birgir Örn skipa annað og þriðja sæti listans í Reykjavík suður og Kjartan Þór og Tanja Rún í Reykjavík norður.
Reykjavík norður:
1. Lárus Sigurður Lárusson, héraðsdómslögmaður
2. Kjartan Þór Ragnarsson, framhaldsskólakennari
3. Tanja Rún Kristmannsdóttir, hjúkrunarfræðinemi
4. Ágúst Jóhannsson, markaðsstjóri og handboltaþjálfari
5. Ingveldur Sæmundsdóttir, viðskiptafræðingur
6. Jón Finnbogason, vörustjóri
7. Snædís Karlsdóttir, laganemi
8. Ásrún Kristjánsdóttir, hönnuður
9. Ásgeir Harðarson, ráðgjafi
10. Kristrún Hermannsdóttir, framhaldsskólanemi
11. Guðrún Sigríður Briem, húsmóðir
12. Kristinn Snævar Jónsson, rekstrarhagfræðingur
13. Stefán Þór Björnsson, viðskiptafræðingur
14. Linda Rós Alfreðsdóttir, sérfræðingur
15. Snjólfur F Kristbergsson, vélstjóri
16. Agnes Guðnadóttir, starfsmaður
17. Frímann Haukdal Jónsson, rafvirkjanemi
18. Þórdís Jóna Jakobsdóttir, hárskeri
19. Baldur Óskarsson, viðskiptafræðingur
20. Griselia Gíslason, skólaliði
21. Andri Kristjánsson, bakari
22. Frosti Sigurjónsson, fyrrv. alþingismaður
Reykjavík Suður:
1. Lilja D. Alfreðsdóttir, alþingismaður
2. Alex B. Stefánsson, háskólanemi
3. Birgir Örn Guðjónsson, lögreglumaður
4. Björn Ívar Björnsson, háskólanemi
5. Jóna Björg Sætran, varaborgarfulltrúi
6. Bergþór Smári Pálmason Sighvats, þakdúkari
7. Helga Rún Viktorsdóttir, heimsspekingur
8. Guðlaugur Siggi Hannesson, laganemi
9. Magnús Arnar Sigurðarson, ljósamaður
10. Aðalsteinn Haukur Sverrisson, framkvæmdarstjóri
11. Kristjana Louise Friðbjarnardóttir, háskólanemi
12. Trausti Harðarson, framkvæmdastjóri
13. Gerður Hauksdóttir, ráðgjafi
14. Hallgrímur Smári Skarphéðinsson, vaktstjóri
15. Bragi Ingólfsson, efnaverkfræðingur
16. Jóhann Halldór Sigurðsson, háskólanemi
17. Sandra Óskarsdóttir, kennaranemi
18. Elías Mar Caripis Hrefnuson, vaktstjóri
19. Lára Hallveig Lárusdóttir, útgerðamaður
20. Björgvin Víglundsson, verkfræðingur
21. Sigrún Sturludóttir, húsmóðir
22. Sigrún Magnúsdóttir, fyrrv. alþingismaður

Framboðslisti Framsóknarflokksins í Suðvesturkjördæmi fyrir komandi alþingiskosningar, sem fram fara þann 28. október næstkomandi, var samþykktur á fjölmennu aukakjördæmisþingi.
Fram­boðslisti Fram­sókn­ar­flokks­ins í Suðvesturkjördæmi:

1. Will­um Þór Þórs­son, rekstrarhagfræðingur og þjálf­ari
2. Krist­björg Þóris­dótt­ir, sál­fræðing­ur
3. Linda Hrönn Þóris­dótt­ir, leik- og grunn­skóla­kenn­ari
4. Páll Marís Páls­son, há­skóla­nemi
5. María Júlía Rún­ars­dótt­ir, lögmaður
6. Þor­gerður Sæv­ars­dótt­ir, grunn­skóla­kenn­ari
7. Ágúst Bjarni Garðars­son, stjórnmálafr. MPM og skrif­stofu­stjóri
8. Mar­grét Sig­munds­dótt­ir, flug­freyja
9. Guðmund­ur Há­kon Her­manns­son, nemi
10. Anna Aur­ora Waage Óskars­dótt­ir, fram­kvæmda­stjóri
11. Bjarni Dag­ur Þórðar­son, há­skóla­nemi
12. Elín Jó­hanns­dótt­ir, há­skóla­nemi og leik­skóla­leiðbein­andi
13. Há­kon Ju­hlin Þor­steins­son, tækni­skóla­nemi
14. Njóla Elís­dótt­ir, hjúkr­un­ar­fræðing­ur
15. Ingi Már Aðal­steins­son, fjár­mála­stjóri
16. Helga María Hall­gríms­dótt­ir, sér­kenn­ari
17. Ein­ar Gunn­ar Bolla­son, öku­kenn­ari
18. Birna Bjarna­dótt­ir, sér­fræðing­ur
19. Birk­ir Jón Jóns­son, bæj­ar­full­trúi
20. Ingi­björg Björg­vins­dótt­ir, hjúkr­un­ar­fræðing­ur
21. Kári Walter Mar­grét­ar­son, lög­reglumaður
22. Dóra Sig­urðardótt­ir, hjúkr­un­ar­fræðingur
23. Eyþór Rafn Þór­halls­son, verk­fræðing­ur og dós­ent
24. Ólaf­ur Hjálm­ars­son, vél­fræðing­ur
25. Óskar Guðmunds­son, full­trúi í flutn­inga­stjórn­un
26. Eygló Harðardótt­ir, alþing­ismaður og frv. ráðherra

