Category: Fréttir

Líneik Anna Sævarsdóttir, alþingismaður, ræddi í störfum þingsins að það hafi sýnst sig svo sannarlega að framkvæmdir Landsnets og Rarik síðustu ára hafi skilað árangri og aukið verulega raforkuöryggi í Norðausturkjördæmi. Þar sem dreifikerfið er ekki enn komið í jörð eins og á Jökuldal, í Bárðardal, á suðurfjörðum Austfjarða og víðar, voru íbúar á einstökum bæjum og sveitum rafmagnslausir klukkustundum saman. Lengstu kaflar dreifikerfisins sem enn eru tengdir með loftlínu eru á Austurlandi.

„Verkefni eins og Hólasandslína 3, Kröflulína 3, yfirbyggð tengivirki og dreifikerfi í jörð skipta sköpum þegar svona veður ganga yfir. Það liggur jafnframt fyrir að með frekari reynslu og þjálfun við að nýta sjálfvirkni nýrra mannvirkja er hægt að gera enn betur,“ sagði Líneik Anna.

„Í ljósi nýliðinna atburða og kröfu um þriggja fasa rafmagn í svo til allri nýsköpun og atvinnuuppbyggingu til sveita tel ég að við getum ekki beðið svo lengi.

Stjórnvöld verða að stuðla að hraðari vinnu við að koma dreifikerfinu í jörð og jafnframt við uppbyggingu Byggðalínunnar,“ sagði Líneik Anna að lokum.

Ræða Líneikar Önnu á Alþingi:

„Virðulegi forseti

Haustveðrin koma svo sannanlega með látum í ár, og nú þegar hafa gengið yfir tvö veður sem bæði höfðu áhrif á dreifi- og flutningskerfi raforku auk annars.

Í kjördæmaviku hittum við þingmenn Norðausturkjördæmis fulltrúa Landsnets og Rarik og fórum yfir stöðu raforkukerfisins.

Þó það hafi orðið raforkutruflanir í þessum veðrum þá sýndi það sig svo sannarlega að framkvæmdir síðustu ára skila árangri og auka raforkuöryggi verulega. Verkefni eins og Hólasandslína 3, Kröflulína 3, yfirbyggð tengivirki og dreifikerfi í jörð skipta sköpum þegar svona veður ganga yfir. Það liggur jafnframt fyrir að með frekari reynslu og þjálfun við að nýta sjálfvirkni nýrra mannvirkja er hægt að gera enn betur.

Starfsmenn þessara fyrirtækja unnu hörðum höndum meðan á veðrunum stóð og í kjölfarið, stýrðu kerfum í takt við áhrif veðursins, gerðu við staura, þrifu seltu, börðu niður ísingu, komu upp varaafli og þurftu meira segja að vefja bárujárnsplötu utan af spenni á rafmagnsstaur.

Samt sem áður bjuggu íbúar á einstökum bæjum og sveitum við rafmagnsleysi klukkustundum saman. Þetta gerðist þar sem dreifikerfið er ekki komið í jörð eins og á Jökuldal, í Bárðardal, á suðurfjörðum Austfjarða og víðar. Lengstu kaflar dreifikerfisins sem enn eru tengdir með loftlínu eru á Austurlandi.

Eftir aðventustorminn 2019 var áætlunum um að koma dreifikerfi RARK í jörð flýtt og nú er áætlað að ljúka því verkefni 2030.

Í ljósi nýliðinna atburða og kröfu um þriggja fasa rafmagn í svo til allri nýsköpun og atvinnuuppbyggingu til sveita tel ég að við getum ekki beðið svo lengi.

Stjórnvöld verða að stuðla að hraðari vinnu við að koma dreifikerfinu í jörð og jafnframt við uppbyggingu Byggðalínunnar.“

Það er komið að fyrsta vöfflukaffi og laugardagasfundi vetrarins hjá Framsókn í Reykjanesbæ. Bæjarfulltrúar verða á staðnum og fara yfir upphaf nýs kjörtímabils.

Þakklæti – virðing – vinnusemi

Dagskrá:

Laugardagur  22. október

13:00 Setning og kosning starfsmanna þingsins: 

Tveggja þingforseta

tveggja þingritara

Þriggja fulltrúa í kjörbréfanefnd 

Uppstillingarnefnd

13:10     Skýrsla stjórnar og reikningar lagðir fram 

13:30     Ávörp gesta:

14:15     Almennar stjórnmálaumræður

            15.15       Kaffihlé

15:30     Stjórnmálaályktanir

15:45     Nefndastörf

16:30     Ályktanir lagðar fyrir þing

17:00     Lagabreytingar/ fjármál 

17:10     Kosningar:

Þrjá fulltrúa í stjórn KFNA til tveggja ára og fimm varafulltrúa til eins árs. 