Tvöfalt kjördæmisþing Framsóknarflokksins í Norðvesturkjördæmi verður haldið sunnudaginn 8. október 2017 á Bifröst Borgarbyggð.
Þingið hefst kl. 11:00, en skráning þingfulltrúa hefst kl. 10:00.
Til þingsins er boðað til að velja í 5 efstu sætin á framboðslista Framsóknarflokksins til alþingiskosninga þann 28. október nk..
Sjö bjóða sig fram en þau eru:
Ásmundur Einar Daðason, fyrrv. alþingism. Borgarnesi, í 1. sæti,
Halla Signý Kristjánsdóttir, fjármálastjóri, Bolungarvík, í 2. sæti,
Björn Ingi Ólafsson, starfsm. mjólkurs. KS, Skagafirði, í 2.-3. sæti,
Lilja Sigurðardóttir, sjávarútvegsfræðingur, Patreksfirði, í 2.-3. sæti,
Stefán Vagn Stefánsson, yfirlögregluþjónn, Sauðárkróki, í 3. sæti,
Lilja Rannveig Sigurgeirsdóttir, háskólanemi, Bakkakoti Borgarbyggð, í 3.-4. sæti,
Guðveig Anna Eyglóardóttir, hótelstjóri, Borgarnesi, í 3.-5. sæti.
 

Stjórnarslitin komu mér ekki á óvart. Ósamstaðan og vantraustið innan ríkisstjórnar blasti við. Hins vegar kom mér verulega á óvart hversu snemma stjórnarslitin urðu. Þremur dögum eftir þingsetningu er auðvitað hlægilega sorglegt.
Ég mun gefa kost á mér á lista Framsóknarflokksins í Suðurkjördæmi og mun nú sem endranær leggja áherslu á að þjóna mínum umbjóðendum eins vel og ég get. Þingflokkur Framsóknarflokksins hefur lagt áherslu á að halda áfram að greiða niður skuldir ríkissjóðs og minnka þar með vaxtagreiðslur ríkissjóðs. Við teljum hins vegar að svigrúm til uppbyggingar innviða sé til staðar. Á uppgangstímum er  hægt að auka fjárframlög til aðkallandi verkefna eins og heilbrigðisþjónustu, nefni ég þá sérstaklega heilsugæsluna, sjúkraflutninga sem og til vegaframkvæmda og menntamála. Vissulega þarf að fara varlega svo hagkerfið ofhitni ekki. Þess vegna þarf að taka til greina ólíka stöðu landshluta þegar verkefni eru valin. Þenslan er auðvitað mest á höfuðborgarsvæðinu, en töluvert minni annars staðar og vitna ég þá í skýrslu Byggðastofnunar sem kom út nú í sumar. En í stuttu máli sagt þá mun Framsóknarflokkurinn leggja áherslu á stöðugleika, velferð og samvinnu.
Þegar þetta er skrifað liggur ekki fyrir hvernig valið verður á lista hjá Framsóknarflokknum en hvert kjördæmi ákveður það fyrir sig. Ég geri ráð fyrir að kosningabaráttan verði hefðbundin þó að skammur tími sé til stefnu. Ég hlakka til þeirrar baráttu og er í góðri æfingu þar sem þetta er þriðja kosningabaráttan mín á á fjórum árum. Sem er auðvitað stórfurðulegt ef út í það er farið. Maður veltir fyrir sér, miðað við hraðann í samfélaginu og stemminguna almennt, hvort þetta verði það sem við megum eiga von á næstu árin, kosningar á 1-3 ára fresti? Ég óttast að stöðugleikinn fari þá fyrir lítið og mikilvæg verkefni falli á milli skips og bryggju.
Í ljósi stöðunnar er ómögulegt að spá fyrir um hvað kemur upp úr kjörkössunum. Á Norðurlöndum eru orðin hefð fyrir fjölflokka og minnihlutastjórnum jafnvel. Margt bendir til þess að við séum að feta sömu leið. Við Framsóknarfólk erum samvinnufólk og eigum því að geta unnið með öllum flokkum, hvort sem þeir flokkast til hægri eða vinstri.
Framsóknarflokkurinn hefur farið í mikla sjálfsskoðun sl. áratug og síðasta árið var flokknum mjög erfitt fyrir margra hluta sakir. Ég tel að flokkurinn hafi nú alla burði til að taka þátt í ríkisstjórnarsamstarfi á nýjan leik og vona auðvitað að það verði niðurstaðan.
Silja Dögg Gunnarsdóttir, alþingismaður
Greinin birtist í Víkurfréttum 28. september 2017.

Kæru flokksfélagar,
atburðarrás síðustu daga hefur valdið umróti í flokknum sem hefur orðið til þess að gott fólk hefur valið að yfirgefa okkar trausta og gamalgróna flokk. Ég vil þakka þeim fyrir störf í þágu flokksins og óska þeim alls hins besta.
Ég þarf ekki að eyða mörgum orðum í þá atburði sem urðu til þess að fyrrverandi formaður Framsóknarflokksins ákvað að segja skilið við flokkinn. Þá atburði þekkjum við vel og höfum eðlilega á þeim mismunandi skoðanir. Það er nauðsynlegt að við núverandi aðstæður að taka stöðuna og ákveða hvernig hugsjónum og markmiðum Framsóknarflokksins verði best náð til heilla og hagsbóta fyrir alla landsmenn. Það gerum við með samstöðu og samvinnu alls þess góða fólks sem í flokknum starfar og stuðningsmanna hans.
Framsóknarflokkurinn á yfir 100 ára farsæla sögu. Vissulega hafa komið upp tilvik þar sem við erum ekki sammála, þar sem tekist er á um málefni en síðan komist að niðurstöðu með lýðræðislegum hætti. Við greiðum atkvæði og hlítum niðurstöðunni. Við ætlumst til þess að lýðræðisleg vinnubrögð séu viðhöfð í samfélaginu sem og í flokknum okkar.
Framsóknarfólk hefur á undanförnum árum unnið saman að brýnum hagsmunamálum þjóðarinnar og náð árangri með sannfæringu, krafti og samstöðu að leiðarljósi. Í þingflokkum eru öflugir einstaklingar og þeir sem hafa verið tilbúnir til að vinna saman hafa gert það mjög vel. Þingflokkurinn hefur áunnið sér traust og er eftirsóknarverður samstarfsflokkur.
Ég hvet þá sem eru að íhuga framboð að stíga fram og gefa kost á sér á lista Framsóknarflokksins. Góður árangur og samvinna byggist á því að fólkið í flokknum taki þátt í flokksstarfi og móti stefnu til framtíðar. Þannig erum við sterkust og þannig náum við árangi sem heild.
Staða Framsóknarflokksins er sterk og mikilvægt að við göngum sameinuð til kosninga. Við höfum skyldum að gegna. Of mörg mál hafa legið í láginni hjá síðustu ríkisstjórn sem þola enga bið. Það er okkar að hlúa að þeim sem minna eiga og byggja upp nauðsynlega innviði í velferðarkerfinu.
Kjósendur vilja trausta stjórnmálamenn og flokka sem sýna ábyrgð í störfum sínum. Kosningarnar 28. október munu öðru fremur snúast um traust og stöðugleika. Á þann hátt nýtist efnahagsbatinn sem best í þágu allra.
Málefnalega stöndum við sterkt. Við þurfum:

1. Traust og stöðugleika –kjósendur vilja trausta stjórnmálamenn og flokka sem sýna ábyrgð í störfum sínum.
2. Öfluga uppbyggingu í heilbrigðis- og skólamálum –með markvissri stefnu um land allt til að tryggja almenningi, ekki síst öldruðum og ungum viðunandi lífskjör, óháð búsetu.
3. Stórbætt samgöngukerfi.
4. Fjölmörg önnur mál t.d. sjálfbær ferðaþjónusta í sátt við náttúrna og þjóðina.

Ég vil starfa með flokkum sem vilja öflugt heilbrigðis- og menntakerfi og samgöngur. Bæta kjör þeirra sem lakast standa m.a. aldraðra, öryrkja og barna. Endurbæta skattkerfið til að létta skattbyrði hjá fólki með milli- og lægri tekjur en hækka á hátekjur.
Kæru vinir,
göngum óhikað til góðra verka, horfum fram á við og stöndum saman. Í öllum þeim störfum sem flokksmenn hafa falið mér hefur mér fundist bæði gaman og gefandi að starfa fyrir Framsóknarflokkinn. Ég hef leitast við að gera mitt besta og mun gera það áfram. Ykkar framlag er mikilvægt, án ykkar væri ekkert starf og enginn Framsóknarflokkur. Í komandi kosningum er þörf fyrir öflugan Framsóknarflokk. Við erum sterkust þegar við stöndum saman. Höldum því áfram.
Sigurður Ingi Jóhannsson, formaður Framsóknarflokksins.