Formann kjörstjórnar

Sex fulltrúa í kjörstjórn

Fulltrúa KFNA í miðstjórn Framsóknarflokksins samkvæmt lögum flokksins Tvo skoðunarmenn reikninga og tvo til vara

17:30     Önnur mál

18:00 Þingslit

Þinggjöld 5.000,- pr. fulltrúa, aðildarfélög eru vinsamlegast beðin að borga fyrir sína félagsmenn samkvæmt kjörbréfi og leggja inná reikning KFNA í síðasta lagi þann 22. október kt: 691101-2740 banki 0162 hb 26 reikningur 075740

Eins manns herbergið á 16.000,- með morgunmat nóttin

Tveggja manna herbergið á 18.000,- með morgunmat nóttin

Panta þarf herbergi hjá Pálínu á maili palinam@asa.is eða í síma 869-8216, fyrir 8. október

Kjörbréfum skal skila eigi síðar en þann 15. október

Skráningu í kvöldverð skal einnig skila 15. október

Kvöldverðurinn verður svo hlaðborð hússins og kostar 6.500 kr á mann og þarf að skila skráningu um kvöldverð á sama tíma og kjörbréfum þann 15. október

Reyktur silungur, grafinn lax, sjávarréttapaté, marineraðir sjávarréttir, brauð – salat Lambakjöt – kjúklingur svínakjöt ásamt sósum, kartöflum og meðlæti Eftirréttahlaðborð Kaffi og súkkulaði

Mynd: myvatn.is 7. október 2022.

Samband eldri Framsóknarmanna (SEF) heldur Teams fund fimmtudaginn 13. október nk. kl. 20:00.

Fundarefni:

1.      Stefna Framsóknarflokksins í málefnum eldra fólks.

Sigurður Ingi Jóhannsson formaður flokksins.

2.      Hvað er verið að gera í málefnunum í dag.

Ingibjörg Isaksen þingflokksformaður.

3. Fyrirspurnir.

4. Önnur mál

Þeir sem vilja vera á fundinum þurfa að tilkynna sig á skrifstofa flokksins í síma 540 4300 eða á netfangið  johannayr@framsokn.is til að fá link á fundinn.

Munið að skrá ykkur og takið þátt. Þarna er tækifæri að fá að heyra og spyrja.

Sjáumst og heyrumst

F.h. SEF

Björn Snæbjörnsson formaður SEF.

Mynd: https://guidetoiceland.is/nature-info/the-forests-of-iceland 4. október 2022.

Stjórn KFR hefur boðar til 14. Kjördæmaþings Framsóknarmanna í Reykjavík miðvikudaginn 26. október kl. 20:00.

Drög að dagskrá kjördæmaþings KFR:

1. Kosning starfsmanna þingsins.
2. Skýrsla stjórnar og ársreikningur 2021.
3. Ávörp gesta.
4. Lagabreytingar.
5. Kosningar:
   1. Formaður KFR.
   2. 6 fulltrúar í stjórn KFR og 2 til vara.
   3. Formaður kjörstjórnar.
   4. 6 fulltrúar í kjörstjórn og 3 til vara.
   5. Miðstjórn (1 fulltrúi fyrir hverja byrjaða 100 félagsmenn og jafnmargir til vara. Kynjareglur og þriðjungur úr Ungum.)
   6. Sveitarstjórnarráð – 3 fulltrúar og 3 til vara.
   7. 2 skoðunarmenn reikninga og 1 til vara.
6. Önnur mál.

Upplýsingar um staðsetningu fundar birtast þegar nær dregur.

Stjórn KFR.

Mynd: loveexploring.com 1.okt. 2022.

Staðsetning: Vogur Country Lodge á Fellsströnd, Dalabyggð. 

Þinggjald: 3.500 kr. / Hátíðarkvöldverður 7.900 kr.

Dagskrá:

Laugardagur 15. október kl. 13.00.

1.  Setning og kosning starfsmanna þingsins

2.  Skýrsla stjórnar og reikningar lagðir fram

3.  Umræður um skýrslu stjórnar og reikninga

4.  Ávörp gesta

5.  Almennar stjórnmálaumræður

Kaffihlé

6.  Stjórnmálaályktanir

7.  Kosningar

Þinghlé

Hátíðarkvöldverður og almenn gleði

Sunnudagur 16. október kl. 10.00.

8.  Nefndarstörf

9.  Afgreiðsla ályktana

10.  Önnur mál

Þingslit

Fundargestum býðst gisting á Vogi Country Lodge og fara bókanir fram á vogur@vogur.org. Verð til fundargesta er 15.000 kr. fyrir eins manns herbergi með baði og 20.000 fyrir tveggja manna herbergi með baði, morgunverður er á 2.500 kr. og 3ja rétta kvöldverður á laugardagskvöldi er 7.900 kr.

Formenn aðildarfélaga eru hvattir til þess að huga að því að manna kjörbréf fyrir þingið og gott væri að áhugasamir félagsmenn myndu tilkynna sig til þeirra.

Starfsnefnd hefur verið skipuð fyrir 22. Kjördæmisþing Kjördæmissambands Framsóknarmanna í Norðvesturkjördæmi (KFNV) og hefur hún þegar tekið til starfa.  Hlutverk nefndarinnar að taka á móti tillögum um frambjóðendur til trúnaðarstarfa á vegum KFNV sem kosið verður um á þinginu.

Mynd: vogur.org

Halldóra Fríða Þorvaldsdóttir, varaþingmaður, sagði í störfum þingsins á Alþingi að sjálfviljug samfélagsleg ábyrgð sveitarfélaganna að veita umsækjendum um vernd þjónustu sé útrunninn. Reykjavíkurborg, Reykjanesbær og Hafnarfjarðarbær hafa um árabil sinnt þjónustu við umsækjendur um vernd og álitið það vera samfélagslega mikilvægt. Stofnanir ríkisins hafa ítrekað leitað til fleiri sveitarfélaga með ósk um samstarf án árangurs. Samkvæmt upplýsingum frá Útlendingastofnun er fjöldi þeirra sem sóttu um vernd frá janúar og fram í ágúst á þessu ári er 2.552. Á undanförnum árum hafa í kringum 900 manns óskað eftir vernd á Íslandi ár hvert.

„Það er ljóst að aukinn fjöldi flóttafólks leitar til Íslands og því gengur ekki upp að þjónustan sé einungis í höndum þriggja sveitarfélaga sem eru ítrekað beðin um að stækka samninga sína þrátt fyrir ákall um að fleiri sveitarfélög komi að verkefninu,“ sagði Halldóra Fríða.

Vinnumálastofnunin leigir húsnæði í sveitarfélögunum þremur og sér um þjónustuna á meðan beðið er eftir að vernd sé veitt. Þá færist fólk sjálfkrafa yfir á sveitarfélagið þar sem búseta er nú þegar til staðar. Á sama tíma þarf fólk að nýta þá innviði sem til staðar eru í sveitarfélögunum, svo sem menntastofnanir, heilbrigðisþjónustu og löggæslu.

„Virðulegi forseti. Ég hvet hæstv. félags- og vinnumarkaðsráðherra til að setja kraft í þessa vinnu og að horfa til verklags sem notað er í Danmörku þar sem farið er eftir kvótaákvörðun við val á sveitarfélagi í móttöku flóttafólks með einfaldri reiknireglu sem miðar við hlutfall íbúa.

Þannig geta önnur sveitarfélög, og þá sérstaklega á stórhöfuðborgarsvæðinu, ekki skautað fram hjá móttöku fólks á flótta,“ sagði Halldóra Fríða að lokum.

Sigurður Ingi Jóhannsson, innviðaráðherra, ávarpaði þing Alþjóðaflugmálastofnunarinnar (ICAO) í Montréal fyrr í dag. Ráðherra gerði að umfjöllunarefni sínu mikilvægi alþjóðlegrar samvinnu á vettvangi stofnunarinnar, umhverfismál og mikilvægi alþjóðaflugs fyrir Ísland. Tilefni ávarps ráðherra er framboð Íslands til setu í aðalráði ICAO, en kosning fer fram næstkomandi laugardag. Alls 193 þjóðir eiga aðild að ICAO.

Framboð Íslands er undir merkjum NORDICAO, samstarfs Norðurlandanna, Eistlands og Lettlands hjá Alþjóðaflugmálastofnuninni til áratuga. Samvinnan felur m.a. í sér að ríkin skiptast á að sinna aðal- og varafulltrúastöðum í aðalráði stofnunarinnar. Undanfarin þrjú ár hefur Ísland átt varafulltrúa í ráðinu. Hljóti Ísland kosningu á laugardaginn mun íslenski fulltrúinn taka við stöðu aðalfulltrúa af Finnlandi, til næstu þriggja ára.

Sigurður Ingi gerði einnig að umfjöllunarefni sínu ýmis aðkallandi málefni þingsins. Má þar nefna umhverfismál tengd flugi og fyrirætlanir ríkja um að draga úr losun, vaxandi áherslu á netöryggi og gildi samvinnu og samhæfingar þjóða heimsins í þágu endurreisnar almannaflugs eftir heimsfaraldur.

Ísland hefur verið aðildarríki að Alþjóðaflugmálastofnuninni ICAO frá stofnun hennar árið 1944. Auk ráðherra eru þátttakendur Íslands á þinginu fulltrúar frá innviðaráðuneytinu og Samgöngustofu.